Impakan Sturka 30:12 - DAWAN BÎLA AISKA

¹² “Man bui Israel luhpia nani sut ba kulki kaikma ningkara, witin nani kumi bani Dawan ra ai rayaka pri sakan ba mana diara yabaia sa. Baha mita kulki kaikan bamna, pruaia sikniska witin nani kumi ra sin alkan kabia apia.

Impakan Sturka 30:12 ပူးပေါင်းရင်းမြစ်များ

1 Kronikas 21:1

Upla dahra kwakwahkra insalka ba Israel luhpia nani mapara taibi munan bara Debit ra munan upla nina ulbi kulkaia warkka kum daukan.

1 Kronikas 21:12

mani yumhpa plun tiwan kabia ba, kati yumhpa waihlam nani puram lui kabia ba ninam bliki, apia kaka yu yumhpa siknis saura tawankam purara balbia ba Dawan wina, bara Gâd insalka bui Israel uplika tasbaya aiska sauhkan kabia ba. Bara nanara luki kaiks yang ai blikan baha maisam pakaia.

1 Kronikas 21:14

Baku bamna, Dawan bui klala saura blikan Israel purara, bara 70,000 upla nani pruan.

1 Kronikas 21:3

Sakuna Joab naku win: —Dawan ba ai uplika nani ba 100 taim kau ailal daukbia, nanara bâra ba wal; ¿sakuna baha nani sut sika Dawanka warkka dauki ba, uplika nani ba Dawan dîa muni kan brinka sa ki? ¿Dîa muni Israel luhpia nani ra pâtkira kulkaia sa?

1 Kronikas 27:24

Joab ba mahka tâ krikan kulkanka ba, ban sakuna danh daukras swin, kan baha tâka mita Israel purara klala balan. Ba mita dîa kulkan ba, king Debit ulban wauhkataya ra ulbi mangkras kan.

2 Kronikas 24:6

Bamna king bui prîs tara Joiadá ra winan, bara naku win: —¿Dîa muni man Libait nani ra karna munras, witin nani Juda bara Jerusalem wina brih balaia, prisantka nani Dawan napakanka Moses bui Israel tawanka ra adar yan ba, baha uplika nani wahbi banhwata ba tint watla ba dukiara?

2 Kronikas 24:9

Baha ningkara Juda bara Jerusalem aiska ra maisa pakan, Dawan watla ra brih balaia, Dawan napakanka Moses upla iwras tasbaya ra ai prisantka yaban kata baku.

Job 33:24

Witin ra umpira kaiki, Gâd ra wibia: “Prura wina swaki sâks, witin pura mana aibapaia ba sakri sa bamna.”

Job 36:18

Kaiki bas diara mana mai atkbiara, lalah ailal mita yabrika kupiam alkbiara.

Lawana Nani 49:7

Sakuna upla kumi sin sip yakan ai wîna swaki sakras, purkara sin Gâd ra lalah ni aibapka swaki sâkbia apia.

Impakan Sturka 30:11

Dawan ba Moses ra aisi, naku win:

Kulki Kaikanka 31:49

bara aisi banhwan: “Yang nani na man nani albikam nani, war aiklaklabra nani ba kulki kaiki banhri kumi sin pruras sa.

Kulki Kaikanka 31:50

Bamna gul dukia nani witin nani wal prawan brih balan ba nâra sa: bangkil nani, mihta lula mangkaika dukia nani, mihtadingka, kiamka lula nani bara sakahkaia dukia wala nani sin Dawan ra yaia, swaki wan sakan ba mana.”

Matiu 20:28

Bahamna, baku natka ra, Upla Luhpia Waitna ba balras kan upla mita witin ai dukia daukaia dukiara, sakuna witin mita upla dukia daukaia, bara ai rayaka ba upla ailal pri sakaia mana baku yabaia.

Mark 10:45

Kan Upla Luhpia Waitna ba sin balras upla mita dukia daukbia dukiara, sakuna upla dukia daukaia, bara rayaka sin yaia, upla ailal swaki sakaia ba mata.

1 Timoti 2:6

Jisas Kraist ai wîna tara ba prura mihta ra mangkan, upla sut swaki sakan kaia ba mana aibapaia dukiara; bara naha na ai piua aimakan kat latan marikan kata.