Impakan Sturka 35:22 - DAWAN BÎLA AISKA

²² Waitna bara mairin nani aidrubi balan, witin nani sut ai kupia param ni bri balan, wilkaia dukia nani, mihtadingka nani, bangkil nani, kiama lula nani, gul ni paskan ba dukia sât nani. Upla bani gul dukia nani sât Dawan ra yaia brih balan.

Impakan Sturka 35:22 ပူးပေါင်းရင်းမြစ်များ

2 King Nani 12:4

Bara yu kum Joás mita prîs nani ra win: —Man nani asla wahbi bri bas tempel ra lalah Dawan ra prisant nani baku yabi ba, baku sin upla bani ai lal mana aibapi ba, upla ai kupia lâka kat lalah nani Dawan tempelka ra brih bali nani ba sin. Lalah main kaiki uplika nani ra makas tempel watla ra pîska nani aisawan bâra nani ba sut pain paskbia.

2 Kronikas 29:31

Ningkara Ezequías bui upla nani ra win: “Man nani pat holi takram Dawan ra, bara nanara lamara bal, sakripais prisantka nani bri bal, Dawan tempelka ra tingki wiaia dukiara.” Bara upla nani ai prisant ba brih wan Dawan ra tingki wiaia, baku ya sakripais daukaia lukan ba baku daukan.

Impakan Sturka 32:2

Bara Eran pana witin nani ra win: —Man nani mayam, luhpiam mairin bara luhpiam waitna nani wina sin gul kiama lula nani ba nâra bri bal.

Impakan Sturka 32:3

Bara upla nani sut ai kiama ra gul kiama lula nani bri kan ba, bri sal Eran ra yan,

Impakan Sturka 35:21

baha ningkara upla bara baha prisantka bri balaia lukan ba, ai kupia param ni Dawan ra diara brih balan, baha dukia nani ba ni tint watla ba paskaia bara dîa diara wala nani sin daukaia kan kaka sin, bara kwala nani ba ni daukan.

Impakan Sturka 35:23

Kwala blu nani, paura, balianta sâtka, pauni pali sâtka, linin kwalka painkira sâtka, guts tâwa nani, guts wainhka taya pauni ba, taya painkira pali ba, bahmuna dukia nani ba bri balan.

Sins Lâka 25:12

Gul kau pain ba ni mihtadingka kum, lilura kum daukan ba baku sa, sinskira wan kupia kraukaia smalkan bîla ba, upla kum baha alki briaia tânka bri ba.

Aiseya 3:19

lilura nani ba, kiama lula nani ba, bara bangkilka nani ba sin tikbia,

Aiseya 60:13

Dawan ba Jerusalem ra aisisa: “Líbano ra prana ba man ra balbia, awas pauni nani, awas dusa bara saiprus dusa nani ba sut, yang tempelki bilara prana daukaia dukiara, bara yang mini taibaika watla bilara yamni kulkamni. Baku Dawan Jerusalem ra aisisa.

Aiseya 60:9

Baha duri tara nani Tarsis dwarka tara nani ba mita tâura aimaki aikuki asla taki aula ba, laih wina luhpiam nani ba dukia brih aula, silbar bara gul sin, Israel Gâdka Holikira, Dawankam ba, kulkanka yabaia, witin mita sika pranakira mai paskan ba.

Isikiel 16:11

Diara manakira aikuki mai skahki, bangkil nani klamhkla ra mangkri bara namna ra mangkaika sin maikatna.

Kulki Kaikanka 31:50

Bamna gul dukia nani witin nani wal prawan brih balan ba nâra sa: bangkil nani, mihta lula mangkaika dukia nani, mihtadingka, kiamka lula nani bara sakahkaia dukia wala nani sin Dawan ra yaia, swaki wan sakan ba mana.”

Matiu 2:11

Witin nani utla bilara diman ba ra, tukta ba ai yaptika Meri wal kan kaikan. Bara tukta ba mawanra ai lula kriki, mayunan. Bara ai lalahka watla nani ba bukutbi, gul, dus mâka bara sîka mâka kîa painkira sin tuktika lupia ra prisant yan.