Impakan Sturka 35:3 - DAWAN BÎLA AISKA

³ Sabat ra, ani anira iwi kama sin, utla kumi ra sin pauta mukan kabia apia sa.”

Impakan Sturka 35:3 ပူးပေါင်းရင်းမြစ်များ

Impakan Sturka 12:16

Baha pas yua ba wina bara wik kum alkuya yua ba, man nani aidrubi Dawan ra puram sunaia sma. Baha yua nani ra man nani wark takaia apia sma, dîa piaia ba baman ridi sakaia sma upla bani dukiara.

Impakan Sturka 16:23

Moses pana witin nani ra win: —Baha sika Dawan mita win baku daukaia. Yauhka ba sabat, Dawan ra luki ris briaia yua, bamna piakaia, dukaia, angkaia, pata nani ba sut naiwa piaki, angki, duki briaia sma. Bara baha wina yauhka piaia pata ba suni swis.

Impakan Sturka 20:9

Yu matlalkahbi ba man nani wark takma, diara sut daukaia brisma ba baha yua nani ra dauks,

Impakan Sturka 23:12

“Yu nani 6 ba bilara dîa warkka nani daukaia sma ba sut dauks, sakuna yua 7 ba aimakbia ba ra, ris bri bas, bîpkam wainhka nani, birikukam nani sin ris bribia, bara tringsar nani, albikam nani sin kli ai karnika briaia ba mata baku dauks.

Impakan Sturka 31:15

Yu matlalkahbi ba wark daukaia yua nani sa, sakuna yu 7 aimaki yua ba ris yua sa, Dawan mita ai yua kulkan ba. Bamna ani uplika baha yua wark daukbia kaka, pruaia pâtka ra lakan kabia.’

Impakan Sturka 35:4

Moses ba Israel luhpia nani ra sturi aisi, naku win: “Naha lâka nani sika Dawan mangki wankan ba, yawan nani daukaia.

Aiseya 58:13

“Ris yua kulki bas; baha yua man bisniskam daukpara, yang yui holi bamna. Man naha yua na lilia yua kum kulkma, Dawan yua holikira baku bara aitani witin ra aitani kulkaia; man bahara bisniskam nani daukras kira pain kulks, diara briaia dukiara apia.

Libait Lâka 23:3

“Man nani yu 6 wark taki bas, sakuna yu 7 yua ba wark sâtka kumi sin daukma apia; baha yua ba ris yua bâk sakan bamna, holi man nani aidrubi asla takaia sma. Ani anira iwi kama kra, baha yua ba holikira Dawan ra baman kulkanka yabaia yua sa.