Impakan Sturka 34:10 - DAWAN BÎLA AISKA

¹⁰ Dawan bui witin nani ra win: “Man nani aman wals: yang lâ kum nanara daukri upla sut mawanra. Wark aihka kum daukaisna, naha sât warkka aihka na naha tasba ra nisan wala nani tilara kau daukras sna; man nani tilamra upla nani ailal ba kaikbia, Dawan dîa daukbia ba. Bamna yang daukaisna ba, wark aihka diara tara kabia.

Impakan Sturka 34:10 ပူးပေါင်းရင်းမြစ်များ

2 Samuil 7:23

Israel luhpia nani dukiara, man uplikam nani ba, ¡witin baku wala âpu sa, witin nani ba baman bâk sakan nisanka kumi sa tasba ra! Man, Dawan, witin nani ba pri sakram witin nani man uplikam nani kaia mata, diara tara bara aihkakira nani witin wal daukram ba ra, man ninam ba purara pali bukram. Nisan wala nani sut ba ai gâdka nani wal, uplikam nani mawanra batakram, man bui witin nani ba Idsip wina atki sakram ba ra.

Lawana Nani 106:22

wark aihkakira nani, Cam tasbaya ra daukata ba, diara sibrinkira nani Kabu Pauni ra daukata ba sin.

Lawana Nani 136:4

Witin baman sika diara aihkakira tara nani daukisa, ai latwanka lâka ba, ban kaia ra ban sa bamna.

Lawana Nani 145:6

Man bui diara karnakira nani, bara sibrinkira dukia daukram ba, aisi kabia, bara yang lika man diara tara nani daukram ba dukiara aisi kamni.

Lawana Nani 65:5

Gâd bara wan sasakra, man sika yang nani ra pana aisisma ba, diara kasak aihkakira daukisma ba wal; naha tasba aiska ba man ra kasak lukisa, baku sin kabu lamara iwi nani ba sut.

Lawana Nani 66:3

Man nani bui Gâd ra wis: “¡Man warkkam nani ba aihkakira sa! Man karnikam tara ba mita man waihlam nani ba sirang iwi mamwanra kauhi banhwisa.

Lawana Nani 66:5

Man nani bal kaiks Dawan warkka na, diara aihkakira nani upla dukiara daukan na.

Lawana Nani 68:35

Gâd ba pranakira sa ai tintka watla holikira ra; Israel Gâdkam ai karnika yabisa ai uplika nani ra. ¡Dawan ba yamni pali kabia!

Lawana Nani 72:18

Gâd ba yamni pali sa, Dawan Israel Gâdka ba, witin yakan man sika diara tara nani daukisa;

Lawana Nani 76:12

Witin bui sika tasba wihtka nani rayaka saki ba, baku mika tasba aiska kingka nani ra sibrin yabisa.

Lawana Nani 77:14

¡Man, Gâd diara aihka daukisma ba! Bamna man karnikam ba nisan sut ra yaram kaikan.

Lawana Nani 78:12

Gâd diara aihkakira nani daukan, aisikam nani mawanra Soan tasbaya Idsip ra ba:

Impakan Sturka 34:27

Bara Dawan bui Moses ra win: “Man naha bîla nani na uls, kan naha bîla nani ba kat yang bui man wal bara Israel uplika wal sin lâ daukisna.”

Impakan Sturka 34:28

Bara Moses lika Dawan wal bahara yu yawanaiska wâl bara tihmia yawanaiska wâl takaskan, witin plun piras lî sin diras kan. Bahara lâ daukan bîla nani ba walpa tanhta nani ra ulbi kan, lâ nani matawalsip ba.

Aiseya 64:3

Baha piua ra diara sibrinkira nani man daukram ba, yang baha kaikaia bîla kaikras kapri ba, man bal iwram ba ra, il nani ba mamwanra tatatwan ba.

Jirimaya 32:21

Man, uplikam Israel luhpia nani Idsip wina sakram bara karnikam tara ba marikram, diara aihkakira, sain nani dauki, upla nani ra sut ra sibrin dingkram ba mita ni.

Miqueas 7:15

Man bui diara aihka painkira tara nani, witin nani ra dauki mariks, Idsip tasbaya wina sakram yua ra dauki marikram ba baku.

Kli Smalkanka 10:21

Kan witin ba man nani mamyunra dukiara sa, witin ba man nani Gâdkam sa, man nani dukiamra diara tara aihkakira nani daukan kaikram.

Kli Smalkanka 32:30

¿Nahki muni kumi ba mita 1,000 ba munan plapan? ¿Nahki muni wâl ba mita 10,000 ba yaban plapan? Kan Dawan baman witin nani kaina kakahbra ba, witin luki kaikan baha nani ba waihla mihta ra mangkaia.

Kli Smalkanka 4:13

Dawan wal aisi daukan lâka ba mamrikan, baha sika lâ nani matawalsip ulban kata ba walpa ulbanka wâl ra, bara aisi wiaia dîa win ba daukaia.

Kli Smalkanka 9:19

Yang sirang iwri Dawan ai kupia baiwanka man nani mampara param sakan ba kaikri sauhki mai tikaia buan ba ra, sakuna kau aima kum Dawan ba yang ra walan.

Jasua 6:20

Upla nani ai pura winan bara trumpit nani sin puhban. Israel luhpia nani sut pali trumpit puhban bin daukan walan ba ra, witin nani ai kârma kalki karna winan, bara tawan kutbanka kata ba bal kauhan. Bara witin nani aihni plapi dimi tawan ba alki brin,