Impakan Sturka 32:18 - DAWAN BÎLA AISKA

¹⁸ Sakuna Moses pana witin ra win: —Apia, baha binka ba aiklabi pura luan binka apia sa, witin nani ra waihla mita pura luan sarka bri binka sin apia sa, sakuna lawana binka sâtka wala yang walisna.

Impakan Sturka 32:18 ပူးပေါင်းရင်းမြစ်များ

Impakan Sturka 32:17

Upla nani yahwi kan ba Jasua walan ba ra, Moses ra win: —Aiklabanka winanka nani kiamp ra ba walisa.

Impakan Sturka 32:19

Moses kiamp ba lamara wan ba ra, kaikan bîp lilka daukan kan ba, bara dans puli banhwi kan ba sin. Bamna Moses kupia baiwan bara il playa kat ai mihta ra lâ nani ulban walpaya tanhta wâl bri kan ba lulki saban bara baiwi pîs pîs takan;

Daniel 5:23

Kau ni mapara sma, man king, Gâd Laih Purara iwi ba lawaska kikram sa, tibilkam ra brih balbia paiwram baha kapka sirpi nani bara tara nani Dawan watla ra bri kan ba; bara paiwram uplika nani wal bahara wain laiki dih banhram dawankam nani ra mayunra yaram baha nani gul, silbar, bras, ayan, dus bara walpa ni paskan ba, baha gâd nani sip kaikras, sip walras, bara diara sin tânka briras pali ba. Man mayunras kapram, baha Gâd mihta ra rayakam ba bâra sa, witin mihta ra sa man yabalkam nani sut ba sin.

Daniel 5:4

Sut ba wain dih ai aidul nani ra mayuni banhwan, baha dawanka nani ba paski daukan kan gul, silbar, bras, ayan, dus bara walpa wal.