Impakan Sturka 33:1 - DAWAN BÎLA AISKA

¹ Bara Dawan mita Moses ra win: —Man mahka impaks, naha wina taki was upla nani Idsip wina sakram ba aikuki. Man nani was baha tasbaya ra yang Ebraham, Aisak bara Jekob ra yaia wîri ba, yang baha tasbaya ba man kiamkam nani ra yabamna.

Impakan Sturka 33:1 ပူးပေါင်းရင်းမြစ်များ

Blasi Sturka 12:7

Bara Dawan bahara Ebram ra latan takan, bara win: “Man kiamkam ra yang naha tasbaya na yabamni.” Bara Ebram baha kat altar kum paskan Dawan dukia, Dawan bui witin ra latan takan ba mayunra yabaia dukiara.

Blasi Sturka 15:18

Baha pali yua ra Dawan Ebram wal lâ daukan, bara win: —Naha tasbaya na man kiamkam ra yabamni, Idsip awalka ba wina Éufrates awalka tara ba kat.

Blasi Sturka 26:1

Baha yua nani ra baha tasbaya aiska ra plun tiwan tara kan, Ebraham yua nani ra plun wahwan kata ba purkara. Baha mita Aisak filisteo kingka Abimélec ra wan Guerar ra.

Blasi Sturka 26:3

Nanara man ban tasbayam iwisma ba ra ban iwi bas; yang lika man wal kamna, yamniki maikamna, man kiamkam nani ra bara baku sin naha tasbaya nani sut ra yabamna; man aisikam ra pramis munatna ba pramiska kat daukamni.

Blasi Sturka 28:10

Bara Jekob, Beerseba wina taki Harán ra waia yabalka ra mahka wapan.

Blasi Sturka 50:24

Yu kumi Josep ai muihni nani ra win: “Yang pruaia piui pat baila sa, sakuna Dawan bal man nani ra tâm baikbia, naha kuntrika wina mai saki, Ebraham, Aisak, Jekob tasba yabaia win ba, baha tasbaya ra mai brih wabia.”

Impakan Sturka 17:3

Ban sakuna, upla nani ba diran dauki kan bamna, Moses mapara karna aisin. Witin nani wi kata: —¿Dîa muni Idsip wina wan sakram? ¿Lî diran bla wan luhpia bara wan daiwra nani sut aikuki, wan ikaia daukram?

Impakan Sturka 32:1

Bamna Israel luhpia nani kaikan, Moses il ra wan ba balras ban lap tiwan, bara witin nani Eran ra bal asla taki, naku win: —Man mahka bûi gâd nani paski aik, bara witin nani mita wan tâ brih impakbia; kan Moses, witin Idsip tasbaya wina wan sakan waitnika ba, dîa takan sapa yang nani nu âpu.

Impakan Sturka 32:13

Albikam nani, Ebraham, Aisak bara Israel luhpia nani ba kupiam krauks, man mita swer taki witin nani ra aisi wisatma ba: ‘Yang bui man nani kiamkam ba, slilma ailalka kasbrika purara ba baku ailal daukamna; bara naha tasbaya aiska man nani ra maikaia mai wisna na, witin nani ai tasbaya yabamna ban kaia ra.’

Impakan Sturka 32:34

Bamna nanara, man mahka was, uplika nani ba baha pliska brih waia mai wisatna ba ra brih was. Yang insalki tâm bri wabia. Klala yabaia yua ba balbia ba ra, witin nani saura daukan ba mana yang klala yabamna.

Impakan Sturka 32:7

Bara Dawan bui Moses ra win: —Man mahka mâyara was, man uplikam nani Idsip tasbaya wina sakram ba, witin nani saura daukisa.

Libait Lâka 20:24

Naha kuntrika na yang bui man nani ra maikaia wîri, bamna nanara yang tasbaya na maikamna man nani brima, tialka laya bara nasma sin baha tasbaya ra lî aubi baku sa. “Yang sika man nani Dawan Gâdkam, tawan wala nani wina aihka mai sakri ba.

Kulki Kaikanka 11:12

¿Dîa uplika nani sut na yang luhpi sa ki, bara man ai wisma klamhkla ra brih waia tiala di tuktika baku, aisika nani ra yaia pramis munri ba tasbaya ra?

Apastil Nani Sturka 7:36

Moses kata sika wan damika nani Idsip wina sakan ba. Baha tasbaya ra witin lika wark aihka nani bara sain nani sin daukan, Kabu Pauni ra, ban upla iwras tasbaya ra sin mani 40 kan piua ra.

Kli Smalkanka 1:8

Yang bui tasba ba man nani mihtam ra mangkri sa; man nani was bara tasbaya ba brih iws. Kan yang bui Dawan ra swer taki yabaia aisari, man nani damikam Ebraham, Aisak, Jekob bara ai kiamka nani ra sin.’