Impakan Sturka 32:19 - DAWAN BÎLA AISKA

¹⁹ Moses kiamp ba lamara wan ba ra, kaikan bîp lilka daukan kan ba, bara dans puli banhwi kan ba sin. Bamna Moses kupia baiwan bara il playa kat ai mihta ra lâ nani ulban walpaya tanhta wâl bri kan ba lulki saban bara baiwi pîs pîs takan;

Impakan Sturka 32:19 ပူးပေါင်းရင်းမြစ်များ

2 Samuil 6:14

Debit lika ‘‘efod’’ kum dimi wan, linin ni daukan ba, bara ai karnika aiska srutwi puli kan,

Lawana Nani 119:53

Watawi dadaukra nani, mahka man smalkankam lulki swi ba, baha kupi sauhkanka tara aikisa.

Impakan Sturka 15:20

Bamna Gâd prapitka mairin Meri, Eran lakrika ba, bin dauki aiwanaia singbaika ba brin, bara mairin nani sin sut witin ai nina blikan dans puli singbaika singbi kan.

Impakan Sturka 32:11

Ban sakuna, Moses naha bîla nani aisi Dawan kupia baiwanka ba daskaia trai munan: —Ay, Dawan, ¿dîa muni kupiam baiwanka ba uplikam nani purara bri balma, man mihtam karnika wal witin nani ba Idsip tasbaya wina sakram apia?

Impakan Sturka 32:18

Sakuna Moses pana witin ra win: —Apia, baha binka ba aiklabi pura luan binka apia sa, witin nani ra waihla mita pura luan sarka bri binka sin apia sa, sakuna lawana binka sâtka wala yang walisna.

Impakan Sturka 34:1

Bara Dawan mita Moses ra win: —Man mita walpa wâl klaks, pas walpaya kata ba yahpika baku. Bara pas walpa tanhta nani ra ulbri kan man mita kriki tikram bîla nani kata ba, kli ulbamna.

Jirimaya 31:32

naha lâka blasi damikam nani wal lâ daukri kata ba baku apia, yang bui witin nani mihta wina alki Idsip wina sakri, kan witin nani bui yang lâika kulkras kan, yang pali witin nani Dawanka sna. Yang, Dawan, kasak aisisna.

Inanka Nani 5:15

Yang nani kupi ra lilia bri kapri ba sut tiwan sa, dans puli kapri ba sut sarka lâka ra tawan sa.

Sakaraya 11:14

Baha ningkara dus wala nina “Asla kaia” mâkri ba sin krikri, baha tânka Juda Israel wal ai muihni kaia lâka ba sauhki tikan sa.

Kulki Kaikanka 12:3

Kasak aisabia kaka, Moses ba waitna bawikira pali kan, tasba aiska ra waitna nani iwi ba sut tilara.

Matiu 5:22

Sakuna yang bui man nani ra mai wisna: Ya ya ai muihni mapara ai kupia baikbia kaka, lâ pâtka dimbia. Ya ai muihni ra bîla saura wibia ba, lâ wihta nani mita ai lâka daukbia; bara ya ai muihni ra kunin lâka daukbia ba, hil pauta pâtka briaia pat baila sa.

Mark 10:14

Jisas baha kaiki baha nani ra lawi daukan, bara naku win: —Swis tuktan nani ba yang ra balbia, witin nani takaskpara, kan Gâd kingka lâka ba witin nani sâtka uplika nani dukia sa.

Mark 3:5

Bara Jisas lawi pali kir kaikan, sakuna sari pali sin takan, witin nani tânka briaia briras kan bamna. Bara skahwa waitna ra win: —Mihtam ba sakbram. Bara sakban, ai mihta ba pain takan.

1 Korint 10:7

Baha mita, man nani aidul nani ra puram suni mayunpara, witin nani wina tila nani daukan ba baku, Ulbanka ra wi ba baku: “Upla nani ba plun piaia bara diara diaia iwan, bara baha ningkara dans pulan.”

Epesus 4:26

Ban kra kupiam baiwbia kaka, kuna saura lika daukpara; bara kupiam baiwanka ra yu dimpara.

Kli Smalkanka 10:2

Yang ulbaisna tâura ulban bîla nani kan ba, man baikatma ba, bara lâ auhbaia watla ra mangki main kaiki bas.”

Kli Smalkanka 27:26

‘Naha lâka nani ya kulkras kabia ba, lahtuban kabia, trai kaikras kabia sin.’ Bara upla sut wibia: ‘Baku kabia.’