Impakan Sturka 3:19 - DAWAN BÎLA AISKA

¹⁹ Ban sakuna, yang kaikisna Idsip kingka ba mai swika taki wama apia, taibi munras kabia kaka.

Impakan Sturka 3:19 ပူးပေါင်းရင်းမြစ်များ

Impakan Sturka 10:20

Ban sakuna, Dawan mita munan king fero kau kiama karna takan upla bîla walras pali, bara Israel luhpia nani ba swin taki waras kan.

Impakan Sturka 11:10

Bamna Moses bara Eran wal naha warkka aihkakira nani sut pali king fero mawanra daukan, sakuna Dawan aisin ba baku, witin bui Israel luhpia nani ba swin taki waras kan Idsip wina.

Impakan Sturka 11:9

Baha ningkara, Dawan mita Moses ra win: —King fero lika man nani bîlam walbia apia, baha mita yang warkki aihkakira nani ba kau ailal daukamna Idsip tasbaya ra.

Impakan Sturka 13:15

King fero ai kupia karna dauki, yang nani ba ai swika taki waia apia dauki kan, bara Dawan mita witin nani bani, luhpia tawahkia nani ba ikan. Baku sin ai daiwra luhpia wainhka tawahkia nani ba sin ikan; bahamna sika yang nani wan daiwra nani luhpia tawahkia wainhka nani bani ba ni Dawan ra yabisna; bara wan luhpia waitna tawahkia nani ba pura mana ba lika Dawan ra prisant kum yabi atki saki banhwisna.

Impakan Sturka 4:21

Baha ningkara, Dawan bui Moses ra win: —Man Idsip ra wama ba ra, kasak damra wals, king fero mawanra wark aihkakira nani daukaia karnika maikri ba sut pali daukaia. Yang tani lika, yang munamna king fero kupia ba kau karna taki kaia, bara Israel luhpia nani ba swika taki wabia apia.

Impakan Sturka 5:2

Sakuna king fero aisi pana win: —¿Bara ‘Dawan ba’ yamna? ¿Bara dîa muni yang bui witin ai bîla wali Israel luhpia nani ba swirka taki wabia? Baha purkara, yang sin Dawan ba kakaira apia. Bamna Israel luhpia nani ba swirka taki wabia apia.

Impakan Sturka 6:1

Bara Dawan pana witin ra win: —Nanara man kaikma king fero wal yang dîa daukamna ba, yang bui witin ra taibi munrika ai tasbaya wina upliki nani ba swika taki wabia; bara kau ni, witin mita uplika nani ba kangbi sâkbia.

Impakan Sturka 8:28

Bara king fero bila: —Yang mai swirka wama, upla iwras tasbaya ra, Dawankam Gâd ra sakripais dauki yabaia, sakuna pramis ai munma kaka, man nani uya laihura waia apia, bara yang dukira sin puram sunaia.

Impakan Sturka 9:35

King fero ai kupia karna brih bara Israel luhpia nani ba swin taki waras, Dawan mita Moses ra pat win kan ba baku, king ba Israel luhpia nani ba swika taki wabia apia.

Impakan Sturka 9:7

King fero upla blikan wan Israel luhpia nani daiwra nani kaikaia. Bara kaikan baha nani kumi sin pruras kan. Ban sakuna, witin ban kau ai kupia karna daukan, Israel luhpia nani ba swin taki waras kan.