Impakan Sturka 34:16 - DAWAN BÎLA AISKA

¹⁶ apia kaka luhpiam mairin nani bara luhpiam waitna nani ba sin bribia, witin nani ai luhpia waitna ai luhpia mairin nani ba wal maya baikaia, bara gâd bahki nani nina bliki watawi daukbia.

Impakan Sturka 34:16 ပူးပေါင်းရင်းမြစ်များ

Blasi Sturka 24:3

bara yang ra swer taki ai wis Dawan nina ra luki, kasbrika pura bara tasba wal Gâdka ba nina ra, man bui yang luhpi waitna maya ba naha Kenan tasbaya yang nâra iwisna na tasbaya mairka nani na tila wina pliki maya baikaia apia.

1 King Nani 11:1

Sakuna king Salaman king fero luhpia mairin ra latwan kaikan, ba wina tringsar mairin wala nani ra sin latwan kaikan: Moab, Amón, Edom, Sidón bara hitita mairka nani ra.

1 King Nani 21:25

Ahab baku upla wala âpu kata, Dawan nakra nani ra saura dauki kan ba, kan ai maya Jezabel bui maisa kapi kan baha saurka nani daukaia ba.

2 Kronikas 21:11

Witin sin aidul nani ra mayunaia pliska nani paskan Juda untika nani tilara, bara witin bui munan Jerusalem uplika nani Dawan wina laihura takan bara Juda ai yabalka wina tnaya ra tawan.

Esdras 9:12

Bara yang nani luhpi mairin nani ba, witin nani luhpia waitna nani wal maya baikamna apia wiram, baku sin luhpi waitna nani ba baha nani luhpia mairin nani wal maya baikamna apia wiram, witin nani aikuki sin kupia kumi lâka dauki, yamnika briaia lâka daukamna apia wiram, bara baku mika tawan ba karna kaia. Bara tasba ritska wina pi kamna wiram, bara wan luhpia nani ra prapatika yama piu bani ra ban kaia ra.

Esdras 9:2

Witin nani bara ai luhpia waitna nani ba sin, baha uplika nani luhpia mairin nani wal ai maya brisa; baha mita Gâd uplika nani ba upla wala nani wal miks takisa. Bamna wihta tara bara wihta sirpi nani ba sika, tâ brih baha saurka dauki ba.”

Nihimaya 10:30

Baku bamna, yang nani luhpi mairin nani ba idan uplika ra yabamna apia, bara ai luhpia mairin nani ba sin, yang nani luhpi waitna nani maya baikamna apia.

Nihimaya 10:31

Baku sin upla sât wala nani diara wauhi atki ba dukia nani, piaia dukia nani ris briaia yua ra bri balbia kaka, yang nani diara kumi sin atkamna apia; baku sin 7 mani aimaki bani insla daukamna apia, tasba ba ris yaia dukiara; baku sin, yang nani pana aikuya wisi diara yabri traska ba, ban swih tiki banhwi kamna.

Nihimaya 13:23

Baku sin yang kaikri baha yua nani ra, tila Ju nani ba Asdod, Amón bara Moab wina mairka nani ba, ai maya bri banhwan kan;

Nihimaya 13:25

Baku yang bui witin nani aikuki aisi blauhri bara lahtubri. Witin nani tila nani ba lika prukri bara tâwa sin daikri, bara taibi munri Gâd nina ra swer taki aisaia, ai luhpia mairin bara ai luhpia waitna nani ba upla sât wala nani ba wal kli maya baikaia apia, mairka nani ba luhpia waitna nani maya baku bribiara, luhpia nani mita sin mairka nani ba ai maya bribiara.

Lawana Nani 106:39

Bara witin nani tâski daukan, baku sin ur taki banhwan ai daukanka saura nani ba wal.

Oseas 1:2

Dawan ai bîla smalkanka ba, naku tâ krikan, witin Oseas bâk wiaia want kan: “Israel luhpia nani ba rug mairin takan, yang wina tnaya ra tawi. Bamna man sin baku natka ra was, bara yabal mairka kum mayam bris, bara witin wal luhpiam nani sâks; bara baha nani sut ba, rug mairin luhpia nani takbia.”

Libait Lâka 21:15

ai kiamka nani kulkanka ba batakaia apia dukiara ai uplika tilara. Kan yang, Dawankam, yang mita sunu daukri bamna.”

Jasua 23:12

Kan brin ai daukisa man nani naha na kaiki kama: Gâd lâka ba swima, bara naha uplika nani tilamra iwi na wal aiblakma kaka, ban sin wal marit takma kaka kum wala wal, Dawan Gâd naha uplika nani kangbi sakan kabia apia man nani mamwan wina. Sakuna man nani mampara daiwan alkaika tân ba baku kabia, man nani bahara kauhma bara pamhpaya ra klala wipanka baku kabia, kiaya baku sin namkra ra, Dawan Gâd naha tasbaya painkira maikan na kumi sin man nani bri kama apia.

Wihta Nani 14:3

Sakuna ai aisika nani pana witin ra win: —Luhpi, ¿dîa muni man filisteo mairka idan nani ba tila kat wih, mayam briaia plikisma? ¿Yawan wan taya nani tilara bara Israel taika nani sut tilara sin mairin âpu sa ki? Samson pana win: —Yang baha tiara ba sika brinki sa, witin baha wal mayi takan ai daukisa.

Wihta Nani 3:5

Baku sika Israel luhpia nani ba Kenan uplika nani, hitita nani, amorreo nani, ferezeo nani, heveo nani bara Jebús uplika nani tilara iwan ba,

Wihta Nani 3:6

bara Israel luhpia waitna bara mairin nani ba, baha uplika nani luhpia nani ai maya brin, bara baha nani gâdka nani ra mayunan.

Wihta Nani 8:27

Baha gulka nani ba Gedeón brih, prîs prâka ‘‘efod’’ paskan, bara witin ai tawanka Ofrá ra bri si, watla kum dauki baha bilara mangki swin, upla sut kaiki kaia. Bara Israel luhpia nani sut baha aidulka ra kaiki ai pura sunan, bara Dawan ra lika ai pura sunras kan. Bara baha ba Gedeón bara witin ai watla bilara ai luhpia nani sut mapa ra, mina alkaika kum takan.