Impakan Sturka 3:9 - DAWAN BÎLA AISKA

⁹ Kaiks, Israel luhpia nani inanka ba yang walri, baku sin kaikisna Idsip uplika nani mita witin nani ra saura pali muni ba.

Impakan Sturka 3:9 ပူးပေါင်းရင်းမြစ်များ

Blasi Sturka 16:11

Man sin nanara kwihra sma bara luhpiam waitna kum brima, bara witin ai nina ba man Ismael mâkma, kan man inankam ba Dawan walan bamna.

Blasi Sturka 31:12

Bara witin bui yang ra ai win: ‘Aman pali kaiki bas bara man kaikma, daiwan wainhka nani sut mairin ra uli taibi ba, luhpia nani ba sut marsina, bulni, puputni atia baikisa, kan Labán man ra dîa mai munan ba sut yang kaikri bamna.

2 King Nani 13:4

Bamna Joacaz ba Dawan lamara ai pura sunan bara Dawan mita ai pura sunra ba walata, kan Israel luhpia nani kupia kriwan kan ba kaikan, Siria kingka ba bui taibi bri kan ba mita.

2 King Nani 20:5

“Yang upliki nani wihtka Ezequías ra tawi wih wis: ‘Dawan, man damikam Debit Gâdka ba naku wisa: Yang lika man puram sunra ba walri bara man namkra laya nani ba sin kaikri. Yang mai rakaisna, bara lapta yumhpa dimbia yua ra Dawan tempelka ra uli was.

Nihimaya 9:9

Baku sin wan damika nani Idsip ra pât bri kan ba kaikram, bara winanka Kabu Pauni lamara daukan ba sin walram.

Lawana Nani 12:5

Dawan naha aisin: “Umpira nani ra, swapni nani ra sin taibisa, witin nani ai tâka baha nani pât wahwisa. Baha mita, nanara yang buaisna. Yang bui witin nani ba tâ baikamna, wihka bîli kaiki ba.”

Lawana Nani 9:14

Bara baku yang, Jerusalem getka nani ra, tasba aiska ra wimna man mayunra briaia aitani sma, yang lilia pali sna swaki ai sakram bamna.

Impakan Sturka 1:11

Nanara Idsip uplika nani ba, wark nani pura kakaira mangkan, Israel luhpia nani ra yaka wark karna taki kaia dukiara. Witin nani ra munan tawan wâl paskan: Pitón bara Ramsés. Naha tawanka wâl na sika plun mâ nani apahki suni briaika pliska bri kan ba king fero mita mâkan ba, witin lika Idsip kingka ba.

Impakan Sturka 1:22

Nanara king fero lâ kum daukan ai tasbaya aiska ra, bara naku win: “Hibru luhpia waitna nani nan aisubi takan nani ba sut, Nilo awalka ra lulki banhs, sakuna mairin nani ba lika swirka raya kaia sa.”

Impakan Sturka 1:8

Sakuna kau naika piua ra Idsip tasbaya ra king raya kum aimakan. Witin Josep wal kakaira apia, ai tânka sin briras aihwa. Nanara witin ai uplika nani ra naku wisa:

Impakan Sturka 2:23

Mani nani lui ba tilara Idsip kingka ba pruan. Sakuna Israel luhpia nani lika ban alba lâka munhtara pât saura wahwi kan. Witin nani ini ai mâmna lulki makabi kan ba Gâd walan.

Impakan Sturka 2:25

Bamna Gâd kaikan Israel luhpia nani nahki pât saura wahwi ba alba lâka mununhtara, bara witin baha nani dukiara lukan.

Impakan Sturka 3:7

Sakuna Dawan kau ban witin ra aisi, win: —Yang upliki nani Idsip ra pât saura wahwi ba param pali kaikisni. Wark pura kakaira nani ba mita witin nani ra saura muni bara ai mâmna lulki ini makabi ba yang walri, yang kasak pali kaikisni witin nani pât saura pali wahwisa.

Smasmalkra 4:1

Ningkara yang lukanki ba, naha tasba ra taiban lâka nani dauki ba ra aman pali mangkri, bara kaikri taiban lâka mununhtara nani ba, inisa, kuna upla kumi sin âpu baha maisa nihkaia; bara tataibra nani ba bui kau pali karna munisa kuna maisa nanihkra nani lika âpu.

Smasmalkra 5:8

Aihka lukpara, kuntri kum mita umpira nani ra taibi brisa kaka; bara karna lâka munisa, kasak lâka bara raitka lâka ra sin; kan war tâ uplika kum, wala kau tara ba mita pura prakisa, bara kau purara tâ aimaki ba mita wâlsut ra pura prakisa.

Emus 4:1

Sameria mairka nani, Basán bîpka mairin batanira nani, naha dahra aisin bîla na wals, upla umpira nani ra raitka yabras taibi munisma, bara upla diara nitka bri nani ra saura pali munisma ba, mayam waitna nani ra adar yabisma wain laya diaia bri sal maikbia.

Kli Smalkanka 26:7

Bamna yang nani damiki Dawanka Gâdka ra makabri, hilp wan munbia dukiara; bara yawan makabanka ba witin walan, wan umpirka ba sin kaikan, nahki wark karna nani wan dingki kan, taiban lâka ra sin yang nani iwi kapri ba;

1 Samuil 9:16

“Yauhka, sim naha awarka, waitna kum man ra blikamna Benjamín tasbaya wina, man bui witin ba batana ni laikma, yang upliki Israel luhpia nani wihtka kaia, witin bui witin nani ba filisteo nani karnika ba wina dakbi sâkbia, yang sin upliki nani kupia lukra ba wal sna, ai inanka nani ba yang kat uli wan bamna.”