Impakan Sturka 3:7 - DAWAN BÎLA AISKA

⁷ Sakuna Dawan kau ban witin ra aisi, win: —Yang upliki nani Idsip ra pât saura wahwi ba param pali kaikisni. Wark pura kakaira nani ba mita witin nani ra saura muni bara ai mâmna lulki ini makabi ba yang walri, yang kasak pali kaikisni witin nani pât saura pali wahwisa.

Impakan Sturka 3:7 ပူးပေါင်းရင်းမြစ်များ

Blasi Sturka 16:11

Man sin nanara kwihra sma bara luhpiam waitna kum brima, bara witin ai nina ba man Ismael mâkma, kan man inankam ba Dawan walan bamna.

Blasi Sturka 18:21

Bamna yang nanara bahara auna, ai win ba baku saurka nani ba, ban tara sa sapa yang wih kaikamna. Baku lika yang tânka brimna.

Blasi Sturka 21:17

Tukta ini kan bîla baikra ba Gâd walan; bara Gâd insalka kasbrika pura wina Agar ra aisin, bara win: “Agar, ¿man dîa pâtka brisma? ¡Si bripara! Tukta inanka ba Gâd walan, bara witin sin ani kat bâra ba sin kaikisa.

Blasi Sturka 29:32

Lea kwihra tiwan bara ai luhpia waitna kum baikan, bara ai nina ba Ruben mâkan, kan witin naku win: “Yang sari bri kapri ba Dawan ai kaikan; bamna nanara mayi latwan ai kaikbia.”

Blasi Sturka 31:12

Bara witin bui yang ra ai win: ‘Aman pali kaiki bas bara man kaikma, daiwan wainhka nani sut mairin ra uli taibi ba, luhpia nani ba sut marsina, bulni, puputni atia baikisa, kan Labán man ra dîa mai munan ba sut yang kaikri bamna.

Blasi Sturka 31:42

Yang aisiki nani Ebraham Aisak wal Gâdka ba, yang wal apia kan kata kaka, kasak pali man kupiam wina lika yang na mihti bîla baman diara luha, naha wina ai swirka waia kapri. Sakuna Dawan lika yang kupi sarka lâka ba kaiki kan bamna, yang mihti warkka nani daukri ba sin, bahamna tihmia luan ra man ra lawi mai daukan.

2 Samuil 22:28

Bawikira nani ba man swaki sakisma, prautkira nani ba swira paskisma.

2 King Nani 13:4

Bamna Joacaz ba Dawan lamara ai pura sunan bara Dawan mita ai pura sunra ba walata, kan Israel luhpia nani kupia kriwan kan ba kaikan, Siria kingka ba bui taibi bri kan ba mita.

2 King Nani 20:5

“Yang upliki nani wihtka Ezequías ra tawi wih wis: ‘Dawan, man damikam Debit Gâdka ba naku wisa: Yang lika man puram sunra ba walri bara man namkra laya nani ba sin kaikri. Yang mai rakaisna, bara lapta yumhpa dimbia yua ra Dawan tempelka ra uli was.

Nihimaya 9:9

Baku sin wan damika nani Idsip ra pât bri kan ba kaikram, bara winanka Kabu Pauni lamara daukan ba sin walram.

Lawana Nani 106:44

Ban sakuna, baha nani trabil ra kan kaikan ba ra, witin baha nani inanka ba walan,

Lawana Nani 12:6

Dawan pramis aisin bîla nani ba sunu sa; ¡silbar tâski âpu pali ba purkara, silbar 7 taim kiskan ba baku!

Lawana Nani 142:3

yang spiritki pali dring swapan ba ra. Dawan, man lika yang yabalki sut ba kaikisma: Baha yabalka, yang wapisna bâk, witin nani bui yang ai alkaia taukisa.

Lawana Nani 145:19

Witin ra luki banhwi ba brinka kat, witin daukbia: witin nani wini yaba sin walbia, bara swaki sâkbia.

Lawana Nani 22:24

Umpira nani pât wahwi ba, witin bahki kulkras, tnayak sin lui waras; witin ba ai mawan yukukras witin nani ai sîa; ¡sakuna witin nani ai hilpka makaban ba walan!

Lawana Nani 34:4

Yang Dawan ra plikri, bara witin bui yang ra ai walan, bara pana yang ra aisin, yang sibrinki nani sut wina pri ai sakan.

Lawana Nani 34:6

Naha waitna umpira ba inan, bara Dawan bui witin ra walan, ai trabilka sut wina pri sakan.

Lawana Nani 35:22

¡Dawan, man naha sut kaikram! ¡Ai kaikras baku sâp kapara! ¡Laima wina kitwi takpara!

Lawana Nani 9:14

Bara baku yang, Jerusalem getka nani ra, tasba aiska ra wimna man mayunra briaia aitani sma, yang lilia pali sna swaki ai sakram bamna.

Impakan Sturka 1:11

Nanara Idsip uplika nani ba, wark nani pura kakaira mangkan, Israel luhpia nani ra yaka wark karna taki kaia dukiara. Witin nani ra munan tawan wâl paskan: Pitón bara Ramsés. Naha tawanka wâl na sika plun mâ nani apahki suni briaika pliska bri kan ba king fero mita mâkan ba, witin lika Idsip kingka ba.

Impakan Sturka 1:8

Sakuna kau naika piua ra Idsip tasbaya ra king raya kum aimakan. Witin Josep wal kakaira apia, ai tânka sin briras aihwa. Nanara witin ai uplika nani ra naku wisa:

Impakan Sturka 22:23

kan man nani bui witin nani ra saura munma kaka, bara witin nani bui yang ra ini hilp makabia kaka, yang lika witin nani tâwan aimakamna,

Impakan Sturka 33:13

Bara yang ra yamni ai kaikisma kaka, yang mamkabisna warkkam daukaia tânka brisma ba mairiks. Baku mika, yang bui man ra kasak lukamna, bara daira walamna man bui yang ra kasak lukisma ba. Bamna luki bas naha uplika nani na, man uplikam nani sa.

Impakan Sturka 5:10

Bara wark pura kakaira wihtka nani ba, dakni pura kakaira wihtka nani sin taki wan bara upla nani ra naku win: —King fero yang nani ra adar aikan sa, man nani ra kli twi lâwan nani bri si maikamna apia.

Impakan Sturka 5:6

Baha pali yua ra sin king fero mita wark pura kakaira wihtka nani ra, dakni pura kakaira wihtka nani ra sin adar yaban:

Aiseya 63:9

ai sarka nani sut tila wina. Witin mita bâk saki blikan, uplika mita swaki sakras; Dawan ba ai karnika ni swaki sakan. Witin mita pri sakan, ai latwanka lâka bara umpira kaikan lâka ba ai klahkla ra brih buki banhwan piu bani baku baman daukisa.

Kulki Kaikanka 20:16

Bamna yang nani Dawan ra makabri yabal kumi saki aikbia, bara witin wan inanka ba wali, insal kum blikan Idsip wina wan sakaia, bara baha mita sika yang nani nâra sna, Cadés tawanka ra man nani tasbayam piarkika ra.

Apastil Nani Sturka 7:34

Yang upliki nani Idsip ra pât wahwi ba kaikri, bara ai bîla saki ini ba sin walri, bamna yang bal iwri witin nani ba pri sakaia. Bamna bal, yang bui Idsip ra mai blikaisna.’

Hibru Nani 4:15

Bamna wan prîska tara ba mita yawan wan swapnika nani bri ba dukiara umpira wan kaikaia sip sa, kan witin pali sin yawan baku traika kaikanka sât sât brin, sakuna saurka lika daukras kan.

1 Samuil 9:16

“Yauhka, sim naha awarka, waitna kum man ra blikamna Benjamín tasbaya wina, man bui witin ba batana ni laikma, yang upliki Israel luhpia nani wihtka kaia, witin bui witin nani ba filisteo nani karnika ba wina dakbi sâkbia, yang sin upliki nani kupia lukra ba wal sna, ai inanka nani ba yang kat uli wan bamna.”