Impakan Sturka 32:1 - DAWAN BÎLA AISKA

¹ Bamna Israel luhpia nani kaikan, Moses il ra wan ba balras ban lap tiwan, bara witin nani Eran ra bal asla taki, naku win: —Man mahka bûi gâd nani paski aik, bara witin nani mita wan tâ brih impakbia; kan Moses, witin Idsip tasbaya wina wan sakan waitnika ba, dîa takan sapa yang nani nu âpu.

Impakan Sturka 32:1 ပူးပေါင်းရင်းမြစ်များ

Blasi Sturka 19:14

Bara Lot wan, ai luhpia mairin nani briaia, makaban waitnika nani ba sut maisa pakan, bara witin nani ra win: —¡Man nani bus, naha tawanka na wina taki was, kan Dawan balan tawanka na sauhki tikaia! Sakuna ai dapna nani ba witin ra sip kasak lukras kan, baha sturka witin nani ra win ba.

Blasi Sturka 21:26

Bara Abimélec pana win: —Yang naiwa kat baha tânka ba waluna, ya pali mita baku daukan liwanhta ba man wina dakbi brin. Man sin baha tânka ba yang ra ai wiras kapram, naiwa kat ai wisma.

Blasi Sturka 39:8

Sakuna Josep baku daukaia brin daukras kan. Bamna pana witin ra win: —Man kaiks, yang dawanki ai dukia nani sut ba yang mihti ra swin sa, nanara yang nâra sna, witin ai lal latwan âpu sa.

Blasi Sturka 44:15

witin nani ai lal makupi kan, bara Josep witin nani ra win: —¿Man nani baha dîa daukram? ¿Man nani damra walras sma, yang sât waitnika sna na, smaya kakaira kum sna ba?

Blasi Sturka 44:4

Witin nani tawan ba wina taki kau laihura pali waras kan ba ra, Josep ai watla pura wihtka ra win: —Baha uplika nani ba ninara man nina bliki was. Bliki alkma ba ra witin nani ra naku wis: ‘¿Man nani dîa muni yamni mai munan ba mana saura ni aibapisma? ¿Silbar kapka ba man nani dîa muni implikram,

Lawana Nani 106:19

Witin nani, Horeb ilka ra bîp luhpia lilka daukan, gul slilki aidul kum paski, baha ra ai pura sunan.

Impakan Sturka 13:21

Kakna ra Dawan bui witin nani tâ brin, kasbrika playka bapanka kum ba ni, yabal ba witin nani ra mariki kan. Tihmia ra, pauta klauhan playka bapanka kum ni witin nani ra ingni yabi kan. Baku witin nani sip kan kakna ra bara tihmia ra sin ban impaki kaia.

Impakan Sturka 14:11

Bara witin nani tawi Moses ra win: —¿Idsip ra raiti âpu kan ki, man baha wina wan sakram bara naha upla iwras tasbaya ra yawan prui tiwaia wan daukram? ¿Dîa muni yang nani ra naku wan daukram? ¿Dîa muni Idsip wina wan sakram?

Impakan Sturka 16:3

Upla nani ba witin nani ra win: —¡Dawan ba Idsip tasbaya ra iki wan tikan kata kanra yamni kan! Bahara yang nani wîna piakan dakawa lamara iwi pi kapri, wan biara banhki takan ba kat. Sakuna man nani naha upla iwras tasbaya kat, sanglang ni wan iki âpu wan daukaia wan bri balram.

Impakan Sturka 20:23

Man nani lika gâd bahki nani dauki bripara gul bara silbar ni paski, bahara kaiki yang ra baku man nani mayunpara.

Impakan Sturka 24:12

Dawan mita Moses ra win: —Il ra uli bal, yang nâra sna na kat, bara bîli kaiki bas, yang bui man ra walpa tanhta wâl maikaisna, bahara lâ nani ba ulbi maikamna, Israel luhpia nani ra smalkaia dukiara.

Impakan Sturka 24:18

Moses kasbrika tila bâk dimi, il ra uli wan, bara witin bahara takaskan kakna yawanaiska wâl bara tihmia yawanaiska wâl sin.

Impakan Sturka 32:11

Ban sakuna, Moses naha bîla nani aisi Dawan kupia baiwanka ba daskaia trai munan: —Ay, Dawan, ¿dîa muni kupiam baiwanka ba uplikam nani purara bri balma, man mihtam karnika wal witin nani ba Idsip tasbaya wina sakram apia?

Impakan Sturka 32:22

Eran pana witin ra win: —Dawanki, yang ra kupiam sauhkpara. Man upla nani na tânka kasak kakaira sma, witin nani saura daukaia nahki lihki ba.

Impakan Sturka 32:23

Yang ra ai wi banhwan: ‘Yang nani ra gâd kum dauki aik, witin mita wan tâ brih wabia, kan naha Moses Idsip tasbaya wina wan sakan ba, yang nani tânka briras witin ra dîa takan sapa.’

Impakan Sturka 32:7

Bara Dawan bui Moses ra win: —Man mahka mâyara was, man uplikam nani Idsip tasbaya wina sakram ba, witin nani saura daukisa.

Impakan Sturka 33:3

Baha tasbaya ra tialka laya nasma wal lî laiwi ba ra man nani was. Ban sakuna, yang lika man nani tilamra wamna apia, kan man nani ba warkki daukaia ra kiamam karna ba mita, ban kra yabal ra âpu pali mai daukamna.

Isikiel 20:8

‘Kuna witin nani lika yang maipara buan, bara yang ra walaia brinka apia kan; sakuna Idsip wina aidul nani brin ba âpu daukras, witin nani baha nani swiras. Yang lukri kupi baiwanka witin nani purara batakaia, bara klala yabaia Idsip ra, yang kupi baiwanka wina âuyapah takbia kat.

Oseas 12:13

Prapit kum paiwanka bâk, Israel luhpia nani ba Dawan mita Idsip wina sakan; ¡prapit kum wark dauki kan ba tâka bâk, Dawan bui witin ra main kaiki kan!

Miqueas 6:4

Yang lika Idsip tasbaya wina mai saki bri balri, alba lâka wina sin mai swaki mai sakri. Yang mita Moses, Eran, Meri sin man nani tâm briaia blikri.

Kulki Kaikanka 14:22

Baha nani sut Idsip ra praina kaikan ba, naha upla iwras tasbaya ra sin sain nani daukri kaikan. Pat aima ailal traiki kaikan bara bîli ba sip wali banhras sa,

Matiu 24:43

Sakuna naha na kupiam krauki bas: Utla kum dawanka ba âimplikra dîa awarka ra balaia ba kaiki kaka, witin yapras aihwaki kabia, bara swika ai watla ba kriki dimi ai dukia implikbia apia.

Matiu 24:48

Sakuna baha albika ba saura kaka, bara ai kupia ra luki ai dawanka ba wihka takaskisa wisi,

Apastil Nani Sturka 17:29

Gâd taika nani sa kaka, ¿dîa kan yawan lukaia Gâd ba gul, silbar kra, walpa ni upla ai mihta ni paskan lilka baku kulkaia?

Apastil Nani Sturka 19:26

Ban sakuna, man nani pain kaikisma bara sin walisma, nahki naha waitnika Pal wi ba smalkisa, gâd nani upla ai mihta ni paskan ba lika bahki pali sa. Baku smalki ba mita upla manis kupia alkan, naha Epesus tawanka ra baman apia, sakuna Asia tasbaya aiska ra sin.

Apastil Nani Sturka 7:40

Baku bamna, Eran ra witin nani mita win: ‘Yang nani want sna, gâd nani dauki wankma, wan kainara impakaia dukiara; kan yang nani kaikras baha Moseska Idsip wina wan sakan ba mapara dîa takan sapa.’

Kli Smalkanka 31:8

Baha sim Dawanka man kainamra wabia bara man wal kabia, lulki yakan mai swibia apia; baha mita ban sibri kapara.”

Kli Smalkanka 9:1

“Israel luhpia nani, wali banhs: piua balan sa man nani Jordan ba lui waia, bara mahka man nani wal nisan kau tara, kau karna nani tawanka nani kutbanka purara ba pura lui tawanka ba bris;

Kli Smalkanka 9:9

Yang il ra ulri walpa tanta ba briaia, lâ walpa tanhta ra man nani wal Dawan aisi daukan ba. Bara yang bahara kakna 40 bara tihmia 40 takaskri, plun piras, lî sin diras.

Jasua 7:13

Bus bara upla nani sut paiws balbia. Witin nani ra wis upla sut ridi takbia yauhka yang maiwanra bal buaia. Yang Dawan, Israel Gâdka, yang naha bîla nani man nani ra aisaia brisna: ‘Man, Israel, diara sut sauhki âpu tikaia kapram ba dukia nani ba wina diara nani briram, bara baha dukia nani ba sut sauhki lulki swiras kama kaka, waihlam nani mapara sip buma apia.’

2 Pita 3:4

bara makabi wali kabia: “¿Kraist kli balaia pramis win ba dîa takan? Wan damika nani pruan, bara tasba paskan piua wina naiwa kat dîa kan ba ban sa.”