Impakan Sturka 29:29 - DAWAN BÎLA AISKA

²⁹ “Eran prubia ba ra, prîs prâka, witin ai prâka nani sunu kulkan ba sut ai kiamka nani ra yabia. Baha prâka ba witin nani dimbia bara prîs warkka ba daukaia karnika yabia upla sut mawanra.

Impakan Sturka 29:29 ပူးပေါင်းရင်းမြစ်များ

2 Kronikas 13:9

¿Bara Eran kiamka Libait Dawan prîs nani ba sin man nani mita kangbram wan apia, bara man nani mita idan prîs nani ba mangkram apia aidul nisan wala nani dauki baku? ¡Ani uplika kabia bal bîp wainhka kum sîp 7 bri ai gâdka nani ba prîs mangki pura sunaia!

Impakan Sturka 28:2

Bara man muihkam Eran prâka nani daukma, prâka ba sin pranakira kabia.

Impakan Sturka 29:28

Bamna baha ba Eran ai luhpia nani wal dukia kabia. Baha ba lâ kumi ban kabia Israel luhpia nani tilara. Baha ba Israel luhpia nani sut mita, Dawan prisantka yabia baha ba kupia kumi lâka daukaia dukiara, Dawan ra dauki yabisa, Israel luhpia nani mita.

Impakan Sturka 29:30

Eran kiamka prîs takbia ba, witin holi pliska ra wark daukaia dimi auya bani baha prâka diman kaia sa 7 yua ba kat.

Impakan Sturka 30:30

“Eran bara luhpia nani ba sin, baha batanka ba ni laikma, bara sunu taki banhbia, bara yang prîski nani kabia,

Impakan Sturka 40:15

Bara baha nani ra sin batana laikma, aisika purara laikram ba baku, bara witin nani ba yang naipakan nani kabia, batana laikaia tânka sika, yang prîski ban kaia bara ai kiamka nani sut ra sin.”

Libait Lâka 16:32

Baha yua wark takaia prîska sâkbia ba, wark aiska ba witin daukaia win kabia, ai aisa prîs tara baha warkka dauki kan ba watlika ra warkka na daukbia, witin ai pura sunbia uplika nani ba saurka wina pâtka swih tikaia dukiara, linin prâka ba dimbia.

Libait Lâka 8:1

Dawan ba Moses ra aisi, naku win:

Kulki Kaikanka 18:8

Dawan bui Eran ra win: “Upla nani ai prisantka aikaia ba mihtam ra swiri sa. Israel luhpia nani diara sut yang ra aikaia aihka saki ba, man ra maikisna, luhpiam nani ra sin. Baha ba man nani briaia kulkan sa; naha lâka na baku kulki ban kabia.

Kulki Kaikanka 35:25

Tawan uplika nani mita upla ikan ba wina dakbi sâkbia, bara upla ikan uplika ba, yaka kli yukuwi swak takaia tawanka ra yukuwaia sa. Bara upla ikan waitnika baha yukuwaia pliska ra kabia prîs tara ba prubia ba kat.