Impakan Sturka 30:18 - DAWAN BÎLA AISKA

¹⁸ “Bras ni bisin kumi paskma, bara sunaika sin bras ni paskma, bahara diara sikbaia dukiara; Dawan wal prawaia watla altarka ba wal lilapas ra bri si, lî laiki banhki swis.

Impakan Sturka 30:18 ပူးပေါင်းရင်းမြစ်များ

1 King Nani 7:23

Baha ningkara, Hiram lî alkaia watla tara krukma kum bras ni daukan, paknika ba 7 pît hap, yarika 15 pît, yahpika kir ba lika 45 pît bri kan. Bara taya pura aiska ba tangni lilka wâl bara dus mâ nani lilka ni sakahkan. Bara playa nani ba naku paskan: bîp bul 12 bras ni daukan, baha purara kahban bûi kan, yumhpa ba yahbra tani ra kaiki kata, yumhpa wala ba waupasa tani ra kaiki kan, yumhpika wala nani ba muna tani ra kaiki kan, lâs yumhpika ba lalma tani ra kaiki kan. Laya watla ba twaknika 3 ins bri kata. Bara un pura ba tumtum tangnika baku ni kir sakahkan kata; bara laya watla ba lî 10,000 gialan alki kan.

1 King Nani 7:38

Bara lî plapaika matawalsip bras ni daukan kata, kumi bani ba 6 pît bri kan. Kulki kaikan 200 gialan bri kata, kumi bani ba karnika matawalsip ba purara.

2 Kronikas 4:2

Baku sin lî alkaia watla krukma tara kum paskan, bras ni 7 pît pura bakriki, bîla yahpika 15 pît bara 45 pît raun tawan ba.

2 Kronikas 4:6

Lî alkaika sin matawalsip paskan bras ni, diara sikbaia dukiara bara sikbaika dukia nani matsip ba mihta aihkika tani ra mangkan, wala matsip nani ba smihka tani ra. Bahara ya ya sakripais daukan ba ai mihta sikbi kan, sakuna lî alkaika kau tara bara prîs nani baman ai mihta sikbaia dukiara mangkan kata.

Impakan Sturka 30:17

Dawan ba Moses ra aisi, naku win:

Impakan Sturka 31:9

daiwan aiska angkaia altarka ba, diara nani bahara yus muni ba sin paskbia, bisin ba, mina buaika nani ba sin paskbia,

Impakan Sturka 38:8

Bisin ba bras ni daukan, mina buaika ba sin bras ni daukan, mairin nani ai mawan kaikaika glaska ba sin, tint watla ra dimaia durka pali ba kat swin.

Impakan Sturka 40:7

Baha ningkara Dawan wal aisaia pliska ba ra, altar ba wal lilara swima, lî banhki.

Smasmalkra 5:1

Gâd watla ra auma ba ra, man daukankam ba main kaiks; taniskira nani baku sakripais daukpara, witin nani sinskas lâka ra ai tânka briras sa saura dauki ba, lamara bal bîla wali dauks.

Libait Lâka 8:11

Baha batanka laya ba ni sin altar ba purara aima 7 srikban, bara dikwa nani, diara wala nani bâra ba sut purara sin laikan. Lî laiki banhki diara sikbaika watlika tara bîla ba, utla playka ba sin batana laya ba ni laiki klin sakan.

Sakaraya 13:1

“Baha piua ra lî kârma kum takbia, bara baha laya ra Debit kiamka nani, Jerusalem ra iwi nani ba ai saurka nani ba sikbia.

Taitus 3:5

witin swaki wan sakan. Baha ba lika yawan mita diara pain nani kra daukan tâwan lika apia, sakuna umpira wan kaikan ba mita. Sikbi wan sakan bâk witin mita swaki wan sakan, bara baha tânka ba lika, yawan na kli aisubi takan, bara Spirit Holikira mita rayaka raya wankan ba bâk sin.

1 Jan 1:7

Sakuna yawan ingni ra takaskisa kaka, sim Gâd ingni ra ba baku, yawan lika pana pana wan walka wal asla pali sa, bara Gâd Luhpia Jisas Kraist tâlia mita, wan saurka nani sut wina klin wan sakan sa.