Impakan Sturka 3:17 - DAWAN BÎLA AISKA17 Baku sin ai win: Man nani Idsip ra pât wahwisma ba wina witin mita pri mai sakaia sa, bara tasba wala ra mai brih waia sa, Kenan uplika nani, hitita nani, amorreo nani, ferezeo nani, heveo nani bara Jebús uplika nani iwi ba tasbaya ra, bahara tiala laya bara nasma wal laiwi baku ba.’ အခန်းကိုကြည့်ပါ။ |
bamna naha katka ra man nani baha yua liliaka ba dauki kaia sma. Dawan mita baha tasbaya ra mai bri wabia, bahara tialka laya bara nasma wal lî laiwi baku ba. Baha tasbaya ra sika Kenan uplika nani, hitita nani, amorreo nani, heveo nani bara Jebús uplika nani iwi ba. Damikam nani ra pat win kan, baha ba man nani ra maikaia.
Israel luhpia nani ba upla iwras tasbaya bâk 40 mani watauki kan bamna, war aiklabaia manka bri kan waitnika nani ba sut pruan. Baha waitnika nani ba Dawan lâ daukan bîla ba wali daukras kan, baha mita Dawan bui witin nani ra swer taki win, tasba ai damika nani ra yabaia win ba tasbaya ra baha nani dimbia apia; baha tasbaya ra sika tialka laya bara nasma laya lî laiwi baku laiwisa.
Hitita nani, amorreo nani, Kenan uplika nani, ferezeo nani, heveo nani bara Jebús uplika nani kingka nani ba, diara nani taki luan sturka ba walan. Baha kingka nani ba Jordan awala muna tani ra, il nani tilara, twi langnika ra bara Mediterráneo kabuka lamara iwi tasbaya aiska ra bâra ban Líbano tasbaya nani sut ra iwi kan.