Impakan Sturka 3:12 - DAWAN BÎLA AISKA

¹² Bara Gâd pana aisi, win: —Yang lika man wal kamni, upliki nani ba sut Idsip wina brih sakram kabia ba piua ra, man nani sut baha ilka kat bal yang ra mayunra aiki kama. Baha ba yang pali mita mai blikri ba tukinka kum kabia.

Impakan Sturka 3:12 ပူးပေါင်းရင်းမြစ်များ

Blasi Sturka 15:1

Naha diara nani sut ba ningkara Dawan bîla ba Ebram ra balan, bara diara aihka kaikan ra witin ra win: —Ebram, man si bripara, kan yang sika pât tara nani wina man kainam kakahbra sna ba. Man mamna ba sin tara pali kabia.

Blasi Sturka 15:8

Sakuna Ebram pana aisi, naku win: —Dawan Gâd, ¿yang diaura kaiki kasak daira walamna tasbaya na yang prapatiki aikuma ba?

Blasi Sturka 26:3

Nanara man ban tasbayam iwisma ba ra ban iwi bas; yang lika man wal kamna, yamniki maikamna, man kiamkam nani ra bara baku sin naha tasbaya nani sut ra yabamna; man aisikam ra pramis munatna ba pramiska kat daukamni.

Blasi Sturka 31:3

Bara Dawan bui Jekob ra win: “Man aisikam nani tasbaya ra kli tawi was, tamya nani bâra ba tilara, bara yang lika man wal wamna.”

2 King Nani 19:29

Bara Aiseya bui Ezequías ra win: “Naha ba sain kum takaia ba tukinka kabia: naha mani na bara mani wala aula ba, man nani plawar mâ nani ban wina pâwi ba wina pima, bara mani yumhpika ba alkbia piua ra mangki dâki banhma; bara wain nani sin mangki saki, baha wina mâ nani pima.

1 Kronikas 9:20

Baha kainara, Finees, Eleazar luhpia ba, kaina piua ra witin nani tâ uplika kan. ¡Dawan ba witin wal kabia si!

Lawana Nani 86:17

Lukankam pain ba mairiks yang kaikamni, bara baha nani misbara ai kaiki, ba kaiki ai swira takbia. ¡Kan man, Dawan, hilp ai muni bara maisi nihkra aikisma ba!

Impakan Sturka 18:5

Moses lika upla iwras tasbaya ra ai tintka mâkan kata, Gâd ilka ba lamara. Bara Jetró lika Moses maya mairin ba bara luhpia nani ba aikuki bahara taki wan, witin ba kaikaia.

Impakan Sturka 3:1

Moses ai dapna Jetró, Madián prîska ba sîpka nani ba main kaiki kan. Yu kum upla iwras tasbaya bâk lui, witin ban Gâd ilka Horeb kat wan.

Impakan Sturka 3:13

Sakuna Moses kli pana aisi, win: —Trabilka ba sika, Israel luhpia nani ra yang wamna bara wimna: ‘Man nani damikam nani wan kanra lui wan ba Gâdka ba mita ai blikan wimna piua ra’, witin nani bui yang ra makabi walbia: ‘¿Witin nina ba dîa?’ ¿Bara yang bui witin nani ra dîa wimna?

Impakan Sturka 33:14

Dawan pana witin ra win: —Man wal yang wamna ba ra, maikrika ris brima.

Impakan Sturka 4:12

Bamna was, yang lika man wal kamna aisisma piua ra, bara mai smalkamna dîa aisaia sma ba sin.

Impakan Sturka 4:15

Witin wal aisas, man dîa aisaia brisma ba sut witin ra pain wis, yang lika witin wal bara man wal sin kamna, witin wal sin aisi banhwisma piua ra, bara dîa daukaia sma ba sut yang mai smalki kamna.

Impakan Sturka 8:27

Bamna yang nani yu yumhpa upla iwras tasbaya ra wapaia sna, bahara Dawanki Gâd ra sakripais dauki yabaia, witin mita yang nani ra ai win ba baku.

Aiseya 37:30

Bara Aiseya, Ezequías wal ra win: “Naha ba sain kum takaia kabia: Naha mani na bara mani wala ba wal plawar mâ nani ban wina pâwbia, bara baha wina man pima, bara mani yumhpika ba lika mangki dâkma, bara wain nani sin mangki saki, baha wina mâ nani pima.

Aiseya 41:10

Si bripara, kan yang lika man wal sna; dring prupara, kan yang lika man Gâdkam sna. Karna mai daukisna, piua bani hilp mai munamna. Piu bani tâm baikamna mihti aihkika pura luan lâka bri ba wal.

Aiseya 43:2

Man lî nani bâk lui wama ba ra, yang sin man wal bâra kamna, bara awala nani luma kaka, lî dih pruma apia. Pauta klauhan lama bâk luma sin, mai angkbia apia, pauta lakni ba sin mai ambia apia.

Aiseya 7:14

Bahamna Dawan witin bui, man nani ra sain kum mamrikbia: Kaiks tiara ba kwihra sa, bara ai luhpia waitna kum sâkbia, bara ai nina ba Imaniuel mâkan kabia.

Jirimaya 1:8

Man upla kum ra sin sîa briaia apia sma, kan yang lika man wal kamna kainam sunaia. Yang, Dawankam, aisisna.”

Kulki Kaikanka 16:28

Bara Moses kau ban aisi, win: —Naha diara nani daukma na wal, mamrikan ai daukisa, Dawan mita ai blikan sa, naha warkka na daukaia, yang brinki kat diara daukras sna ba tânka.

Kulki Kaikanka 23:21

Israel luhpia nani tilara kunin aisi watawi dauki uplika ba âpu sa, Jekob uplika nani ba. Ai Dawanka ai Gâdka ba witin nani wal sa, bara witin nani bui witin ra winisa ai kingka ra baku.

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

Mark 16:20

Bamna disaipil nani mahka taki, sturi yamni ba plis sut ra aisi smalkan. Dawan sin witin nani ra hilp muni kan, bara ai smalkanka, sain nani taki ba mita, tâ baiki kan.]

Apastil Nani Sturka 11:21

Dawan karnika ba witin nani purara kan, bamna upla manis ai lukanka almuk nani ba swi si, Dawan ra ni kasak lukan.

Apastil Nani Sturka 7:7

Ban sakuna, Gâd naha sin win: ‘Baha nisanka alba bribia ba yang mita lâka daukamna; ningkara witin nani baha wina takbia, bara naha pliska ra bal yang duki daukbia.’

Roman 8:31

¿Dîa kau yang nani wiaia sna ki? Gâd ba yawan wal sa kaka, ¿ya wan mapara buaia sip kabia ki?

Kli Smalkanka 31:23

Jasua, Nun luhpia ra lika, naha adarka yaban: “Kupiam karna bri bapi bûi bas. Kan man sika Israel luhpia nani tâ brih waia sma kuntrika yabaia wîri ba ra, yang lika man tnamya ra kamna.”

Hibru Nani 13:5

Man nani lalah ra latwan kaikpara; man nani dîa brisma ba wal liliam bas, kan Gâd mita naku aisisata: “Yang sip ban mai swimna apia, mahka lulki sin mai swimna apia.”

Jasua 1:5

Rayakam yua nani sut ra upla kumi sin man nani wal aiklabi, puram lui mai batakbia apia; yang lika man nani wal kamna, Moses wal kapri ba baku, lamamra ban kamna bara lulki mai swimna apia ban kaia ra.

Wihta Nani 6:12

Dawan insalka ba witin ra param taki aisin: —¡Waitna karna, sibrinkas waitna, Dawan ba man wal sa!

Wihta Nani 6:16

Dawan pana witin ra win: —Man sip kama upla nani ba swaki sakaia, kan yang lika man wal kamna bamna. Madián uplika nani ba waitna kumi ra pruki bataki ba baku pura luma.

Wihta Nani 6:17

Bara Gedeón aisin: —Man namkra ra ban yamni ai kaikram sa kaka, diara kum dauki mairiks, kasak pali man bui yang wal aisisma tânka ba.

Wihta Nani 6:21

insal ba dus kum bri kan ba tâ ba ni, wîna ra bara brit ba sin kangban, bara walpa ba wina pauta buki klauhan, bamna wîna bara brit ba sut angki âpu daukan; baha ningkara Dawan insalka ba ai mawan wina lap tiwan.

Wihta Nani 7:11

bara wals witin nani dîa man nani ra aisi ba. Baha walma ba ra, man bui witin nani wal aiklabaia spiritka ba mai bukan kabia.” Bara Gedeón ai albika Purá wal, ai waihla Madián uplika nani kiampka ra dimaia lamara wih iwi kan.

1 Samuil 14:10

Sakuna purara uli bal wan wibia kaka yawan baku daukaia, baha ba sain kum kabia Dawan yawan ra pura luaia lâka wankuya ba tânka.