Impakan Sturka 3:10 - DAWAN BÎLA AISKA

¹⁰ Baha mita nanara man yabal ra aimaks, yang mai blikisni Idsip kingka fero mawanra waia, bara yang upliki Israel luhpia nani ba tâ brih baha tasbaya wina sakaia.

Impakan Sturka 3:10 ပူးပေါင်းရင်းမြစ်များ

Blasi Sturka 15:13

Bara Dawan Ebram ra win: —Naha tânka man damra walaia sma, man kiamkam nani ba tringsar baku upla wala nani tasbaya kum ra witin nani iwbia, bahara witin nani ba alba nani kabia. Mani handat walhwal witin nani ra sin rausauhkan kabia.

Blasi Sturka 15:14

Ban sakuna, baha nisanka witin nani ra alba bribia ba, witin nani ra sin yang mita klala yabamna. Baha ningkara kiamkam nani ba diara ailal dawanka aimaki, yuyakira taki bara baha wina pri taki mahka wabia.

Lawana Nani 105:26

Bara ai napakanka Moses ba blikan, Eran, witin ba bâk saki brin uplika ba sin;

Lawana Nani 77:20

Uplikam nani ra tâ briram, man sîpkam daknika ba baku, nampakan Moses, Eran wal ba mita.

Impakan Sturka 12:40

Israel luhpia nani ba Idsip tasbaya ra mani 430 iwan,

Impakan Sturka 12:41

Bara 430 mani alkan ba manka ra, Dawan uplika nani aiklaklabra daknika tara ba sut mahka Idsip tasbaya wina taki wan.

Impakan Sturka 33:12

Moses mita Dawan ra win: —Kaiks, man ai wisma yang naha uplika nani na tâ brimna; sakuna ai wiras sma ya yang wal blikaisma sapa. Bara man sin ai wisma yang ra kasak ai kakaira pali sma, baku sin namkra ra yamni ai kaikisma.

Impakan Sturka 33:13

Bara yang ra yamni ai kaikisma kaka, yang mamkabisna warkkam daukaia tânka brisma ba mairiks. Baku mika, yang bui man ra kasak lukamna, bara daira walamna man bui yang ra kasak lukisma ba. Bamna luki bas naha uplika nani na, man uplikam nani sa.

Impakan Sturka 6:26

Naha Eran bara Moses wal ra sika Dawan mita wisata ba Israel luhpia nani ba Idsip wina brih sakaia, war aiklaklabra daknika tara kum baku asla dauki.

Oseas 12:13

Prapit kum paiwanka bâk, Israel luhpia nani ba Dawan mita Idsip wina sakan; ¡prapit kum wark dauki kan ba tâka bâk, Dawan bui witin ra main kaiki kan!

Miqueas 6:4

Yang lika Idsip tasbaya wina mai saki bri balri, alba lâka wina sin mai swaki mai sakri. Yang mita Moses, Eran, Meri sin man nani tâm briaia blikri.

Apastil Nani Sturka 7:34

Yang upliki nani Idsip ra pât wahwi ba kaikri, bara ai bîla saki ini ba sin walri, bamna yang bal iwri witin nani ba pri sakaia. Bamna bal, yang bui Idsip ra mai blikaisna.’

Apastil Nani Sturka 7:36

Moses kata sika wan damika nani Idsip wina sakan ba. Baha tasbaya ra witin lika wark aihka nani bara sain nani sin daukan, Kabu Pauni ra, ban upla iwras tasbaya ra sin mani 40 kan piua ra.

Apastil Nani Sturka 7:6

Baha purkara, Gâd win: ‘Man kiamkam nani ba tasba tringsar kum ra iwbia. Bara alba pali kabia, rau sin munan kabia mani 400.’

Apastil Nani Sturka 7:7

Ban sakuna, Gâd naha sin win: ‘Baha nisanka alba bribia ba yang mita lâka daukamna; ningkara witin nani baha wina takbia, bara naha pliska ra bal yang duki daukbia.’

Wihta Nani 6:14

Dawan insalka ba witin ra kaiki, bara witin ra win: —Karnika brisma bara bûi mahka diara dauks, Israel luhpia nani ba Madián uplika nani mihta wina swaki sakaia. Yang bui man mai blikisni bâra waia.

1 Samuil 12:6

Baha purkara, Samuil sin upla sut ra win: —Dawan sika ai warkka daukan Moses bâk, Eran bâk sin, damikam nani sut Idsip wina sakan ba.

1 Samuil 12:8

Jekob bara ai kiamka nani sut Idsip ra wih iwan, bara Idsip uplika nani bui rausauhki kan, bara damikam nani Dawan ra winan, bamna witin Moses bara Eran wal saki blikan wan, witin nani ba Idsip wina saki naha tasbaya ra brih balan.