Impakan Sturka 3:18 - DAWAN BÎLA AISKA

¹⁸ Tâ uplika nani bîlam walbia; bara man lika witin nani aikuki Idsip kingka ra mawanra wama, bara wima: ‘Dawan, Hibru nani Gâdka ba yang nani ra bal takan sa. Bamna aik yang nani yu yumhpa upla iwras tasbaya ra wapamna, bahara yang nani Dawan wan Gâdka ra sakripais dauki yaia.’

Impakan Sturka 3:18 ပူးပေါင်းရင်းမြစ်များ

Blasi Sturka 12:1

Bara yu kum Dawan mita Ebram ra maisa paki win: “Tasbayam wina, tamya nani tila wina bara aisikam watla wina sin taki was, tasba kum yang mamrikamna bahara wama.

Blasi Sturka 14:13

Sakuna waitna kumi baman tila ba wina plapi swak takan. Bara witin balan bara Ebram Hibru waitnika ra sturka ba sut win. Witin amorreo usupum untika ra ai uplika nani Mamré, amorreo ba, Escol muihnika wala Aner nani aikuki bahara iwi kan.

Blasi Sturka 15:1

Naha diara nani sut ba ningkara Dawan bîla ba Ebram ra balan, bara diara aihka kaikan ra witin ra win: —Ebram, man si bripara, kan yang sika pât tara nani wina man kainam kakahbra sna ba. Man mamna ba sin tara pali kabia.

Blasi Sturka 17:1

Ebram 99 mani bri kan, Dawan ba witin ra bal taki, sturi aisin: —Yang sika Dawan, karnika sut brisna ba; rayakam ba yang maiwanra sunu iwi bas.

Blasi Sturka 48:3

Bara witin Josep ra win: —Gâd karnika sut bri ba, Luz tawanka tara Kenan tasbaya ra bahara yang ra latan takan bara ai yamnika aikan,

2 Kronikas 30:12

Gâd sin upla nani ba nikban Juda wina king adarka ba kat daukaia, bara wihta nani win ba kat sin, baku Dawan blikan ba kat.

Lawana Nani 110:3

Uplikam nani ba man ra maikisa man pura luma yua ba. Il holi nani ba purara, lalma kahbi kan diwas laya iwi ba baku, yu bani kau wahma taki kama.

Impakan Sturka 10:3

Moses bara Eran wal king fero kaikaia wan, bara witin ra win: —Dawan Hibru nani Gâdka ba naku wisa: ‘¿Man ahkia kat yang ra ban ai wi kaisma, yang bui man ra bawaia apia? Upliki nani ba swis taki wabia bara yang ra nini mayunbia.

Impakan Sturka 17:5

Bara Dawan bui Moses ra pana aisin: —Israel luhpia nani ba tila wina, almuk nani ba mâ wâl wini bris bara witin nani aikuki upla nani tâura waps. Awala laya ra prukatma dusa ba sin brih was.

Impakan Sturka 19:1

Israel luhpia nani ba Idsip wina takan bara kati yumhpa aimakan, yua pas ba Sainai, upla iwras tasbaya ra wan.

Impakan Sturka 25:22

Baha wina man nani wal yang aisamni, pura bikaika purara, insal nani wâl ba lilapaska ba wina, lâ nani auhbi watla ba wina, yang bui man nani ra mai wi kamni, yang dîa Israel luhpia nani ra wiaia brisna ba.

Impakan Sturka 3:12

Bara Gâd pana aisi, win: —Yang lika man wal kamni, upliki nani ba sut Idsip wina brih sakram kabia ba piua ra, man nani sut baha ilka kat bal yang ra mayunra aiki kama. Baha ba yang pali mita mai blikri ba tukinka kum kabia.

Impakan Sturka 3:16

Man was, Israel luhpia nani tâ uplika nani ba sut asla dauks bara witin nani ra wis: ‘Dawan ba, man nani damikam nani sut Gâdka ba, Ebraham, Aisak bara Jekob sut Gâdka ba, yang ra latan takan bara ai win witin lika man nani trabilkam tara ba sut kaikisa, Idsip uplika nani mita nahki saura mai muni ba.

Impakan Sturka 30:36

Baha wina wirâ bris, bara akbi sitni pali daukma, ningkara lâ nani auhbaika watla ba tani ra swima. Tint watla ra, yang maiwanra, upla nani yang prawaia ulaika lamara, naha kîa pain angkaia dukia na kanra sunu kulkan kabia.

Impakan Sturka 30:6

Bara altarka ba bri si, lâ nani auhbaika watla ba mawanra kwala paman ba kat bri si swibia, man nani yawan wal prawaia pliska ba kat.

Impakan Sturka 4:1

Moses kli pana aisin: —Ban sakuna, Israel luhpia nani ba yang ra kasak lukras ai walras kabia kaka, kli maipara aisabia: ‘Dawan lika man ra latan takras ai wibia kaka.’

Impakan Sturka 4:23

Bara yang pat mai wîri luhpi ba swis taki wabia, bara witin nani bui yang ra maiyuni warkki daukbia; ban sakuna, man bui witin ba swirka taki waia apia lukisma bamna, yang bui man luhpiam waitna tamwahkia ba ikaisna.’

Impakan Sturka 4:24

Bara Moses yabal ra auya kan ba ra, yapaia pliska kum ra takaskan, ai maya ai luhpia nani sin aikuki tihmia bahara luaia, bara Dawan ba Moses ra bal takan bara Moses ra ikaia munan.

Impakan Sturka 4:31

Bara upla nani ba sut kasak lukan, baku bamna witin nani sin ai dara walata Dawan ba witin nani ai inanka ba walan, bara sut ai pura suni mayunan.

Impakan Sturka 5:1

Baha ningkara Moses ba Eran wal king fero mawanra wan wiaia: —Dawan, Israel luhpia nani Gâdka ba, naku aisata: ‘Upliki nani ba swis upla iwras tasbaya ra taki wabia, bahara yang nini yamni kulkaia maiyunaia dukiara lilia tara daukbia.’

Impakan Sturka 5:3

Bamna witin nani kli king fero ra win: —Hibru nani Gâdka ba yang nani ra param takan; bamna aikrika yang nani taki wapamna yu yumhpa wapaia upla iwras tasbaya ra, bahara Dawan yang nani Gâdki ra sakripais dauki yabamna, baha apia kaka siknis saura nani ni bara sord ni sin yang nani sut ai ikbia.

Impakan Sturka 7:16

Bahara man bui witin ra wima: ‘Dawan Hibru nani Gâdka ba ai blikan mai wiaia: Upliki nani ba swis taki wabia, upla iwras tasbaya ra yang ra mayunra aikaia. Ban sakuna, nanara kat man kau ban kupiam karna, sip sturi walras sma.

Impakan Sturka 8:1

Dawan bui Moses ra win: —Man king fero ba wih kaiks bara witin ra wis: ‘Dawan ba naku wisa: Swis yang upliki nani ba taki wabia bara yang nini mayunbia.

Impakan Sturka 8:20

Dawan bui Moses ra win: —Yauhka titan king ba awala ra auya, bahamna man sin titan pali bûi awala ra was, bara witin ra wis: ‘Dawan wisa: Upliki nani ba swis wabia, witin nani ba yang ra ai pura suni maiyunbia.

Impakan Sturka 8:23

Yang upliki nani ba, man uplikam nani ba wina sât aihka sakamna. Bara yauhka pali yang baku daukamna.’

Impakan Sturka 9:1

Bamna Dawan bui Moses ra win: —King fero ra was bara wis: ‘Dawan Hibru nani Gâdka ba, naku wisa: Upliki nani ba swis taki wabia, bara yang nini mayunbia.

Impakan Sturka 9:13

Bamna Dawan bui Moses ra win: —Bus yauhka titan pali bara king fero mawanra was, bara witin ra wis: ‘Dawan Hibru nani Gâdka ba naku wisa: Upliki nani ba swis wabia bara yang nini mayunbia.

Aiseya 64:5

Man brisma yaura yamni ba daukaia, lilia lâka ni; bara kupiam krawisa piua ra man dîa daukaia want sma ba kat daukisma. Man kupiam baikram kan, yang nani mampara saura daukri bamna; baha saurka lâka ra yang nani piua wihka iwri.

Jirimaya 2:2

“Jerusalem tawanka tara ra was bara aisas; wini karna aisas witin nani pain walbia: ‘¡Dawan naku aisisa! Kupi krawisa man tiara katma piua ba, mayi mai briri bara man wapni kapram, latwan ai kaiki katma bara upla iwras tasbaya bâk nini blikram, baha tasbaya ra diara pâwaia mangkras kan ba.’

Jirimaya 2:6

Witin nani lika yang ai plikaia trabil taki lukras kan, Idsip wina yang bui witin nani sakri ba, upla iwras tasbaya bâk tapahki ba, tasba lâwan albangka nani bâk luan ba, lî âpu tasbaya bâk, pât nani pali man taukan ba, upla sin bahara iwras, bahara sin impakras yabalka ra taukan ba sut.

Jirimaya 26:5

prapit nani witin nani kupia krauki smalki ba, kum blikuna kli wala blikisna ba, baha nani bîla witin nani wali daukras ba,

Kulki Kaikanka 17:4

Baha nani Dawan wal aisaia tintka watla ra bri si swima, lâ auhban bakska ba lamara, baha sika yang bâra man nani wal aisi kaia sna ba.

Jasua 1:17

Bîlam wali dauki kamna, yang nani bui Moses bîla wali dauki kapri baku. Diara kumi baman brin wan daukisa, mamkabisna Dawan Gâdkam ba man wal kabia, Moses lamara ban kan ba baku.