Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Impakan Sturka 3:6 - DAWAN BÎLA AISKA

6 Baha purkara win: —Yang na damikam nani Gâdka sni, Ebraham, Aisak bara Jekob Gâdka ba. Moses Gâd bîla baikra walan ba ra, Gâd mawan ingnika kat kaikaia sibrin daukan, bara witin ai mawan yukukan.

အခန်းကိုကြည့်ပါ။ ကော်ပီ




Impakan Sturka 3:6
42 ပူးပေါင်းရင်းမြစ်များ  

Bara yu kum Dawan mita Ebram ra maisa paki win: “Tasbayam wina, tamya nani tila wina bara aisikam watla wina sin taki was, tasba kum yang mamrikamna bahara wama.


Bara Dawan bahara Ebram ra latan takan, bara win: “Man kiamkam ra yang naha tasbaya na yabamni.” Bara Ebram baha kat altar kum paskan Dawan dukia, Dawan bui witin ra latan takan ba mayunra yabaia dukiara.


Bara Ebram ai mawan ra tasba kat prawan, bara Dawan bui witin ra kau ban aisi, win:


Bara witin mahka ai pura sunan: “Dawan, yang dawanki Ebraham Gâdka, man dauks naiwa diara sut yang wal yamni baman takaia. Dawanki ra man kupiam yamni lâka ba naiwa na mariks.


Bahara tihmia ra Dawan ba witin ra latan takan, bara win: “Yang sika man aisikam Ebraham Gâdka, man si bripara, kan yang lika man wal sna, yang naipakan Ebraham dukiara luki yamniki maikamni bara kiamkam sin ailal daukamni.”


Bara Jekob kaikan Dawan ai lamara bûi kan bara witin ra aisi kan: “Yang sika Dawan, damikam Ebraham Gâdka ba, Aisak Gâdka sin. Naha tasbaya man nâra yapisma na tasbaya man ra maikamni, man kiamkam nani ra sin.


Witin sibrin daukan bara lukan: “Naha tasbaya na holi pali sa Gâd watla ba nâra sa; ¡naha na lika kasbrika pura durka!”


Yang aisiki nani Ebraham Aisak wal Gâdka ba, yang wal apia kan kata kaka, kasak pali man kupiam wina lika yang na mihti bîla baman diara luha, naha wina ai swirka waia kapri. Sakuna Dawan lika yang kupi sarka lâka ba kaiki kan bamna, yang mihti warkka nani daukri ba sin, bahamna tihmia luan ra man ra lawi mai daukan.


Bara baha luki Jekob mahka ai pura sunan: “Gâd, damiki Ebraham, aisiki Aisak Gâdka, man ai wiram yang taiya nani tilara, tasbayi ra kli tawi wamna kaka man mita daukma yabalki ra diara nani sut yamni man takaia.


Mahka wîna aiska angkaia piua aimakan ba ra, prapit Ilayas bui altar ba lamara balan bara win: “Ebraham, Aisak bara Jekob Dawan Gâdka, naiwa yua latan mariks man ba Israel Gâdka sma ba, bara yang na man dukiam dadaukra sna ba sin, man ai wiram ba mita yang naha diara nani sut na daukisna.


Ilayas baha walan ba ra, ai kwalka ni ai mawan prakan; bara taki wih tasba unta pura ba kat buan, bara bîla baikra kum witin ra bal win: “Ilayas, ¿man nahara dîa daukisma ki?”


Baku sin wan damika nani Idsip ra pât bri kan ba kaikram, bara winanka Kabu Pauni lamara daukan ba sin walram.


Bara naha dukiara yu bani ra makabi wali kan Mardoqueo ra, sakuna witin ba walras baku ban tauki kan. Bara Amán ra dahra sakan, kapu Mardoqueo ba dîa win ba kat ai lukanka ba lakras kabia sapa, baha purkara sin, witin Ju uplika ba pat param takan kata.


witin bui Dawan ra swer aisi bapi bûi kaia win ba:


Laiwana ba Dawan ra yabisna, witin lika yang karniki bara swaki ai sasakra sin ba. Witin ba yang Gâdki, yang bui witin ai nina mayunaia sna; witin ba aisiki nani Gâdka, yang bui witin ba purara bukaia sna.


Bara yang lika Israel luhpia nani tilara iwamna, bara yang lika witin ai Gâdka kamna.


Man was, Israel luhpia nani tâ uplika nani ba sut asla dauks bara witin nani ra wis: ‘Dawan ba, man nani damikam nani sut Gâdka ba, Ebraham, Aisak bara Jekob sut Gâdka ba, yang ra latan takan bara ai win witin lika man nani trabilkam tara ba sut kaikisa, Idsip uplika nani mita nahki saura mai muni ba.


Sakuna param mai wisna, yang maiwan sip kaikma apia. Kan upla kum yang ai kaikbia ba, sip raya ban kabia apia.


—Naha ni witin nani kasak mai lukaia sa, Dawan ba man ra latan takan, damikam nani Gâdka, Ebraham, Aisak bara Jekob Gâdka ba.


Yang bui witin nani ra diara tânka kaikaia yabamna, bara witin nani ai kaikbia yang sika Dawan sna ba, bara witin nani upliki nani kabia, yang sin witin nani ai Gâdka kamna, kan witin nani ai kupia aiska yang ra kli tawi balbia bamna.


Naha lâka sika yang daukamna ba Israel wal baha yua ra: Yang lâika witin nani kupia ra mangkamni, bara sinska ra ulbri kabia. Yang ai Gâdka kamna bara witin nani ba yang upliki kabia. Yang, Dawan, kasak aisisna.


Witin nani ba yang upliki nani kabia, yang sin witin nani ai Gâdka kamna.


Baha ningkara witin nani ba yang lâika bara adarki nani daukri ba kat iwbia, bara witin nani mahka alki daukbia. Witin nani ba yang upliki kabia bara yang lika witin nani ai Gâdka kamna.


bara Jerusalem kat brih wamna bahara iwbia wisi. Baku ba ra witin nani ba yang upliki kabia, bara yang lika ai Gâdka kamna, kasakka lâka ra bara lâ wapni daukaia lâka ra sin.”


Disaipil nani baha walan ba ra, tasba kat ai mawan ra kauhan bara sibrin sin takan.


‘Yang sika Ebraham, Aisak bara Jekob Gâdka.’ ¡Bara Gâd ba pruan nani Gâdka apia sa, sakuna raya nani Gâdka sa!


Sakuna pruan nani buaia ba dukiara, ¿man nani Moses wauhkataya ra aisi kaikram ki, nahki witin ra kiaya dusa klauhi kan wina aisin ba baku? Witin ra naku win: ‘Yang sika Ebraham, Aisak, Jekob Gâdka.’


Pruan wina kli buaia dukiara, Moses pali mita sin kiaya dusa sturka ba ni latan wan marikan sa. Bahara wan wisa, nahki Dawan Gâd ba Ebraham, Aisak bara Jekob Gâdka sa.


Baku bamna, Pita naha kaikan ba ra, Jisas mawanra ai lula kriki, naku win: —¡Yang wina taks, Dawan, yang na upla kum saura sna bamna!


‘Yang ra sika man damikam nani Gâdkam ba, Ebraham, Aisak, Jekob Gâdka sin.’ Bara Moses lika sibrin mita tatatwi kan, sip sin tawi kaikras kan.


Yang upliki nani Idsip ra pât wahwi ba kaikri, bara ai bîla saki ini ba sin walri, bamna yang bal iwri witin nani ba pri sakaia. Bamna bal, yang bui Idsip ra mai blikaisna.’


Baku bamna, Israel luhpia nani, trai kaiks bara baku lika yamni wama bara upla ailal takma, baha tasbaya nasma bara tialka laya lî baku aubi ba, almukkam nani ra Dawan Gâdkam pramis munan ba.


Sakuna witin nani kuntri kau pain kum brin dauki kan, baha tânka ba lika, kasbrika purara kuntrika ba. Baha mita, baha nani mita witin nani Gâdka mâki ba ra, Gâd ba ai swira lukras, kan witin ba baha nani tawanka kum ridi dauki brisa.


Diara kaikan ba ban sibrinkira kata, bara Moses pali naku aisisata: “Yang sibrin mita tatatwisna.”


Yang bui witin ba kaikri ba ra, ai mina kat pruan baku kauhri. Sakuna witin mita ai mihta aihkika ba purira kahbi, ai win: “Si bripara; yang sika tâ bara lâs.


bara Manoa ai maya ra win: —Nanara lika yawan prubia, kan yawan wan nakra ni Dawan ba kaikan bamna.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ