Impakan Sturka 32:17 - DAWAN BÎLA AISKA

¹⁷ Upla nani yahwi kan ba Jasua walan ba ra, Moses ra win: —Aiklabanka winanka nani kiamp ra ba walisa.

Impakan Sturka 32:17 ပူးပေါင်းရင်းမြစ်များ

Job 39:25

Trumpit puhbanka ba ni winanka ba pana aisisa; kau laih wina pat war aiklabi kîa ba kiawalisa bara tâ uplika nani bîla baikra winanka ba sin walisa.

Lawana Nani 47:1

¡Mihtam pruks, upla sut! ¡Dawan ra wins, lilia karna wini mayuns!

Impakan Sturka 17:9

Bara Moses bui Jasua ra win: —Waitna nani ba wahbi saki bris, bara taki was Amalec uplika nani mapara aiklabaia. Yauhka man wal yang il bahna ra kamna, bara Dawan dus maikan ba sin mihtam ra bri bas.

Impakan Sturka 24:13

Moses buan bara Jasua sin ai hilpika ba, bara witin wal Gâd ilka ra uli wan.

Impakan Sturka 32:16

Walpa tanhta ba Dawan mita daukan kata, bara ulbanka ba sin Dawan mita ulban kata.

Impakan Sturka 32:18

Sakuna Moses pana witin ra win: —Apia, baha binka ba aiklabi pura luan binka apia sa, witin nani ra waihla mita pura luan sarka bri binka sin apia sa, sakuna lawana binka sâtka wala yang walisna.

Impakan Sturka 32:6

Yu wala titan witin nani bûi banhwan ba ra, daiwan aiska angki sakripais daukan, bara kli wal ai uplika takaia lâka sakripaiska ba sin daukan. Bara upla nani ba iwi plun pin, diara sin di banhwan. Baha ningkara bûi banhwan, puli lilia briaia.

Jirimaya 51:14

Dawan karnika sut bri ba ai rayaka ni swer taki aisin: “¡Man waihlam nani ailal tristrisia nani baku bri balaisna, bara man nani puram luan lawana ba aiwanbia!”

Emus 1:14

Witin nani baku daukan bamna, yang bui Rabá tawanka purara pauta klauhan blikamna; bara wihta tara watla nani ba ambia, war aiklabi inanka nani tilara bara lî, imyula karna nani puli ba baku tilara sin.

Emus 2:2

Witin nani baku daukan bamna, yang bui Moab uplika nani purara pauta klauhan blikamna, bara baha pauta klauhan ba mita Queriot tawanka ra wihta tara watla nani ba sut ambia. Bara upla kwâra nani aiklabi, trumpit puhbi bin tara dauki kabia ba tilara Moab uplika nani ba prui banhbia.

Jasua 6:10

Sakuna Jasua aiklaklabra nani sut ra win, witin nani bin kumi sin daukaia apia, sâp pali wapi tawi kaia, ahkia witin mita witin nani sut ai karnika aiska ni ai pura winbia wibia ba kat bin daukaia kan.

Jasua 6:16

Prîs nani ba 7 yua ba trumpit puhban, bara Jasua sin upla nani ra win: “¡Nanara man nani sin puram wins! Tawanka na Dawan bui man nani mihtam ra mangkan sa.

Jasua 6:20

Upla nani ai pura winan bara trumpit nani sin puhban. Israel luhpia nani sut pali trumpit puhban bin daukan walan ba ra, witin nani ai kârma kalki karna winan, bara tawan kutbanka kata ba bal kauhan. Bara witin nani aihni plapi dimi tawan ba alki brin,

Jasua 6:5

Man nani wali kama trumpit puhbi binka ba bin sât aihka kum puhbia, bara upla sut sin ai karnika aiska ni karna ai pura winbia, bara man nani kaikma tawan kutbanka ba sasakwi kauhbia. Bâra mika man nani aihni plapi tawan ra dimma.”

Wihta Nani 15:14

Lehi ra brih wan ba ra, filisteo nani ba ai pura wini lilia pali bal takan, brih aula ba wal prawaia. Bara Dawan spiritka Samson ra iwan, kiwa raya ni ai klahkla ra ai mihta ra wilkan kan ba, kiwa aman baku dakbi yakaban;

1 Samuil 17:20

Yapra wala titan pali, Debit buan bara upla wala mihta ra sîp nani ba swin, plun nani ai aisa wina yan ba brih mahka taki wapan. Kiamp ra wan bara kaikan aiklaklabra nani ba pat ridi taki ai pura wini kan aiklabaia waia.

1 Samuil 17:52

Bamna Israel waitnika nani bara Juda waitnika nani sin war winanka wini, nina bliki taki wan Gat dimaika kat, Ecrón dimaika kat sin. Filisteo suldiar nani pruan wîna tara ba Saaraim, Gat bara Ecrón yabalka ra prawi kan kaikan.