witin ba Neftalí kiamka wina piarka mairin kumi luhpia waitna, papika ba bras warkka dauki kan. Witin ba Tiro wina kan, bamna Hiram lika bras warkka daukaia sinska lâka tânka ni banhwan kata. Witin Salaman ra balan, bara dîa warkka bri kan ba sut dauki yan.
Besalel, Urí luhpia bara Hur mulika ba, bras altarka paskan kan ba sin Gabaón ra kan Dawan tintka watla dimaika ra, bahara Salaman upla nani aikuki wih diman Dawan wal aisaia.
Moses bui Jasua ra win ba baku witin daukan, bara Amalec uplika nani wal aiklabaia taki wan. Baha piua ra Moses, Eran bara Hur sin, witin nani yumhpa lika pat il bahna ra uli wan.
Moses mita Dawan ra win: —Kaiks, man ai wisma yang naha uplika nani na tâ brimna; sakuna ai wiras sma ya yang wal blikaisma sapa. Bara man sin ai wisma yang ra kasak ai kakaira pali sma, baku sin namkra ra yamni ai kaikisma.
Baku bamna, Besalel bara Oholiab, bara waitna wala nani ba sin diara nani paskaia sinska bri ba, Dawan wina sins lâka brin bara diara tânka kaikaia daukan ba, Dawan watla ra dîa warkka daukaia tânka bri ba, baha nani warkka sut daukbia, Dawan adar win ba kat.”
Dan kiamka wina Ahisamac luhpia Oholiab wal wark ba daukan, witin sika, ayan ni diara papaskra, baku sin diara mamaia bara pitbaia tânka bri kan kwala blu, paura, balianta, kwala pauni bara linin kwalka nani ra.