Impakan Sturka 32:31 - DAWAN BÎLA AISKA

³¹ Bamna Moses kli Dawan ra wan, bara naku win: —Rait pali naha uplika nani na saurka tara kum daukan sa, kan witin nani gul ni gâd kum paskan ba mita.

Impakan Sturka 32:31 ပူးပေါင်းရင်းမြစ်များ

Esdras 9:15

“Dawan Israel Gâdka, man kasak wapni pali sma, ban pât nani tilara man mita daukram, yang nani dakni lupia kum naiwa yua kat kau ban raya kaia, baku yang nani naiwa nâra sna. Yang nani sika pâtkira sna, man kaikisma; baha mita lamamra kaia sip apia banhwisna.”

Nihimaya 9:18

Ba purkara witin nani sin lilka bahki, bîp kum lilka paskan bara win baha sika witin nani gâdka Idsip wina sakan ba, bara naha wal diara yamni apia nani daukan,

Nihimaya 9:33

Âu, man lika kasak tânka ba kat daukram klin sma, pât nani sut pali yang nani purira balan ba tilara, man lâ wapni pali ba daukram, ban sakuna yang nani lika diara saura baman daukri.

Impakan Sturka 20:23

Man nani lika gâd bahki nani dauki bripara gul bara silbar ni paski, bahara kaiki yang ra baku man nani mayunpara.

Impakan Sturka 20:4

“Aidul nani kumi sin dauki bripara, diara nani kasbrika purara bâra ba lilka sin apia, diara nani tasba ra bâra ba lilka, diara nani kabu ra bâra ba, baku sin kabu mununhtara bâra nani ba lilka sin apia.

Impakan Sturka 32:30

Baha yua wala ra, Moses upla nani ra win: —Man nani saurka tara pali kum dauki banhram sa. Yang nanara kli uli wamna Dawan ra, man nani saura daukram ba ban swih tikaia daukamna sapa.

Impakan Sturka 34:28

Bara Moses lika Dawan wal bahara yu yawanaiska wâl bara tihmia yawanaiska wâl takaskan, witin plun piras lî sin diras kan. Bahara lâ daukan bîla nani ba walpa tanhta nani ra ulbi kan, lâ nani matawalsip ba.

Daniel 9:11

Israel luhpia nani sut man bîlam kulkras atia takan, bara dîa lâ mangkram ba sin wali daukaia apia win; baha mita naha lahtubanka na wan purara kauhan, aikuki swer daukan ba nampakan Moses lâ wauhkataya ra ulban ba kat, ban yang nani lika man mampara saura dauki banhri.

Daniel 9:5

yang nani saura yâri, watawi sin dauki banhri, yang nani iwi banhwi katna man ra lukras pali, yang nani bui man lâmka nani bara bapanka lâka nani ba tnaya ra lakri.

Daniel 9:8

Bamna Dawan, yang nani na wan kingka, wan tâ uplika nani bara wan almukka nani kan ba baku sna, yang nani swiri ai daukisa, kan man mampara saura dauki banhri ba mita.