Impakan Sturka 29:4 - DAWAN BÎLA AISKA

⁴ Ningkara Eran ra brih was bara luhpia nani ra sin tint watla dimaika ra, bara yas aihtabi klin takbia.

Impakan Sturka 29:4 ပူးပေါင်းရင်းမြစ်များ

Impakan Sturka 26:36

“Bara utla dimaia durka ba kat kwala pami swis, blu, pauni pali, linin kwalka ai mihta ni pitbi mami prana daukan ba.

Impakan Sturka 29:3

Baha ba baskit kum ra mangks Dawan watla ra brih waia, bîp wainhka bara sip wainhka nani ba sin.

Impakan Sturka 40:12

“Bara Eran ai luhpia nani ba sin, tint watla ra dimaia durka ra brih wabia, bara aihtabi takbia,

Impakan Sturka 40:28

Ba ningkara pamaia kwalka nani ba sin Moses brin bara dur nani ra paman.

Impakan Sturka 40:32

witin nani tint watla ra dimaia altar ra buaia auya ba ra, witin nani ai mita ai mina nani sikban. Dawan bui Moses ra nahki daukaia win ba baku daukan.

Isikiel 36:25

Lî klin wal sikbamna, klin daukamna ai tâskika sut ba wina, sunu daukamna aidul nani wal asla kata lâka ba wina;

Isikiel 42:14

Ani taim prîs nani ba tempel ra dimi wark daukuya ba ra, witin ai prâka dimi wark daukan ba daikras ban tempel latka ra upla nani tilara taki wabia apia, kan ai prâka dimi ba sunu daukan bamna witin kwala wala dimi ba ra lika upla nani tilara waia sa.”

Libait Lâka 14:8

“Klin takan uplika ba ai prâka ba witin tuskaia sa. Ai unmaya sin irbaia sa, baku klin pali takbia. Baha ningkara kau wik kum pâsa dih tauki si bara tawan ba ra dimaia sip sa.

Kulki Kaikanka 8:9

Bara Libait nani ba, man paiwma witin nani sut asla takaia tintka watla lamara balbia, bara Israel luhpia nani daknika aiska ba yarka asla takbia.

Epesus 5:26

Kraist naha daukan serts ba holikira sakaia mata, bara lî ni bara ai smalkanka bîla ni klin daukan,

Kli Smalkanka 23:11

Sakuna tutni mapa ra lî brih sikbi sâkbia, ba yu wala titan ra sip kabia ai kiampka ba ra kli dimaia.

Taitus 3:5

witin swaki wan sakan. Baha ba lika yawan mita diara pain nani kra daukan tâwan lika apia, sakuna umpira wan kaikan ba mita. Sikbi wan sakan bâk witin mita swaki wan sakan, bara baha tânka ba lika, yawan na kli aisubi takan, bara Spirit Holikira mita rayaka raya wankan ba bâk sin.

Hibru Nani 10:22

Baha mita, kaisa yawan wan kupia tânka kunin âpu bara kasak lukan lâka sin kasak pali brih, Gâd lamara waia; kan witin mita wan kupia nani ba klin daukan sa, yawan ba saurka dukiara pâtkira banhwisa lukbia apia dukiara, bara wan wîna tara nani ba lî tâski âpu ni sikban sa.

1 Pita 3:21

Baha laya ba lika tahbi wan dauki laya ba lilka kan, naha mita sika nanara swaki wan saki ba. Tahbi daukaia lâka ba lika wan wîna ra tâski bri ba sikbi sakaia tânka apia sa, sakuna Gâd ra wan kupia dahra walra klin wankbia makabaia ba tânka sika. Bara swaki wan sakisa Jisas Kraist pruan wina kli buanka bâk.