Impakan Sturka 33:5 - DAWAN BÎLA AISKA

⁵ Bara Dawan mita Moses ra win: —Israel luhpia nani ra wis: ‘Man nani lika upla kiama karnira pali sma. Ban kra yang na man nani wal wamna kaka, âpu pali mai daukamna. Bamna gul dukia nani wînam ra brisma ba sut sâks, bara yang kaikamna dîa man ra daukaia sna ba.

Impakan Sturka 33:5 ပူးပေါင်းရင်းမြစ်များ

Blasi Sturka 18:21

Bamna yang nanara bahara auna, ai win ba baku saurka nani ba, ban tara sa sapa yang wih kaikamna. Baku lika yang tânka brimna.

Blasi Sturka 22:12

Insal ba witin ra win: —Tukta ba ikaia mihtam bukpara, kan nanara yang pat mai kaikisna man lika Gâd ra sibrin lukisma ba, man luhpiam unhsak ba Dawan ra yabaia apia wiras sma bamna.

Job 34:20

Upla nani ba wan dahra walras kan pat pruisa tihmia tilara; upla nani bin tara dauki si lap tiwisa, upla ba karnika âpu baku daukisa, rayaka ba sakisa.

Lawana Nani 139:23

Dawan, man tâinka pliki kaiks bara kupi tânka ba sin kaiks: yang kupi lukra ba dukiara traiki kaiks bara lukanki nani ba sin.

Lawana Nani 73:19

¡Witin nani ba, wan nakra klipan baku sauhki tikma! ¡Sibrin ba bui âpu daukbia!

Impakan Sturka 32:9

Baha purkara, Dawan bui Moses ra win: —Baha purkara, yang mita kaikisna naha uplika nani na kiama karna nani sa.

Impakan Sturka 33:6

Bara baku, Israel luhpia nani Horeb ilka ra kan nani ba, gul dukia nani pami bri kan ba sut saki swin.

Aiseya 22:12

Baha ba mita, karnika sut bri Dawanka ba mai paiwan naha yua ra; man nani inaia, sari briaia, tâmwa kusbaia bara sari kwalka dimaia sin.

Aiseya 48:4

Yang pat kaiki kapri man ba lamla karna sma, karna ayan baku sma, bras daukan baku, sip bulras sma,

Inanka Nani 4:6

Yang upliki nani watawanka Jerusalem ra saura munan ba kanra tara sa, Sodoma saura daukan ba wal, baha lika tasbaya purara upla bal aiklabras, minit kumi ra sauhkan.

Joel 2:12

“Sakuna nanara —Dawan naku param pali aisisa—, man nani kupiam brinka aiska kira, kli yang ra tawi bal. ¡Kaiki plun wahwi banhs, kisbi wini banhs, bara sin namkra laya sarikira bal!”

Kulki Kaikanka 16:21

—Man nani baha uplika nani tila wina dakwi taks, yang bui witin nani ba naiwa âpu daukaisna bamna.

Apastil Nani Sturka 7:51

“Sakuna —Stiben lika ban aisi wi kan— man nani lika piua bani kupiam karna brisma. Man nani kiamam nani bara kupiam sin brisma, sim baha nani Gâd kakaira apia uplika nani ba baku, piua bani Spirit Holikira mapara. Man nani lika damikam nani wal baku pali sma.

Kli Smalkanka 8:2

Kupiam krauks 40 mani Dawan Gâdkam maikan upla iwras tasbaya ra taukram, traikam kaikan, lukankam nani kaikaia, lâ nani ba daukma sapa.