Impakan Sturka 31:15 - DAWAN BÎLA AISKA

¹⁵ Yu matlalkahbi ba wark daukaia yua nani sa, sakuna yu 7 aimaki yua ba ris yua sa, Dawan mita ai yua kulkan ba. Bamna ani uplika baha yua wark daukbia kaka, pruaia pâtka ra lakan kabia.’

Impakan Sturka 31:15 ပူးပေါင်းရင်းမြစ်များ

Blasi Sturka 2:2

Gâd ai warkka nani daukan ba yu 7 kat paski tnata alkan, bara ris brin.

Impakan Sturka 16:23

Moses pana witin nani ra win: —Baha sika Dawan mita win baku daukaia. Yauhka ba sabat, Dawan ra luki ris briaia yua, bamna piakaia, dukaia, angkaia, pata nani ba sut naiwa piaki, angki, duki briaia sma. Bara baha wina yauhka piaia pata ba suni swis.

Impakan Sturka 16:26

Yua nani matlalkahbi yua ba lika, patam nani wahbi briaia sip sma, sakuna yu matlalkahbi pura kumi ba, baha lika sabat ba, baha yua ra lika diara âpu kabia.

Impakan Sturka 23:12

“Yu nani 6 ba bilara dîa warkka nani daukaia sma ba sut dauks, sakuna yua 7 ba aimakbia ba ra, ris bri bas, bîpkam wainhka nani, birikukam nani sin ris bribia, bara tringsar nani, albikam nani sin kli ai karnika briaia ba mata baku dauks.

Impakan Sturka 31:14

Man nani lika sabat ba bâk saki bri kulkaia sma, bamna kulkanka yabaia sma. Ya baha yua ba kulkras kabia kaka, prubia. Baha purkara, ani uplika baha yua ra wark daukbia kaka, upla nani tila wina saki lulkan kabia.

Impakan Sturka 31:16

Bahamna Israel luhpia nani ba sabat ba kulkaia lan takaia dukiara, baha yua ba wark takaia apia sa, kan wal lâ daukan lâka ba ban kaia tukinka ba mita.

Impakan Sturka 31:17

Baha ba ban kaia ra tukinka kum, Israel luhpia nani yang wal lâ daukri tukinka kabia.” Kan Dawan ba kasbrika pura bara tasba na wal paskan yu matlalkahbi ra, sakuna yu 7 aimakan ba ra wark dauki kan ba takaski, ris brin.

Impakan Sturka 34:21

“Yu matlalkahbi warkkam takma, sakuna yu 7 ra lika wark takma apia, ris brima, insla mangkaia apia, baku sin insla dâkaia piua kabia sin, diara daukpara.

Impakan Sturka 35:2

Yu matlalkahbi man nani warkkam takma, sakuna yua 7 ba, aihka yua kum man nani kulki kaia sma, Dawan ra baman kulkanka ba yabaia yua. Ya baha yua ra wark takbia kaka, prubia.

Impakan Sturka 35:3

Sabat ra, ani anira iwi kama sin, utla kumi ra sin pauta mukan kabia apia sa.”

Isikiel 46:1

“Yang Dawan sna ba, aisisni: Kutbanka painkira latka bîla lalma tani ra durka ba prakan kaia sa, yua matlalkahbi wark taki ra; bara ris yua ra bara kati raya yua ra.

Libait Lâka 16:29

“Naha lâka na sin man nani ban baku dauki kama: mani bani kati 7 yua matawalsip aimaki ba ra, warkkam nani sut takaski si, Israel luhpia sut tringsar nani tilamra iwi ba sut, kaiki plun piras kaia sma.

Libait Lâka 23:3

“Man nani yu 6 wark taki bas, sakuna yu 7 yua ba wark sâtka kumi sin daukma apia; baha yua ba ris yua bâk sakan bamna, holi man nani aidrubi asla takaia sma. Ani anira iwi kama kra, baha yua ba holikira Dawan ra baman kulkanka yabaia yua sa.

Libait Lâka 23:32

Man nani mampa ra ris yua baman kulkaia sa, plun piaia apia, baha katka yua 9 tutnika ba wina, kulkaia ban yua wala tutnika ba kat, tutni kum wina tutni wala kat.”

Luk 13:14

Sakuna Ju nani priaska watla wihtka ba ai kupia baikan, ris yua ra Jisas mita mairin ba rakan bamna; bara upla nani ra win: —Yu 6 bâra sa upla nani wark takaia; baha piua nani ra balaia sma rawaia want kaka, sakuna ris yua ra lika apia.

Luk 23:56

Ai watla ra kli tawi balan ba ra, isint kîa pain nani bara batana nani sin ridi daukan. Ris briaia lâka ulban ba kat mairin nani ba baku daukan,

Kli Smalkanka 5:12

‘Ris yua ba man kulki bas, Dawan ra kulkanka yabaia yua ba. Dawan ai adarka mai win ba baku.

Hibru Nani 4:9

Baku bamna, Gâd uplika nani riska holikira kau kum bâra sa;