Impakan Sturka 34:9 - DAWAN BÎLA AISKA

⁹ —¡Dawan! ¡Dawan! Rait pali man bui yang ra yamni ai kaikisma kaka, yang nani wal was. Kasak pali naha uplika nani na kiamapara sa, sakuna yang nani saurki watawiki lâka nani ba ban swih tiks, bara uplikam nani pali baku ban wan bris.

Impakan Sturka 34:9 ပူးပေါင်းရင်းမြစ်များ

Lawana Nani 135:4

Dawan Jekob ba bâk saki brin, Israel ba, ai dukia kukan kabia wisi.

Lawana Nani 25:11

Dawan, yang saurki ba tara pali sa; yang saurki ba ban swi tiks.

Lawana Nani 28:9

Dawan, uplikam nani ba swaki sâks; yamni muns, witin nani ba man uplikam sa. Sepad yamni kum baku witin nani ra main kaiks; ¡klamhkla ra alki ban kaia ra bri bas!

Lawana Nani 33:12

Lilia pali sa baha uplika Dawan mita witin nani ai Dawanka aimaki ba, witin mita ai uplika nani kaia bâk sakan ba.

Lawana Nani 78:62

Ai uplika nani mapara ai kupia sauhkan, bara ai waihla nani sordka ra prubia wisi swin.

Lawana Nani 94:14

Dawan ba ai uplika nani ra lulki swibia apia, bara sin ai uplika nani ra yakan lulki swin kabia apia.

Impakan Sturka 19:5

Bahamna man nani diara sut ra yang lâika bîla nani kat wali daukaia mai wîri ba daukma kaka, man nani ba upla wala nani sut tila wina aihka mai saki, yang upliki nani pali mai brimni, tasba aiska ba yang duki sa bamna.

Impakan Sturka 32:9

Baha purkara, Dawan bui Moses ra win: —Baha purkara, yang mita kaikisna naha uplika nani na kiama karna nani sa.

Impakan Sturka 33:12

Moses mita Dawan ra win: —Kaiks, man ai wisma yang naha uplika nani na tâ brimna; sakuna ai wiras sma ya yang wal blikaisma sapa. Bara man sin ai wisma yang ra kasak ai kakaira pali sma, baku sin namkra ra yamni ai kaikisma.

Impakan Sturka 34:7

Upla kiamka tausin nani ra ban ai latwanka lâka bri ba, bara saurka nani sin ban swih tiki ba, sakuna pâtkira uplika ba mapara babura taki saura dauki ba, klala yabras ban lika swiras sa, aisika, luhpia, mulika, snawika, usbaika nani kat kulkan sa.

Aiseya 48:4

Yang pat kaiki kapri man ba lamla karna sma, karna ayan baku sma, bras daukan baku, sip bulras sma,

Jirimaya 10:16

¡Jekob Gâdka diara sut bâra ba Papaskra sa, witin sât aihka ba! Witin mita Israel ba ai uplika nani kaia bâk sakan. Ai nina ba mâkan sa: Karnika sut bri Dawanka ba.

Miqueas 7:18

Man wal baku Dawan wala âpu sa, kan uplikam kau swin ba mampara buan ba bara saurka ba sin ban swih tikisma. Man kupiam baiwanka ban pali alki briras sma, sakuna lilia sma kupiam pihni lâka ban mariki kaia.

Sakaraya 2:12

Dawan sika witin bâk sakan tasbaya ra, Juda uplika nani ba kli ai uplika aihwa nani baku bribia, bara Jerusalem ba bâk sakan tawanka baku kli kulkbia.

Kulki Kaikanka 14:19

Bamna man kupiam pihni lâka pali ba mita naha uplika nani watawanka ba ban swih tikma. Man naha uplika nani pâtka ba kupiam alki takaski swih tikatma ba baku, Idsip ba wina ban naha kat.

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

Kli Smalkanka 32:9

Jekob uplika nani ba Dawan dukia nani sa.

Kli Smalkanka 4:20

Ayan angkaia kubuska wina Dawan mai brih mai sakan, baha sika Idsip, nanara lika witin uplika ai dukia sa.

Kli Smalkanka 9:18

Baha ningkara Dawan mawanra luli krikri, piua wala dauki kapri ba baku, yu 40 bara tihmia 40 plun piras bara lî sin diras, man nani saura daukram tâwan, Dawan mapara bûi kupia sauhki banhram.

Kli Smalkanka 9:26

puri suni makabi wîri: ‘Dawan, naha uplika nani ra sauhki tikpara, man uplikam, man ra tara mai kulkaia pri sakram, karnikam tara ni Idsip wina sakram ba.

Kli Smalkanka 9:29

Witin nani ba uplikam sa, man dukiam sa, man Idsip wina mihtam karnika ni sakram nani ba.’