Impakan Sturka 34:21 - DAWAN BÎLA AISKA

²¹ “Yu matlalkahbi warkkam takma, sakuna yu 7 ra lika wark takma apia, ris brima, insla mangkaia apia, baku sin insla dâkaia piua kabia sin, diara daukpara.

Impakan Sturka 34:21 ပူးပေါင်းရင်းမြစ်များ

Blasi Sturka 45:6

Pat mani wâl plun tiwan piua ba baha kuntrika ra alkan sa. Sakuna kau mani matsip sa, baha piua nani ra plun mâ krikaia âpu kabia. Ban kra saumuk ba mangkbia sin, diara takbia apia.

Nihimaya 13:15

Bara baha yua nani ra Juda ra yang kaikri, tila upla nani wain mâ taibi laya saki kan, ris briaia yua ra wain daukaia. Baha purkara sin, plawar mâ nani sin twilki kan, bara muyul nani ba sin wain mâ wihta nani, kwah damni mâ nani bara diara sât sât nani karbanka sut pali twilki kan, ris briaia yua ra baha dukia nani ba Jerusalem ra brih wi kan. Yang bui witin nani ra lawi daukri baha yua ra witin nani diara bri si atki ba tâwan.

Impakan Sturka 23:12

“Yu nani 6 ba bilara dîa warkka nani daukaia sma ba sut dauks, sakuna yua 7 ba aimakbia ba ra, ris bri bas, bîpkam wainhka nani, birikukam nani sin ris bribia, bara tringsar nani, albikam nani sin kli ai karnika briaia ba mata baku dauks.

Impakan Sturka 31:15

Yu matlalkahbi ba wark daukaia yua nani sa, sakuna yu 7 aimaki yua ba ris yua sa, Dawan mita ai yua kulkan ba. Bamna ani uplika baha yua wark daukbia kaka, pruaia pâtka ra lakan kabia.’

Impakan Sturka 35:2

Yu matlalkahbi man nani warkkam takma, sakuna yua 7 ba, aihka yua kum man nani kulki kaia sma, Dawan ra baman kulkanka ba yabaia yua. Ya baha yua ra wark takbia kaka, prubia.

Aiseya 30:24

Warkkam daukaia bîpka wainhka nani ba, birikukam nani ba sin, tasba baiki ba, insla wina plun nani singbaika ra mangki singban kau auhni ba wina plun pibia.

Libait Lâka 23:3

“Man nani yu 6 wark taki bas, sakuna yu 7 yua ba wark sâtka kumi sin daukma apia; baha yua ba ris yua bâk sakan bamna, holi man nani aidrubi asla takaia sma. Ani anira iwi kama kra, baha yua ba holikira Dawan ra baman kulkanka yabaia yua sa.

Luk 13:14

Sakuna Ju nani priaska watla wihtka ba ai kupia baikan, ris yua ra Jisas mita mairin ba rakan bamna; bara upla nani ra win: —Yu 6 bâra sa upla nani wark takaia; baha piua nani ra balaia sma rawaia want kaka, sakuna ris yua ra lika apia.

Luk 23:56

Ai watla ra kli tawi balan ba ra, isint kîa pain nani bara batana nani sin ridi daukan. Ris briaia lâka ulban ba kat mairin nani ba baku daukan,

Kli Smalkanka 21:4

bara tingni bîla kum ra lî bâra kaka ra brih wabia, baha tasbaya ra insla daukras kaka, bara witin nani bui ikbia.

1 Samuil 8:12

Tila nani ba 1,000 lalka kaia mangkbia, baku sin 50 nani lalka kaia sin mangkbia. Insla dadaukra daknika sin bribia, war ra aiklabaia dukia nani paskaia daknika sin sâkbia.