Impakan Sturka 33:13 - DAWAN BÎLA AISKA

¹³ Bara yang ra yamni ai kaikisma kaka, yang mamkabisna warkkam daukaia tânka brisma ba mairiks. Baku mika, yang bui man ra kasak lukamna, bara daira walamna man bui yang ra kasak lukisma ba. Bamna luki bas naha uplika nani na, man uplikam nani sa.

Impakan Sturka 33:13 ပူးပေါင်းရင်းမြစ်များ

2 Samuil 15:25

Sakuna king ba Sadoc ra win: —Gâd lâka auhbaia watla ba kli tawan ra brih was, Dawan bui yang ra yamni ai kaikisa kaka, kli ai bri balbia; bara ai lâka auhbaia watla ba mairikbia, witin takaski ba watla ba sin.

Lawana Nani 103:7

Witin ai yabalka nani bara ai daukanka nani marikan, Moses ra bara Israel luhpia nani ra sin.

Lawana Nani 119:33

Dawan, man lâmka nani mangkram yabalka ba ai smalks, bara yang baha nina bliki kamni ban tnata kat.

Lawana Nani 25:4

Dawan, yabalkam nani ba mairiks; yabalkam nani bâk taipahks;

Lawana Nani 27:11

Dawan, man yabalkam ba ai mariks, yabal yamni bâk ai brih was; yang waihli nani ai muni ba tâwan.

Lawana Nani 51:13

baku mika, yang bui mampara nani ra yabalkam ba smalkamni; bara saura dadaukra nani sut ba kli man ra tawi wabia.

Lawana Nani 86:11

Man Dawan, yabalkam ba ai mariks, bara yang baha yabalka ra kasak wapaia kupi ra mai kulkaia lâka ba sin brimni.

Impakan Sturka 3:10

Baha mita nanara man yabal ra aimaks, yang mai blikisni Idsip kingka fero mawanra waia, bara yang upliki Israel luhpia nani ba tâ brih baha tasbaya wina sakaia.

Impakan Sturka 3:7

Sakuna Dawan kau ban witin ra aisi, win: —Yang upliki nani Idsip ra pât saura wahwi ba param pali kaikisni. Wark pura kakaira nani ba mita witin nani ra saura muni bara ai mâmna lulki ini makabi ba yang walri, yang kasak pali kaikisni witin nani pât saura pali wahwisa.

Impakan Sturka 32:12

¿Nahki ban swirka Idsip uplika nani ba aisi wibia: ‘Lukan saura wal Dawan baha uplika nani ba sakan, baha nani ba sut il ra bri si iki tikaia, naha tasba mawan wina diki âpu daukaia?’ Bara kupiam baiwanka ba swis, uplikam nani ra saura munaisma ba takasks.

Impakan Sturka 32:14

Bara Dawan bui ai uplika nani ra saura munaia lukan ba, ai kupia wina sakan.

Impakan Sturka 32:7

Bara Dawan bui Moses ra win: —Man mahka mâyara was, man uplikam nani Idsip tasbaya wina sakram ba, witin nani saura daukisa.

Impakan Sturka 34:9

—¡Dawan! ¡Dawan! Rait pali man bui yang ra yamni ai kaikisma kaka, yang nani wal was. Kasak pali naha uplika nani na kiamapara sa, sakuna yang nani saurki watawiki lâka nani ba ban swih tiks, bara uplikam nani pali baku ban wan bris.

Impakan Sturka 5:1

Baha ningkara Moses ba Eran wal king fero mawanra wan wiaia: —Dawan, Israel luhpia nani Gâdka ba, naku aisata: ‘Upliki nani ba swis upla iwras tasbaya ra taki wabia, bahara yang nini yamni kulkaia maiyunaia dukiara lilia tara daukbia.’

Aiseya 30:21

Bara man kiamam ra wali kama ninam wini naha bîla nani mai wibia: “Naha sika yabal, man nani bahak impaks.” Bara mihtam aihkika ra tawpara, mihtam smihka ra sin apia, tnaya ra sin tawaia apia.

Aiseya 63:17

¿Dîa muni, Dawan, man yabalkam nani wina yang nani maiwahki kaia ai daukram, kupi nani karna daukram yang nani na mai kulkaia apia? Man albikam nani ra latwan sma ba luki lukanki na kli laks, baha kiamka nani uplikam nani ba ra luki.

Aiseya 63:19

Yang nani na, man mita wan tâ briras baku banhwisna, ninam ba, yang nani aima kumi sin briras kan baku banhwisna.

Joel 2:17

Prîs nani, Dawan dukia dadaukra nani, ini banhs, bara tempel ra dimi waia bîla bara altar ba wal lila kat bûi, naku wis: “Dawan, uplikam nani pâtka na ban kulkpara; swirka upla wala nani mita uplikam nani ra ban lawaska kiki kabiara; swirka nisan wala nani ba mita, pura wihtka aimaki kabiara, upla idan nani ba sin aisabiara: ‘¿Man nani Dawankam ba anira sa?’ ”

Jan 17:3

Bamna raya ban kaia lâka ba lika, mai kakaira takaia, Gâd kumi baman kasakkira sma ba, bara Jisas Kraist ra sin kakaira takaia, witinka man mita blikram ba.

Roman 11:28

Swaki sakan lâka tânka smalkanka ba mita lika, Ju nani ba Gâd wal ai waihla baku kulkan sa, man nani Ju apia nani ra sans maikaia; sakuna Gâd mita kau ban Ju nani ra latwan kaikisa, kan ai damika nani ba wina witin bâk saki brin.

Epesus 1:17

Makabisni wan Dawan Jisas Kraist Gâdka ra, Aisa pranakira ba, witin mita sins lâka spiritka maikbia, bara sip kama witin param takan ba tânka pain kaikaia, bara witin ra sin kau kakaira kaia.

Kli Smalkanka 9:26

puri suni makabi wîri: ‘Dawan, naha uplika nani ra sauhki tikpara, man uplikam, man ra tara mai kulkaia pri sakram, karnikam tara ni Idsip wina sakram ba.

Kli Smalkanka 9:29

Witin nani ba uplikam sa, man dukiam sa, man Idsip wina mihtam karnika ni sakram nani ba.’

Kolosi 1:10

Makabi banhwisna man nani ba Dawan uplika nani baku tânkam pain brih dîa dîa daukaia sma ba dauki kama, piua bani witin pain kaiki dukia nani baman sin dauki kama, wark painkira nani wina mâ saki kama, bara baku mika sip kama Gâd tânka kau pain kaikaia.

2 Pita 3:18

Sakuna wan Dawan Sasakra Jisas Kraist ba kau pain kakaira taki, ai latwanka lâka ra pâwi bas. ¡Witin ra mayunan kabia nanara bara ban kaia ra! Baku kabia.