Impakan Sturka 3:15 - DAWAN BÎLA AISKA

¹⁵ Baha purkara, Gâd sin Moses ra win: —Israel luhpia nani ra wis: ‘Dawan ba man nani damikam nani sut Gâdka ba, Ebraham, Aisak bara Jekob Gâdka ba mita ai blikan sa man nani ra.’ Naha sika yang nini ban kaia ra ba. Naha nina ba wal upla kiamka nani taki ba tilara yang ra luki kabia.

Impakan Sturka 3:15 ပူးပေါင်းရင်းမြစ်များ

Blasi Sturka 24:12

Bara witin mahka ai pura sunan: “Dawan, yang dawanki Ebraham Gâdka, man dauks naiwa diara sut yang wal yamni baman takaia. Dawanki ra man kupiam yamni lâka ba naiwa na mariks.

1 Kronikas 16:16

Ebraham wal lâ daukan ba, Aisak wal aisi daukan ba,

1 Kronikas 29:18

Dawan, almukki nani Ebraham, Aisak bara Israel Gâdka, naha man uplikam nani ai kupia wilinkira lâka bri ba ban kaia ra bris, bara yarka ai kupia ba man kat wapi kabia.

2 Kronikas 28:9

Bahara Dawan dahra aisasarika kum bâra kan nina Obed, bara war wina aula nani ba wal prawaia taki wan, Sameria ra dimaia auya kan ba ra witin nani ra win: —Dawan, man nani damikam Dawanka ba, Juda wal ai kupia sauhkan, baha mita baha nani ba man nani mihtam ra mangkan. Sakuna man nani bui kupiam baiwanka saura karna uya iki tikram bara saurkam ba kasbrika purara ba Dawan kat wan.

Lawana Nani 102:12

Sakuna man, Dawan, ban kaia ra king aimakisma, ¡man ninam ba ban kaia ra luki bri kabia!

Lawana Nani 102:13

Man bus bara Saion ra umpira kaiks, piua ba aimakan sa; saurka swi tikaia yua ba pat aimakan sa.

Lawana Nani 135:13

Dawan, man ninam ban kaia ra bâra sa, Dawan, man tânkam ba, upla ai kupia krauki kabia ban kaia ra.

Lawana Nani 30:4

Man nani, Dawan uplika kasakkira nani, ¡Dawan ra lawana nani aiwans! ¡Ai nina holikira ba, man nani mayuns!

Lawana Nani 30:5

Dawan ai lawanka ba tisku lap tiwuya, witin yawan ra yamni luki ba lika, wan rayaka yua sut ra ban kaia ra ban sa, tihmia ra yawan inisa kaka, titan ra yawan pat lilia brisa.

Lawana Nani 68:5

Gâd ai tempelka holi ra iwi ba, witin sika rau nani aisika ba, bara sin piarka nani ra tâ babaikra ba;

Lawana Nani 72:17

¡King nina ba ban kaia ra ban bâra kabia! ¡Ai sturka ba wan yu ingnika baku kabia! Nisan nani sut tasba aiska ra ba witin wina yamnika bribia. Bara nisan nani sut ba wibia lilia pali sa.

Lawana Nani 72:19

yamni pali win kabia ai nina pranakira ba. ¡Tasba aiska ba prana ni banhbia! ¡Baku kabia!

Impakan Sturka 15:2

Laiwana ba Dawan ra yabisna, witin lika yang karniki bara swaki ai sasakra sin ba. Witin ba yang Gâdki, yang bui witin ai nina mayunaia sna; witin ba aisiki nani Gâdka, yang bui witin ba purara bukaia sna.

Impakan Sturka 15:3

Dawan ba war aiklaklabra tara sa; bara ai nina ba sin Dawan sa.

Impakan Sturka 3:13

Sakuna Moses kli pana aisi, win: —Trabilka ba sika, Israel luhpia nani ra yang wamna bara wimna: ‘Man nani damikam nani wan kanra lui wan ba Gâdka ba mita ai blikan wimna piua ra’, witin nani bui yang ra makabi walbia: ‘¿Witin nina ba dîa?’ ¿Bara yang bui witin nani ra dîa wimna?

Impakan Sturka 3:6

Baha purkara win: —Yang na damikam nani Gâdka sni, Ebraham, Aisak bara Jekob Gâdka ba. Moses Gâd bîla baikra walan ba ra, Gâd mawan ingnika kat kaikaia sibrin daukan, bara witin ai mawan yukukan.

Impakan Sturka 4:1

Moses kli pana aisin: —Ban sakuna, Israel luhpia nani ba yang ra kasak lukras ai walras kabia kaka, kli maipara aisabia: ‘Dawan lika man ra latan takras ai wibia kaka.’

Impakan Sturka 4:5

—Naha ni witin nani kasak mai lukaia sa, Dawan ba man ra latan takan, damikam nani Gâdka, Ebraham, Aisak bara Jekob Gâdka ba.

Impakan Sturka 6:2

Dawan Gâd ba Moses kat aisi, win: —Yang sika DAWAN.

Sins Lâka 18:10

Dawan nina ba tawer kum karnakira sa; upla kasakkira bahara plapi dimisa, ai kan kahbaika pliki brisa.

Aiseya 26:8

Dawan, man lâ daukisma ba yabalka ra, yang nani bîlam kaikri: man ninam ra wan kupia kraukaia lâka ba briaia, baha baman sika yang nani sulki brinka pali ba.

Aiseya 42:8

Yang sika Dawan, baha ba yang nini sa, bara yang praina ba upla wala ra yabamna apia. Bara aidul nani ra sin sip mayunras yang sirki ra.

Aiseya 63:12

¿Witin ai karnika pranakira ba Moses wal waia daukan ba, witin Kabu Pauni laya ba aihka baiki sakata ba ai uplika nani mawanra, baku dauki witin ai nina mayunra prana ban kaia ra ba alkan kaia,

Aiseya 9:6

Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

Jirimaya 33:2

“Yang, Dawan, tasba na yang paskri, tasba takan bara watlika ra dutki mangki swiri bâra ba mai wisna:

Daniel 2:23

Aisiki nani Gâdka sma ba, man ra tingki mai wisni bara mamyunisna, kan man mita sinskira karnakira ai daukram bamna; bara yang nani mamkabri ba tânka nanara mairikram: king kupia turban kata ba tânka, yang nani ra mairikram.”

Oseas 12:5

¡Dawan, Gâd karnika sut bri ba: witin ai nina sika Dawan!

Oseas 12:6

Baku bamna, Israel, Gâdkam ra kli tawi bal; kunin âpu wapni lâka ra diara dauks, bara piu sut Gâdkam ra baman kasak luki bas.

Miqueas 4:5

Upla kiamka wala nani ba sut, ai gâdka nani lilka paski, baha nani bîla wali daukisa, ban sakuna, yawan lika wan Dawan, wan Papaskra ba, bîla wali dauki kabia ban kaia ra.

Malaquía 3:6

“Yang sika Dawan. Yang aihka takras. Baha mita Jekob kiamka man nani ba âpu mai daukras sa.

Matiu 22:32

‘Yang sika Ebraham, Aisak bara Jekob Gâdka.’ ¡Bara Gâd ba pruan nani Gâdka apia sa, sakuna raya nani Gâdka sa!

Apastil Nani Sturka 3:13

Apia, sakuna Ebraham, Aisak, Jekob bara wan damika nani sut Gâdka mita ai Luhpia Jisas ba purara pali buki prana daukan, baha sim Jisaska ra sika man nani mita wihta nani mihta ra mangkatma ba, bara Pailat pri sakaia win ba ra, man nani apia wisatma ba.

Apastil Nani Sturka 7:32

‘Yang ra sika man damikam nani Gâdkam ba, Ebraham, Aisak, Jekob Gâdka sin.’ Bara Moses lika sibrin mita tatatwi kan, sip sin tawi kaikras kan.

Kli Smalkanka 1:11

Damikam nani Dawanka, Gâd mita man nani ra aima tausin ailal ai yamnika nani kau maikbia, bara kau ailal sahwi kama, witin bui man nani ra mai win ba baku.

Kli Smalkanka 1:35

‘Naha kiamka saura tila wina, upla kumi sin ai damika nani ra yabaia wîri ba tasbaya ba kaikbia apia.

Kli Smalkanka 4:1

“Israel luhpia nani, nanara wals lâ nani mai smalkatna ba. Bara trai kaiks, kuntrika ba yus munaia, man nani damikam ra win Dawan Gâdkam wina maikaia win ba.

Hibru Nani 11:16

Sakuna witin nani kuntri kau pain kum brin dauki kan, baha tânka ba lika, kasbrika purara kuntrika ba. Baha mita, baha nani mita witin nani Gâdka mâki ba ra, Gâd ba ai swira lukras, kan witin ba baha nani tawanka kum ridi dauki brisa.

Hibru Nani 13:8

Jisas Kraist ba lika sim ban sa, nahwala, naiwa bara ban kaia ra.