Impakan Sturka 33:11 - DAWAN BÎLA AISKA

¹¹ Bara Dawan lika Moses wal ai mawan kat kaiki baku, sim upla kum ai pânika wal prawi aisi ba baku aisin kan, bara ningkara Moses kli upla nani ra bali kan. Sakuna ai hilpika wahma Jasua, Nun luhpia ba lika, Dawan wal aisaia watla ba wina takras kata.

Impakan Sturka 33:11 ပူးပေါင်းရင်းမြစ်များ

Blasi Sturka 32:30

Bara Jekob baha tasbaya nina ba Penuel mâkan. Witin win: “Yang lika Gâd mawan ba laima kat kaikri, ban sakuna, yang kan pruras kau raya sna.”

2 Kronikas 20:7

Wan Dawan, man mihtam kahbi sakram Israel luhpia nani mawanra, naha tasbaya luhpia nani ra yaram, ban kaia ra ban kabia, Ebraham kiamka man uplikam nani ba dukiara.

Job 16:21

Upla kum pan bubia, Gâd mawanra tâiwan aisaia, upla kum mawanra upla wala tâwan aisi ba baku.

Impakan Sturka 17:9

Bara Moses bui Jasua ra win: —Waitna nani ba wahbi saki bris, bara taki was Amalec uplika nani mapara aiklabaia. Yauhka man wal yang il bahna ra kamna, bara Dawan dus maikan ba sin mihtam ra bri bas.

Impakan Sturka 24:13

Moses buan bara Jasua sin ai hilpika ba, bara witin wal Gâd ilka ra uli wan.

Impakan Sturka 32:17

Upla nani yahwi kan ba Jasua walan ba ra, Moses ra win: —Aiklabanka winanka nani kiamp ra ba walisa.

Impakan Sturka 33:10

Bamna upla nani sut mita kaiki kan kasbrika playka ba, baha watla dimaika kat bal takaski ba. Bara witin nani sut baha dimaika ba kat ai lula kriwi mayuni kan.

Impakan Sturka 33:9

Dawan wal aisaia watla ra Moses wih dimuya ba ra, kasbrika playka ba mâyara bal iwi, utla ra dimaika ba kat takaski kan, Dawan ba Moses wal aisi kan piua ra.

Aiseya 42:8

Yang sika Dawan, baha ba yang nini sa, bara yang praina ba upla wala ra yabamna apia. Bara aidul nani ra sin sip mayunras yang sirki ra.

Kulki Kaikanka 11:28

Bara Jasua Nun luhpia ba, wahma wina Moses hilpika ba mita pana win: —¡Wihtki Moses, baha nani baha ba baku daukbiara wis!

Kulki Kaikanka 12:7

Sakuna yang naipakan Moses wal lika yang baku aisaras, yang naipakan nani sut tilara witin sika kau kasakkira pali sa.

Kulki Kaikanka 12:8

Witin kat kaiki wal aisisna param pali, diara lilka bâk lika apia. Bamna witin Dawan tânka pali kaikisa kaka, ¿dîa muni man nani sibrin âpu pali yang naipakan Moses mapara saura aisi banhram ba?”

Jan 11:11

Baha ningkara, Jisas sin naku win: —Wan uplika Lasarus ba mahka yapan sa, sakuna yang wih witin ba tatukbi bukamna.

Jan 3:29

Marit lâka kum ra, marit taki mairka ba sika marit waitna maya mairin; bara marit taki waitnika pânika bâra ba, witin aisanka nani wali bara lilia manis takisa.

Kli Smalkanka 31:14

Baha ningkara Dawan bui Moses ra win: “Kaiks, man prurikam ba pat baila sa; bara man Jasua ra wis man wal Dawan tintka watla ra balbia, bara yang bui witin purara warkka kahbaisna.” Bamna Moses lika Jasua wal Dawan wal aisaia watla ra wan.

Kli Smalkanka 34:10

Israel ra prapit wala âpu kan, Moses baku Dawan wal ai mawan kat aisi kan ba,

Kli Smalkanka 5:4

Dawan il ra man nani wal aisin, ai mawan kat pauta klauhan lilapas wina.

Jems 2:23

Baku sika Ulbanka dîa aisi ba aimakan: “Ebraham lika Gâd ra kasak lukan, bara baha mita Gâd bui witin ra kasakkira kulkan.” Bamna Ebraham nina ba “Gâd uplika” mâkan.