Impakan Sturka 31:17 - DAWAN BÎLA AISKA

¹⁷ Baha ba ban kaia ra tukinka kum, Israel luhpia nani yang wal lâ daukri tukinka kabia.” Kan Dawan ba kasbrika pura bara tasba na wal paskan yu matlalkahbi ra, sakuna yu 7 aimakan ba ra wark dauki kan ba takaski, ris brin.

Impakan Sturka 31:17 ပူးပေါင်းရင်းမြစ်များ

Blasi Sturka 1:31

bara Gâd kaikan diara nani witin paskan ba sut yamni pali kan. Bara baku natka ra yu matlalkahbika ba tnata alkan.

Job 38:7

yu baiwaia slilmika nani, lawana aiwani kan piua ra, yang warkki dadaukra insalka nani lilia bri kan piua ra?

Lawana Nani 104:31

¡Dawan prana ba yarka ban bâra kabia! ¡Dawan ai mihta ni paskan ba yarka lilia kabia!

Impakan Sturka 20:11

Kan yu matlalkahbi yua ra, Dawan kasbrika pura ba, tasba, kabu bara diara nani sut ba baha bilka ra paskan bamna, bara yua 7 ba, witin ris brin. Bahamna Dawan bui sabat ba yamni munan, bara aihka saki holikira kulkan sa.

Impakan Sturka 31:13

“Man, Israel luhpia nani wal aisi, naku wis: ‘Man nani kasak pali yang riski briaia yua nani ba kulkaia sma; kan baha ba lika yawan wan tukinka kum sa, kiamkam nani sut ban kulki kaia. Witin nani tânka bribia, yang mita man nani ba bâk mai saki mai briri ba.

Impakan Sturka 31:16

Bahamna Israel luhpia nani ba sabat ba kulkaia lan takaia dukiara, baha yua ba wark takaia apia sa, kan wal lâ daukan lâka ba ban kaia tukinka ba mita.

Aiseya 58:13

“Ris yua kulki bas; baha yua man bisniskam daukpara, yang yui holi bamna. Man naha yua na lilia yua kum kulkma, Dawan yua holikira baku bara aitani witin ra aitani kulkaia; man bahara bisniskam nani daukras kira pain kulks, diara briaia dukiara apia.

Jirimaya 32:41

Witin nani ra yamni munisna ba dukiara lilia kamna, bara yang kupi aiska kira kasakka lâka sut ba ni yarka witin nani baha kuntrika ra iwbia.”

Isikiel 20:12

Sabatki yua nani ba sin marikri, baha ba tukin kum kaia witin nani, bara yang wal maipara, bara kupia kraukanka kum yang, Dawan, yang duki baman bâk sakri kan ba.

Isikiel 20:20

bara kulki bribia kasak baku riski yua nani ba, baku tukin kum kaia, man nani bara yang wal. Baku damra walma yang sika Dawan Gâdkam sna ba.

Hibru Nani 4:10

kan ani uplika dimi Gâd wal ris bri ba, witin lika ai warkka ba wina ris brisa, sim Gâd ai warkka wina ris brin ba baku.