Impakan Sturka 32:30 - DAWAN BÎLA AISKA

³⁰ Baha yua wala ra, Moses upla nani ra win: —Man nani saurka tara pali kum dauki banhram sa. Yang nanara kli uli wamna Dawan ra, man nani saura daukram ba ban swih tikaia daukamna sapa.

Impakan Sturka 32:30 ပူးပေါင်းရင်းမြစ်များ

2 Samuil 12:9

¿Bara dîa muni yang bîli bahki kulkram, bara yang yamni kaikras sna ba man daukram? Urías hitita ba, man bui ikram, Amón uplika nani ba mita yarka ikaia, bara ai maya ba man mayam briram.

2 Samuil 16:12

Ban kra Dawan lika yang trabilki nani kaikbia, bara naiwa saura ai win walisna na watlika ra, yamnika nani blîkbia.

2 King Nani 17:21

Bara Israel luhpia nani ba Debit king aimaki aula ba wina dakbi sakan kata, witin nani mita Nabat luhpia, Jeroboam ba king mangkan. Bara Jeroboam mita sika Israel luhpia nani ba Dawan lama wina tnaya ra lakan bara saurka tara pali yaban daukan.

Lawana Nani 99:6

Moses bara Eran wal, ai prîska nani tilara sa, Samuil lika nina mayuni ba tilara sa. Dawan wali kan witin nani hilp pliki makabi kan piua ra.

Impakan Sturka 32:29

Bara Moses Libait nani ra win: —Naiwa man nani bui Dawan mawanra karnika aiska laki briram, man nani tila luhpiam mapara buram, tila muihkam mapara buram. Baku bamna, naiwa Dawan ai yamnika maikbia.

Emus 5:15

¡Diara saura daukaia ba, man nani misbara kaiki bas! ¡Bara diara yamni daukaia ba latwan kaiks! Aman kaiks lâ pliska nani ra lâ kasak ba daukbia, baku daukma ban kra karnika sut pali brih Dawanka ba, Israel luhpia nani kau bâra ba, ban umpira kaiki bâra swibia.

Jona 3:9

yawan baku daukbia kaka, ban kra Gâd wan lawbia apia, bara yawan raya kabia.”

Kulki Kaikanka 16:47

Bara dîa Moses win ba kat, Eran daukan. Witin lika upla nani bâra kan ba kat plapi wan. Pruaia pâtka ba pat upla nani ra alkan kan, bara Eran kîa pain ba angkan, upla nani tawan pâtka swih tikbia Gâd ra makaban.

Kulki Kaikanka 25:13

bara witin ra, ai kiamka nani ra sin kahbuna, prîs aimaki kaia warkka ba witin nani ai warkka ban kabia, yang tâiwan lawaia ba bara Israel luhpia nani pâtka swih tikaia lâka nani sin.

Luk 15:18

Bara yang aisiki ra kli tawi wamni, bara wimni: Aisiki, yang saura yâri, Gâd mawanra bara man mamwanra sin;

Luk 7:47

Baha mita yang mai wisna, witin ai latwanka tara ba mita marikisa ai saurka nani sut ba swih tikan sa; bamna ani uplika saurka wiria baman swih tikan ba, pana wiria baman latwan kaikisa.

Roman 9:3

bara yang muihki nani bara taiya nani sut ba mapara pain kaia sa kaka, kau yamni kabia yang na Kraist wina ai dakbi saki lahtuban mununhtara ai swibia.

Galesha 3:13

Lâ mita saura pali wan kulkan ba wina Kraist mita pri wan sakan sa, kan yawan wan tâwan witin lika upla saura kum baku takan; Ulbanka ba wisa: “Saura pali sa baha nani dus ra paman prui ba.”

2 Timoti 2:25

bara witin mapara nani ba ra, kupia swapni brih wapni daukbia. Baku ban kra Gâd mita baha nani ra yaka ai kupia lakbia, bara kasak tânka ba kakaira taki banhbia.

Jems 5:16

Baha mita, pana pana saurkam nani damhra sâks, bara pana pana dukiamra sin puram suni bas, bara baku lika rawma. Upla kasakkira pura sunra ba karnika tara brisa.

1 Samuil 12:17

Nanara plawar mâ krikaia piua sa, lî auhras bara mani piua sa, ¿ban apia? Sakuna nanara yang Dawan ra wimna bara witin bui alwani bara lî sin blîkbia, bamna man nani kaikma bara tânka sin brima, man nani saura pali daukram king kum makabram ba.”

1 Samuil 12:19

Baku takan ba ra, upla nani sut Samuil ra win: —Dawan Gâdkam ra yang nani albikam nani tâiwan puram suns, bara yang nani pruamna apia; kan saurki nani daukri ba purara kau saurka tara wala pura praki ba sika, yang nani king kum briaia makabri ba.

1 Samuil 12:20

Samuil pana win: —Man nani si bripara. Kasak sa man nani saura daukram ba, sakuna kupiam aiska kira Dawan ra mayunra ba dauki yas.

1 Samuil 12:23

Bara yang maipa ra sin saurka kabia man nani tâmwan puri sunras kamna kaka, baha ba kanra yamni sa, yang mai smalkamna diara kau yamni bara wapni ba daukaia.

1 Samuil 2:17

Baha wahma nani saurka ba Dawan mawanra saura pali kata, kan Dawan ra prisantka yabi kan ba prisantka ba bahki kulkan.