Impakan Sturka 29:18 - DAWAN BÎLA AISKA

¹⁸ Bara daiwan aiska ba altar ra suni angkbia, baha kîa yamni ba Dawan ra yamni kulki prisantka yabia.

Impakan Sturka 29:18 ပူးပေါင်းရင်းမြစ်များ

Blasi Sturka 22:13

Bara Ebraham ai lal bukan bara ai ninara tawi kaikan, bara kaiks sîp wainhka kum kiaya tilara bâra sa, aringka ra kiwa ni aiblakwan; Ebraham wan bara sîpka ba alkan, bara baha wîna ni aiska angki dauki yabaia sakripaiska ba daukan, ai luhpia watlika ra.

Blasi Sturka 22:2

Bara Gâd bui witin ra win: —Man luhpiam waitna Aisak ba bris, luhpiam unhsak ba, man bui witin ra latwan pali kaikisma ba, bara Moria tasbaya ra taki was. Bahara wama ba ra, yang il kum mamrikamna, bara man baha ilka ra luhpiam ba angki sakripais dauki aik.

Blasi Sturka 22:7

Wal wiria wapi wan ba ra, Aisak ai papika ra makabi walan: —¡Aisiki! Ebraham pana winan: —Luhpi, yang nâra sna, ¿dîa brin mai daukisa? Aisak bila: —Kaiks yawan nâra pauta klauhan bara pauta ba sin brisa, ¿sakuna sîpka ba anira sa, baha wîna aiska angki sakripais daukaia ba?

Blasi Sturka 8:20

Bara Noa altar kum paskan Dawan dukia, bara daiwan klin nani bani ba wina kum brin, tnawira klin nani ba wina sin kum brin, bara wîna ba angki sakripais dauki Dawan ra yan.

Blasi Sturka 8:21

Bara Dawan baha kîa pain ba kiawalan; bara witin ai kupia ra lukan: “Upla ba tâka mita, tasba ra yang kli saura wimna apia; kan upla kupia lukra ba, kau wahma ba yua wina saura ra baman luki ban sa. Bara diara rayakira nani sut ba sin kli sauhkamna apia, nanara daukri ba baku.

1 King Nani 18:38

Bara Dawan Gâd wina pauta klauhan bal iwan, bara aiska angkaia wînka ba aman, pauta ba, walpa nani ba, bara tasba yamhpuska nani, bara lî plapaika ra lî kan ba sut âpu lâwan.

1 King Nani 3:4

Ba purkara witin sin Gabaón ra wi kan sakripais daukaia, pliska ba tânka tara kulki kan ba mita, plis wala nani wal kau purara; bahara aiska angkan sakripaiska nani 1,000 dauki kan.

Lawana Nani 50:8

Man sakripaiskam nani ba tâwan lawi mai daukamna apia; man daiwram nani aiska angkan ba tâwan sin apia.

Impakan Sturka 29:17

Baha ningkara pîs sirpi nani ra klaks, biara sirpika, mina nani ba sikbaia sma, kuhma nani ba sin. Wîna pîs sirpi nani ba lal ba wal asla daukbia.

Impakan Sturka 29:25

Baha ningkara dukia nani ba, witin nani mihta wina saki altar ra suns, daiwan aiska angkaia wîna pliska ra swis, kîa yamni Dawan ra yabaia. Baha lika prisant kum Dawan ra yamni kulki yaban sa.

Aiseya 1:11

Dawan aisisa: “¿Dîa dukiara man nani daiwan nani ban ailal angki aikisma ki? Sîp nani aiska angki aikisma, kau sin want ai daukras sa, bîp lupia nani batanka angkisma ba sin; bîp wainhka nani, bîp lupia nani, guts nani tâlia ba, brin ai daukras.

Jirimaya 6:20

¿Dîa muni man nani Sabá wina kîa pain angkaia dukia nani ba bri sal aikisma, laih tasba wala wina dus wahia kîa pain nani bri balisma? Daiwan aiska angkisma ba yang yamni kaikras, sakripais wala nani daukisma ba sin.”

Libait Lâka 1:17

Baha ningkara daiwra wîna ba, pîs wâl ra daukbia, tnawa kum ba wâl ra klahbia, sakuna tnawa wala ba lika kalkras kabia, bara baha ningkara wîna ba aiska altar purara angkbia, Dawan ra prisantka kum, kîa witin pain kiawali kaiki ba kat dauki yabia.

Libait Lâka 1:9

Witin wîna ba kau angkras ba ra, tâura biara bara kuhma nani ba sut sikbaia sa. Baha ningkara lika prîs ba baha brih, altar ba purara suni angki, kîa pain dauki, Dawan pain kiawali ba dauki yabia.

Libait Lâka 4:31

Bara daiwra ba wina batanka nani ba sut saki bribia, kli wal uplika wan sakaia sakripaiska daukaia, daiwra wîna batanka nani saki ba baku naha daiwra ba wina sin sâkbia, bara kîa pain Dawan kiawali ba dauki angkbia. Prîs ba baku daukbia, bara uplika saura daukan saurka pâtka ba ban swih tikbia, bara ai saurka daukan ba ban swih tikan kabia.

Libait Lâka 8:21

baha ningkara biara nani bara kuhma nani ba sikbi klin saki, baha nani sin sut angkan. Kîa pain Dawan brin dauki ba baku daukan, witin mita baku daukaia adar win ba kat dauki.

Libait Lâka 9:24

Dawan mawan wina pauta blikan tasba ra, altar purara daiwan angkaia bâra kata ba aman. Baha kaikan ba ra, Israel luhpia nani sut ba ai lilia wini kira ai mawan tasba kat makupan.

Mark 12:33

Bara Gâd ra kupia aiska, lukanka aiska, sulka aiska, karnika aiska ni latwan kaikaia ba, wan uplika ra wan wîna baku latwan kaikaia ba sin, sakripais nani, daiwan nani altar ra angki ba sut wal kau purkara sa.

Epesus 5:2

Latwan lâka ra iwi bas, sim Kraist latwan wan kaiki, yawan tâwan ai rayaka pât mihta ra mangkan ba baku. Witin ba sin sîp baku sakripais daukan kata, bara Gâd ra kîa painkira kum baku angki yan.

Pilipai 4:18

Bamna yang lika pat diara nani sut briri, bara pura lui pali. Epafrodito wal prisant nani ai blikram ba ni, dîa dîa luha sna ba sut brisna. Man nani mita ai blikram ba lika dus nani mâka kîa yamni prisantka kum baku kan, sakripais kum Gâd mita pain kaiki bri ba baku.

1 Samuil 7:9

Sîp lupia kum kau tiala di ba Samuil brin, bara aiska angki sakripais dauki, Israel luhpia nani tâwan Dawan ra makabi ai pura sunan, bara Dawan pana witin ra walan.