Impakan Sturka 34:14 - DAWAN BÎLA AISKA

¹⁴ “Lilka bahki daukan kumi ra sin man nani puram suni mayunpara. Dawan ba ai nina tâwan lalawra pali sa, Gâd ai nina tâwan lalawra sa.

Impakan Sturka 34:14 ပူးပေါင်းရင်းမြစ်များ

1 King Nani 14:15

Dawan mita Israel ba singban kabia, lî aubra nani bui yauhrus dusa ra muni ba baku. Bara Israel ba, naha tasbaya yamnikira ai damika nani ra yan kan ba wina lulki sakan kabia, bara yakaban kabia Éufrates wina kau laihura, kan gâd bahki Astarté lilka daukan bara Dawan kupia sauhkan bamna.

1 King Nani 19:10

Witin pana win: “Dawan, daihra walri, Dawan karnika sut alki brisma ba tâwan uya pali lawri sa, kan Israel luhpia nani man lâmka ba swin, bara altarkam nani sut batakan, bara prapit nani sut sin ikan sord ni. Bara yang baman takaskri, bara ai plikisa rayaki na sakaia dukiara.”

Impakan Sturka 33:19

Sakuna Dawan pana tawi win: —Kaiki bas yang yamniki nani sut ba man mamwanku yarka bal lubia. Bara yang nina mâki sin winamni man mawan kat. Yaura umpira kaikisna ba, yang mita umpira kaikamna; yaura kupi swapni lâka brisna ba, yang bui witin ra kupi swapni brimni.

Aiseya 57:15

Kan witin Laih Purara iwi ba, ban kaia ra raya ba, witin ai nina ba holi, witin aisisa: “Yang lika waitla laih purara holikira ba ra iwisna, upla kupia kriwan ai spiritka umpira luki ba baha wal, bawikira nani spiritka ba, ban raya kaia daukisna, kupia kriwan nani spiritka ba, lukanka raya daukisna.

Aiseya 9:6

Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

Isikiel 23:25

Yang kupi lawanka tara ra kupi baiwanka blikamni, bara witin nani mita kakmam, kiamam nani ba klakbia, bara baha nani tâka raya swin nani ba, sord malika ra ikan kabia. Luhpiam waitna bara mairin nani ba mihtam dakbi brih wabia, baku ba ra pauta lapta ra kauhbia bara âpu takbia.

Nahum 1:2

Dawan ba tâwan lalawra Gâdka sa, bara sin pana mamunra sa; ai lâka mapara nani ra, witin pana saura munisa. Bamna ai waihla nani mapara ai kupia sauhkisa.

Matiu 4:10

Bara Jisas bila: —Sitan, na wina taki was, kan Ulbanka ra wisa: ‘Man Dawan Gâdkam ra lulam kriki puram suni mayunma, bara witin dukia baman sin daukma.’

1 Korint 10:22

¿Apia kaka, yawan mita Dawan ba kupia tuskaia want sa ki? ¿Yawan na witin purkara kau karna banhwisa ki?

Kli Smalkanka 29:20

Dawan baha pâtka ban swi tikaia wilin apia kabia, sakuna witin ai lawanka tara, ai kupia baiwanka baha uplika purara lahtuban kabia, bara witin purara saurka aiska naha wauhkataya ra ulban ba kauhbia. Bara Dawan mita tasba mawan wina, witin kiamka ba diki sâkbia.

Kli Smalkanka 32:16

Aidul nani sîa briaia kata ba ra mayuni Gâd lawanka ra kupia baiwanka nani ra tuskan;

Kli Smalkanka 32:21

Yang traiki kaikan gâd kum gâd apia ba wal, ai gâdka kuninkira ba yang ra baku kulki ba; ¡bara yang sin traika kaikamni nisan kum nisan apia ba wal, nisan kum ai tânka briras ba yarka ai kupia sauhkbia!

Kli Smalkanka 4:24

kan Dawan Gâd lika lalawra Gâdka sa, pauta ami âpu taki ba baku.

Kli Smalkanka 5:24

Bara baha nani ai win: ‘Kasak pali Dawan wan Gâd ba ai prana karnika sin wan marikan, ai bîla baikra yang nani walri, pauta klauhan lilapas wina taki kan ba. Naiwa yawan kaikan Gâd upla ra aisi ba, bara naha nani pruras sa.

Kli Smalkanka 5:7

‘Man bui yang tnaiya ra gâd wala nani bripara.

Kli Smalkanka 6:15

Dawan Gâdkam man nani aikuki ba, Gâd kum lalawra sa, man nani mampara ai kupia sauhki, sip sa aiska mai sauhki tikaia.

Jasua 24:19

Sakuna Jasua bui witin nani ra win: —Man nani sip Dawan warkka daukras, kan witin lika Gâd kum holikira sa, bara ai nina tâwan lalawra sa, ban swibia apia kiamapara nani ra bara man nani saurkam daukisma ba sin.

Wihta Nani 6:10

Bara yang bui man nani ra mai wîri, yang sika man nani Dawan Gâdkam. Bara man nani amorreo nani gâdka ba sîa briaia apia sma, witin nani ai tasbaya ba ra man nani iwaia sma; sakuna man nani bui yang bîli walras sma.’ ”