Impakan Sturka 34:15 - DAWAN BÎLA AISKA

¹⁵ “Baha tasbaya ra iwi uplika nani wal lâ kumi sin daukpara. ban kra witin nani gâd bahki nani bri ba ra ai pura sunbia lika, baha gâdka bahki nani ra sin diara angki yabia ba ra, man nani ra sin mai paiwbia baha gâdka ra angki yan ba wina piaia,

Impakan Sturka 34:15 ပူးပေါင်းရင်းမြစ်များ

Wihta Nani 2:17

Sakuna Israel luhpia nani ba baha wihta nani ba bîla walras kan, witin nani Dawan bîla wali daukras bara gâd wala nani ra witin nani mayunan. Witin nani ai damika nani lika Dawan lâka bîla nani ba wali daukan, sakuna ai luhpia nani lika, witin nani daukanka natka nani nina blikras kan.

1 Korint 8:4

Baku bamna, aidul nani ra sakripais dauki yan pata ba piaia, yawan kaikisa aidul ba naha tasba ra diara bahki pali sa, bara Gâd kumi baman sa, wala âpu.

Lawana Nani 106:28

Witin nani Baal-peor albika takan, bara ailal nani sakripaiska daukan, pata ba sin pin.

Kli Smalkanka 31:16

Bara Dawan mita Moses ra win: “Man pat pruaisma, bara naha uplika nani na tringsar nani kuntrika ra dimbia ba ra aidulka nani wal aiblakwi, yang ra lulki ai swibia, bara witin nani wal lâ daukri ba slingwi tiwbia.

Kulki Kaikanka 25:2

Mairka nani ba mita witin nani ra paiwan ai gâdka nani ra sakripais dauki yaban piua ra. Bara Israel luhpia nani ba sin baha pata ba pih, Moab uplika nani gâdka ra bawi ai pura suni mayuni banhwi kan.

1 Korint 10:27

Kasak lukras uplika kum mita man nani ba ai watla ra plun piaia mai paiwbia kaka, bara man nani wan mai dauki banhwisa kaka, dîa dîa piaia mamwanra kahbia ba pis, bara lukankam klir kaia dukiara man nani diara makabi walpara.

1 Korint 8:10

Kan man, naha diara nani tânka kakaira sma ba, aidul kum tempelka ra iwi plun pima, bara sinska swapan uplika kum mita mai kaikbia kaka, baha uplika ba sin ai kupia dara walra sibrin âpu brih gâd bahki ra plun yan ba piaia sip sa.

1 Korint 8:7

Sakuna upla sut naha tânka na kaikras sa. Upla tila nani aidul nani ra ai pura suni mayunra yabaia lâka ban dauki kan ba, naiwa yua kat ban baha pata nani ba pîsa, aidul nani ra sakripais dauki yan kan baku; witin nani kupia dara walra ba swapni sa, bara aidul ba mita tâski daukuya luki banhwisa.

Jirimaya 3:9

Witin nani ai swira âpu ur taki taukan, kuntrika na aiska tâski daukan. Yang wal wapni apia kan walpa nani ra dus pâwi nani ra mayunan.

Libait Lâka 17:7

Naiwa wina Israel luhpia nani ba kli ai daiwra nani ba, lasa nani ra yabi sakripais daukbia apia, baha nani ra witin nani mayuni ba saura takan uplika nani sa mita. Naha lâka man nani baku dauki ban kama, aisika nani mita luhpiam nani ra sin smalki ban kama.

Impakan Sturka 34:12

“Baha tasbaya ra dimma ba ra, uplika nani ba wal lâ kumi sin daukpara pali, baha mita minam alkaika ra kauhma apia.

Param Marikanka 2:20

Sakuna mampara diara kum brisna: baha mairka Jezabel wi ba man mita ban brisma, bara witin wisa Gâd prapitka kum sa. Ai smalkanka ni duki dadaukra nani ra kunin munisa rug lâka daukbia wisi, bara aidul nani ra sakripais daukan dukia nani sin pibia wisa.

Oseas 9:1

Israel, man nani lilia kapara; upla wala nani baku, âmyapah pali srutwi kapara, man bui Dawankam ba lulki swiram bara ur takram, plawar mâ taya saki ba watla ra ur takisma mana, mamna briaia lihkisma.

Oseas 4:12

Upliki nani ba dus gâdka nani ra ai pura sunisa; ai mihta ra dus nani bri ba dusa ni, ai gâdka wal aisaia lan takisa. Ur takaia brinka ba mita taibi brisa, mistik takan nani ba yabalka ra upliki nani ba wapisa: tâski taki, Gâd lama wina taki wan.

Lawana Nani 73:27

Ani uplika nani man wina tnaya ra tawi ba sut lika, prui tiwbia; ani uplika man wal kasak apia ba sut sauhki tikma.

Esdras 6:9

Yu bani prîs nani ai warkka Jerusalem ra daukaia dukiara, dîa dîa want ba yabi bas, witin nani dîa makabi ba dukia nani, bîp wainhka bara sîp wainhka nani baha ba aiska angki Dawan ra yabaia dukiara sa, baku sin plawar, sâl, wain, oliv batana sin yabi bas,

Kli Smalkanka 7:2

Dawan Gâdkam mita naha nisan nani ba mana ni mihtam ra mangkbia bara man nani pura lui sauhki tikma ba ra, witin nani wal lâ daukpara, umpira sin kaikpara.

Kulki Kaikanka 15:39

Bara baku man nani prâmka mahta ra pîska praki sipi banhwisma ba ra kupiam krauki kama, baha lâka nani sut maikri ba dukiara, bara man nani baha lâka nani ba kat sin dauki kama. Bara baku mika man nani kupiam brinka ba mita mai raski mai brih wabia apia, kan man nani ba yang maipara kasak kaia katma lâka ba swiram sa.

Impakan Sturka 34:10

Dawan bui witin nani ra win: “Man nani aman wals: yang lâ kum nanara daukri upla sut mawanra. Wark aihka kum daukaisna, naha sât warkka aihka na naha tasba ra nisan wala nani tilara kau daukras sna; man nani tilamra upla nani ailal ba kaikbia, Dawan dîa daukbia ba. Bamna yang daukaisna ba, wark aihka diara tara kabia.

Impakan Sturka 23:32

“Witin nani wal ban kra bara ai gâdka nani wal sin, kupia kumi takaia wisi aisi lâ daukpara.

Apastil Nani Sturka 15:20

Aitani kabia yawan baha nani ra ulbi maisa pakaia, aidul ra sakripais daukan pata sâtka kumi sin pibia apia, baha tâski bamna. Bara upla kumi marit takras kira ai maya briaia apia sa, daiwan katwi pruan nani wîna ba pibia apia, tâlia sin apia.

Impakan Sturka 22:20

“Dawan ra baman sakripais dauki yaia kata ba watlika ra, upla kum mita gâd wala nani ra sakripais dauki yabia kaka, witin ba lâka dauki ikan kaia sa.

Impakan Sturka 32:8

Witin nani lika yang yabalki marikri ba wina tnaya ra tawan sa. Witin nani bîp lilka kum paski, bahara mayunisa, sakripais sin angki daukan, bara witin nani sin aisisa: ‘¡Israel, naha sika dawankam ba, Idsip tasbaya wina mai sakan ba!’

Kulki Kaikanka 25:1

Israel luhpia nani Sitim ra ai watla mâkan ba piua ra, waitna nani ba Moab mairka nani wal saura dauki banhwan.

Kli Smalkanka 7:3

Witin nani wal bripara, baha uplika luhpia man nani luhpiam wal maya baikpara,

Kli Smalkanka 32:37

Bara witin ai uplika nani ra wibia: ‘¿Anira sa man nani gâdkam nani ba, baha nani ra kainam kahbaika wisi tniwi kapram ba,

Kli Smalkanka 32:38

baha nani sakripaiskam batanka pi kan ba bara wainka maikan di katma ba? ¡Witin nani bûi bal hilp mai munbia si! ¡Witin nani bal kainam kahbia si!

Jasua 23:12

Kan brin ai daukisa man nani naha na kaiki kama: Gâd lâka ba swima, bara naha uplika nani tilamra iwi na wal aiblakma kaka, ban sin wal marit takma kaka kum wala wal, Dawan Gâd naha uplika nani kangbi sakan kabia apia man nani mamwan wina. Sakuna man nani mampara daiwan alkaika tân ba baku kabia, man nani bahara kauhma bara pamhpaya ra klala wipanka baku kabia, kiaya baku sin namkra ra, Dawan Gâd naha tasbaya painkira maikan na kumi sin man nani bri kama apia.

Wihta Nani 3:6

bara Israel luhpia waitna bara mairin nani ba, baha uplika nani luhpia nani ai maya brin, bara baha nani gâdka nani ra mayunan.

1 Kronikas 5:25

Sakuna ai damika nani Dawanka mapara bûi banhwan, saura sin daukan, baha uplika nani gâd bahki nani bâra kan ra mayunra yaban ba, Dawan bui sauhki tikan kan ba tawan aiska mawanra.

Esdras 9:12

Bara yang nani luhpi mairin nani ba, witin nani luhpia waitna nani wal maya baikamna apia wiram, baku sin luhpi waitna nani ba baha nani luhpia mairin nani wal maya baikamna apia wiram, witin nani aikuki sin kupia kumi lâka dauki, yamnika briaia lâka daukamna apia wiram, bara baku mika tawan ba karna kaia. Bara tasba ritska wina pi kamna wiram, bara wan luhpia nani ra prapatika yama piu bani ra ban kaia ra.

Impakan Sturka 22:19

“Yamna daiwan kum wal yapbia kaka, witin ba lâka aisi dauki ikan kaia sa.

Kli Smalkanka 31:18

Sakuna baha piua balbia ba ra, yang lika witin nani lama wina kau kitwi takamna, saura nani dauki kabia ba mita bara aidul wala nani ra mayunan ba mita sin.