Impakan Sturka 28:43 - DAWAN BÎLA AISKA

⁴³ Eran bara ai luhpia nani ba sin dras dimi tint watla kutbanka ra, apia kaka Holi Pliska ra sin dimbia, altar lamara waia kaka sin baha dimi wabia, witin nani prîs warkka dauki ba piua ra, ai swira ba yukukras dimi pruaia apia ba tâwan. Naha lâka na witin kulki ban kaia, ai kiamka nani sin kulki ban kabia, naha lâka na ban kabia ai kiamka nani kat.

Impakan Sturka 28:43 ပူးပေါင်းရင်းမြစ်များ

Impakan Sturka 20:26

Yang altarki ba purara paskan kaia apia sa, baku lika man nani ulisma taim, kwalka buki ba mai kaikbia apia.’

Impakan Sturka 27:21

Eran ai luhpia nani wal, lamp angkaia warkka ba bribia; baku mika Dawan wal aisaia tintka watla ba ingni ban kabia tihmia aiska, Lâ auhbaia watla kutban ra bara baku sin lata tani ra kabia. Naha na lâ kum Israel luhpia nani, kiamka sut lâka ban kaia ra kabia.

Impakan Sturka 30:21

Bahamna ai mihta bara ai mina nani sin sikban kabia, baku lika prubia apia. Naha na lâ kumi daukan sa, baku dauki ban kaia, Eran luhpia nani bara ai kiamka nani sut dauki kaia sa.”

Isikiel 44:17

Witin nani get bâk tempel bîla pali ba ra dimaia wabia bara linin kwalka dimi kabia. Tempel bîla pali ra warkki dauki ba taim witin nani sîp taya prâka dimbiara.

Libait Lâka 16:13

kîa pain angkaia ba bri si, pauta ra kahbia angkaia, Dawan kaiki ba lamara. Bara kiasmika ba, lâ auhbaika watla pura bikaika purara kabia. Baku kabia bara Eran prubia apia.

Libait Lâka 17:7

Naiwa wina Israel luhpia nani ba kli ai daiwra nani ba, lasa nani ra yabi sakripais daukbia apia, baha nani ra witin nani mayuni ba saura takan uplika nani sa mita. Naha lâka man nani baku dauki ban kama, aisika nani mita luhpiam nani ra sin smalki ban kama.

Libait Lâka 22:15

sakuna prîs nani ba, ban aitani kulkan lâka yabia apia, Israel luhpia nani baha pata nani Dawan ra yan ba wal pulaia, baku Dawan nina ba bahki kulkaia daukisa.

Libait Lâka 22:9

“Wis yang aisari ba prîs nani sut baku daukbia. Bîli walras diara dauki ai purara saurka wirhika kahbiara, bara witin nani prubia apia. Yang sika ai Dawanka, witin nani sunu daukri sa.

Libait Lâka 3:17

“Naha lâka daukan na, aisika nani ba tawi ai luhpia nani ra smalki ban kabia, ai piua sut ra. Ani anira man nani wih iwma ba ra, man nani daiwan tâlia bara batanka ba pipara.”

Libait Lâka 5:1

“Upla kum bui upla wala saura dauki kan kaikan, bara baha witniska ba aisaia lâ watla ra paiwan, sakuna witin baha dahra ba aisaras yukukbia kaka, saura daukisa. Uplika saura daukan saurka ba witin purara kabia.

Libait Lâka 5:17

“Dawan ai lâka nani mangkan ba mapara mita, upla kum ai dara walras kira saura daukbia kaka, ai dara walras kan sakuna pâtkira kulkan kabia, bara baha pâtka ba witin twilkbia.

Kulki Kaikanka 15:15

Naha lâka man nani kulkisma na, kiamka wala nani sin kulkan kabia, baha sin lâka kum ba, upla sut lâka sa, aisika nani wina ban luhpia nani kat.

Kulki Kaikanka 18:22

Israel uplika wala nani ba sip apia sa tint watla holi pliska ba lamara waia, kan saurka dauki ban wabia kaka, sip sa pruaia.

Kulki Kaikanka 18:32

Ani piua diara kau yamni ba yang ra aikaia sâkbia ba ningkara, dîa kau tawbia ba, witin nani pibia. Bara saura tâski kulkbia apia, baku dauki kabia bara Israel luhpia nani diara prisant aiki ba sunu kulkan kabia. Bara prura pâtka ra sin, witin nani ra alkbia apia.”

Kulki Kaikanka 18:8

Dawan bui Eran ra win: “Upla nani ai prisantka aikaia ba mihtam ra swiri sa. Israel luhpia nani diara sut yang ra aikaia aihka saki ba, man ra maikisna, luhpiam nani ra sin. Baha ba man nani briaia kulkan sa; naha lâka na baku kulki ban kabia.

Kulki Kaikanka 9:13

Ban sakuna, ani uplika tâski takras ba, laihura sin impakras kan ba, bara Insal luan Yua Liliaka tara ba kulkaia balras kabia kaka, baha uplika ba upla nani tila wina dakbi sakan kabia, Dawan ra prisant yaia yua ra ai prisantka yaras ba tâwan, baha uplika ai saurka ba ai purara kulkan kabia.