Impakan Sturka 29:39 - DAWAN BÎLA AISKA

³⁹ Sîpka kumi ba titan ra angkma, sîpka wala ba lika tutni ra angkma.

Impakan Sturka 29:39 ပူးပေါင်းရင်းမြစ်များ

1 King Nani 18:29

Yu wan lal kat piua ba luan kata, bara witin nani lal saura takan kan, baku ban wini banhwi kan, kîa yamni angkaia piua ba kat; sakuna bîla baikra kumi sin bal takras kan. Ya pali bui pana aisaia ba âpu kan, wini banhwi ba walaia ba sin âpu kan.

2 King Nani 16:15

Baha ningkara prîs Urías adar yaban altar tara ba ra titan yu aiska angkbia wîna ba, bara tutni ra lika barli mâ nani ba angkbia, bara aiska angkaia barlika mâ nani ba king ra yabaia prisantka kabia, bara aiska angkaia barli mâ, wain ba, upla sut dukiara angkbia. Bara sin win altar ba purara tala ni srikbia aiska angkaia sakripaiska ba, ban sakuna bras altarka ba lika Dawan ra pas makabi wali daukbia.

2 King Nani 3:20

Bara yapra wala, Dawan ra prisant yaia awarka ra Edom tani wina lî balan, bara tasba ba lî nani ni banhwan.

2 Kronikas 13:11

Witin nani ba titan bara tutni ra sin Gâd ra sakripais yabisa, bara sîka mâka kîa painkira nani sin tibil kum ra suni mayunanka tara daukisa, kasak lâka ra brit holikira ba wal; bara sin tutni bani, lamp nani ba angkisa gul kiandilka dusa nani ra, kan yang nani Dawan Gâd lâka nani ba alki daukisna, sakuna man nani lika witin wina laihura takram sa.

2 Kronikas 2:3

Baha ningkara Salaman bui Hiram Tiro kingka ra ai bîla blikan wiaia: “Yang aisiki Debit wal aisi lâ daukram ba baku yang ra dauks. Man yalam dusa nani klaki witin ra blikram, king watla mâki bahara iwaia.

Esdras 9:4

Baha nani Israel Gâdka klalka sibrinka bri nani ba, upla nani kangbi sakan kan kli tawi balan nani ai saurka daukan ba tâka mita, witin nani ba yang ra balan, sakuna yang kupi wirha ban kan, sakripais daukaia piua ba kat.

Lawana Nani 141:2

Puri sunra ba, dus mâka kîa pain baku man bui kaikma, mihti bukanka ba lika, tutni prisantka baku kabia.

Lawana Nani 5:3

Titan ra, yang bîli baikra walisma, titan pali, yang bui man ra puri suni tâinka ba mai wisna, bara man dîa wima ba walaia bîla kaikisna.

Impakan Sturka 12:6

Daiwan ba main kaiki bri kabia, yu mahka tutni tawi ba ra, upla kumi bani ai daiwra ba ikbia.

Impakan Sturka 29:40

Baha titan angkaia sîpka ba dukiara, plawar kau pain ba wina paun wâl brima, oliv batanka sin kâp wâl brima plawar ba alkaia, bara baha purara wain kâp kum laikma prisantka kum dauki ba baku.

Daniel 9:21

Yang kau puri suni kapri piua ra, Gabriel, witinka kainara yang diara aihka kaikatna ba, sakripais Dawan ra yaia awarka lama pali kata tutnika.

Luk 1:10

Sîka kîa yamni ba angki kan ba ra, upla sut latara ai pura suni kata.

Apastil Nani Sturka 26:7

Israel kiamka 12 ba sut bîla kaikisa naha pramiska na aimakbia, baha mita Gâd ra mayuni, dukia sin daukisa, kakna bara tihmia. Bamna king Agripa, naha sim bîla kaikanka brisna dukiara sika Ju nani daihra kwahki banhwi na.