Impakan Sturka 32:12 - DAWAN BÎLA AISKA

¹² ¿Nahki ban swirka Idsip uplika nani ba aisi wibia: ‘Lukan saura wal Dawan baha uplika nani ba sakan, baha nani ba sut il ra bri si iki tikaia, naha tasba mawan wina diki âpu daukaia?’ Bara kupiam baiwanka ba swis, uplikam nani ra saura munaisma ba takasks.

Impakan Sturka 32:12 ပူးပေါင်းရင်းမြစ်များ

Blasi Sturka 6:6

Bara Dawan sari takan, tasba ra upla paskan ba dukiara. Witin ai kupia ra praut lâka brin,

1 King Nani 8:51

Kan witin nani ba sika man uplikam nani bara man pali dukiam ba. Baha nani sika Idsip wina sakram ba, kubus kum ami slilwan baku kan ba wina.

Esdras 10:14

Kanra yamni kabia naku daukaia: yang nani waitlika ra wan tawanka wihta nani ba nâra takaskbia, bara baha waitnika nani tringsar mairin brin nani ba, witin nani ra yua kum yabia baha yua ba witin nani balbia, witin nani tâ brabrira nani ba bara wihta nani ba aikuki, ani yua yawan wan Gâd ai lawanka tara ba yawan wina tnaya ra lakbia ba kat.

Lawana Nani 106:45

witin ai kupia kraukan baha nani wal lâ daukata ba; bara ai lukanka kata ba lakan, kan ai latwanka lâka ba tara pali sa bamna;

Lawana Nani 74:18

Dawan, man waihli nani saura ai muni ba, âmya tikpara; bara baha uplika man ra lukras ba, man mampara saura man aisisa.

Lawana Nani 78:38

Sakuna Gâd ai kupia swapni bri kan, watawi daukan saurka ba ban swih tikan bara sauhki tikras kata; aima ailal ai kupia sauhkanka ba kli swin, bara ai lawanka tara ba mita yaban bri waras kata.

Lawana Nani 85:3

man lawanka kata sut lamni daukram, bara man kupiam sauhkanka ba sin.

Lawana Nani 90:13

¡Dawan, yang nani ra kli tawi bal! ¿Nahki kau piua wihka tiwaisma? ¡Naha nampakan nani ra kupiam swapni ni kaiks!

Impakan Sturka 32:14

Bara Dawan bui ai uplika nani ra saura munaia lukan ba, ai kupia wina sakan.

Impakan Sturka 33:13

Bara yang ra yamni ai kaikisma kaka, yang mamkabisna warkkam daukaia tânka brisma ba mairiks. Baku mika, yang bui man ra kasak lukamna, bara daira walamna man bui yang ra kasak lukisma ba. Bamna luki bas naha uplika nani na, man uplikam nani sa.

Aiseya 64:7

Upla kumi sin âpu kan man ninam ra ai pura suni ba, rawi buaia bara man ra ai tâ baikaia; baha ba mita, man bui yang nani ai lulki ai swiram, bara wan lulki wan swiram, wan watawika lâka nani karnika ra srawaia.

Aiseya 64:8

Ban sakuna, Dawan, man sika yawan wan Aisika; yang nani na slaubla ba bara man sika wan paski wan daukram ba; ¡baku bamna yang nani sut na, man mihtam warkka nani sna!

Jirimaya 28:16

Baha mita Dawan aisisa: ‘Man mai blikisna, âu sakuna tasba wina mai tikaia. Naha mani pruma, kan man aisaram bîla nani ba ni upla nani ba yang maipara buaia daukram.’

Isikiel 20:14

Kuna yang nini kulkanka mita daukras katna, saura takaskaia apia tâwan. Baha nisanka nani kaikata, mawanra nahki Idsip wina sakatna ba.

Isikiel 20:22

Kuna alki takaskri nini kulkanka tâka, saura takaskaia apia tâwan, baha nisanka nani kaiki kan, Idsip wina brih sakatna ba.

Isikiel 20:9

Sakuna nini kulkanka tara wal daukri, saura takaskaia apia dukiara, baha nisanka aikuki iwi ba tilara, kan baha nisanka nani mawanra param taki, pramis munri Idsip wina sakaia.

Joel 2:17

Prîs nani, Dawan dukia dadaukra nani, ini banhs, bara tempel ra dimi waia bîla bara altar ba wal lila kat bûi, naku wis: “Dawan, uplikam nani pâtka na ban kulkpara; swirka upla wala nani mita uplikam nani ra ban lawaska kiki kabiara; swirka nisan wala nani ba mita, pura wihtka aimaki kabiara, upla idan nani ba sin aisabiara: ‘¿Man nani Dawankam ba anira sa?’ ”

Emus 7:3

Bamna Dawan kli ai kupia swapni daukan bara ai win: —¡Daukaia wîri ba baku daukamna apia!

Emus 7:6

Dawan kli ai kupia swapni daukan bara ai win: —Nahki daukri ba man kaikram, sakuna baku kli daukamna apia.

Jona 3:9

yawan baku daukbia kaka, ban kra Gâd wan lawbia apia, bara yawan raya kabia.”

Sakaraya 8:14

Dawan, karnika sut bri ba, naku aisisa: “Damikam nani kupi baikan bara klala yabaia lukri ba, kupi lakras ban daukri.

Kulki Kaikanka 14:19

Bamna man kupiam pihni lâka pali ba mita naha uplika nani watawanka ba ban swih tikma. Man naha uplika nani pâtka ba kupiam alki takaski swih tikatma ba baku, Idsip ba wina ban naha kat.

Kulki Kaikanka 16:21

—Man nani baha uplika nani tila wina dakwi taks, yang bui witin nani ba naiwa âpu daukaisna bamna.

Kli Smalkanka 13:17

“Sauhki tikan dukia nani wina kumi sin man wal takaskpara, bara Dawan lika man nani ra ai kupia sauhkbia apia. Damikam nani ra yabaia win ba baku, man nani ra maikka ailal sauhma,

Kli Smalkanka 32:36

“Dawan lika ai uplika tâwan aisabia, kaikka tâ baikaia kau want kabia kaka; Dawan ai albika nani ra umpira lukbia, kaikka swapni sin âpu, karnakira sin âpu kaka.

Kli Smalkanka 9:28

Kuntri wina sakram ba dukiara witin nani naku aisin apia ba mata: Dawan yawan pramis wan munan kuntri wala ra wan brih waia wisi, sakuna witin sip apia takan bara misbara wan kaikan, bara baku upla iwras tasbaya ra wan brih balan yawan nâra pruaia.

Jasua 7:26

Angkan ba ningkara, witin yamhpuska ba purara walpa nani ailal paski swin. Baha walpaya paskanka tara ba, naiwa kat ban bâra sa. Baha tâwan baha ilka bîla ba nina mâkan Acor. Baku daukan ba kat, Dawan kupia baiwanka ba Israel luhpia nani mapara lamni takan.

Jasua 7:9

Kenan uplika nani naha tasbaya ra iwi ba dîa takan na sturka ba sut walbia, bara witin nani sut asla taki bara wan mapara bal aiklabi rau wan sauhki âpu wan daukbia, bara upla sin wan sturka aisaia sin âpu kabia. ¿Bara baha kat man ninam kulkanka tara ba dîa kabia ki?

1 Samuil 12:22

Dawan bui ai uplika nani ba lulki swibia apia, witin ai nina tara kulki ba tâwan. Dawan brin daukisa man nani ba ai uplika nani kama.