Impakan Sturka 29:2 - DAWAN BÎLA AISKA

² Plawar kau pain ba brima, oliv batana laiki brit daukma. Tila brit nani ba, îs mangkras, wala nani ba sin. Turtiya nani sin daukma îs âpu, bara damni taya purara laikma.

Impakan Sturka 29:2 ပူးပေါင်းရင်းမြစ်များ

Impakan Sturka 12:8

Bara wîna ba sin tihmia iwbia ba ra pauta ra duki, brit îs âpu dauki angki, dus wahia tahpla nani aikuki dauki pibia.

Impakan Sturka 29:23

Baku sin brit îs âpu daukan baskit ra bâra ba Dawan mawanra, baha wina krukma ba kumi brima. Bara brit oliv batana wal akbi angkan wina sin brima, brit damni ba sin brima.

Impakan Sturka 29:3

Baha ba baskit kum ra mangks Dawan watla ra brih waia, bîp wainhka bara sip wainhka nani ba sin.

Libait Lâka 2:15

Plun mâ prisantka ba purara kîa pain dauki angkaika mangkaia, batana laya sin laikaia, kan plun prisantka bri balan bamna.

Libait Lâka 6:13

Altarka purara pauta klauhi ba swika daswaia apia bara ami ban kaia sa.

Libait Lâka 7:10

Baha daukan ba baku natka ra, batana laya wal plun mâ sâtka nani ba sin akbi daukan lâwan ba, baha sut ba Eran kiamka nani ra yabia, witin nani yui aikuki baku ai tilara bribia.

Libait Lâka 7:12

Baha sakripaiska daukaia brih aula ba, Dawan ra tingki wiaia lâka daukaia sa kaka, naha diara wala nani sin brih balaia sa: plawar îs mangkras, oliv batana laya ra akbi brit daukan ba, dus wahia nani îs mangkras batana laya ni srikban ba, plawar mâ pain nani batana laya ra akbi brit daukan ba;

Libait Lâka 8:2

“Eran bara luhpia waitna nani ba bris, bara baku sin prîs prâka nani ba bris, laiki sunu dauki batanka ba, saura daukan mana sakripais daukaia bîpka wainhka luhpia ba, sîp wainhka nani wâl ba bara pân sirpi ra îs mangkras britka nani ba bris,

Libait Lâka 8:26

Brit pânka ba wina, îs wal daukras britka, Dawan mawan ra kahban britka nani ba wina, turtiya îs âpu daukan ba, turtiya wala batana laya laiki akbi daukan ba, turtiya tanhta ba, baha nani sut ba daiwra batanka ba kuhma ba aikuki asla dauki Moses brin.

Kulki Kaikanka 6:15

Baha purkara plawar kau pain îs mangkras batana laiki akbi brit daukan ba baskit kum brih balaia sa; dus wahia sâtka nani ba sin îs mangkras, batana laya ni srikbi, plun mâ sâtka nani prisantka ba bara wain sin brih bal ai prisantka yabaia sa.

Kulki Kaikanka 6:19

Baha ningkara prîs ba sîp wainhka nina dusa wîna piakan ba bribia, bara baskit bîla wina brit îs âpu daukan ba kum bribia, bara turtiya îs âpu daukan ba sin kum bribia, baha sut Nasariu ba mihta ra yabaia, witin ai tâwa ba pat kusbi sakan kabia ba ningkara.

1 Korint 5:7

Baku bamna, saurka îska almuk ba lulki swis, bara man nani ba aiska pali klin kama. Baku mika, plawar akban raya kum îs âpu Insal luan Yua Liliaka ra pi ba banhwi kama, bara yang kasak pali kaikisna man nani ba nanara baku sma. Kan Kraist pali wan Insal luan Yua Liliaka dukia ba yawan dukiara sakripais dauki ikan sa, bamna witin sika Insal luan sîpka yawan bri ba.