Impakan Sturka 28:38 - DAWAN BÎLA AISKA

³⁸ Bara baku Eran lal wilkaika ra ulbanka ba bâra ban kabia, bara Israel luhpia nani Dawan ra diara yabaia lâka ra pirwi ba, baha wirhika ba Eran twilki kabia. Witin nani ai prisantka brih aula ba ra, baha ulbanka ba mita Dawan baha prisantka ban bribia.

Impakan Sturka 28:38 ပူးပေါင်းရင်းမြစ်များ

Impakan Sturka 28:37

Bara baha ulbanka wilkaika mapla ba blu daukma, bara ulbanka ba lal ra wilkaika pîska ba ra wilki swis.

Impakan Sturka 28:43

Eran bara ai luhpia nani ba sin dras dimi tint watla kutbanka ra, apia kaka Holi Pliska ra sin dimbia, altar lamara waia kaka sin baha dimi wabia, witin nani prîs warkka dauki ba piua ra, ai swira ba yukukras dimi pruaia apia ba tâwan. Naha lâka na witin kulki ban kaia, ai kiamka nani sin kulki ban kabia, naha lâka na ban kabia ai kiamka nani kat.

Aiseya 53:6

Yawan nani sut, sîp baku wan mawahkan, kumi bani ai yabalka ra tawi wan; sakuna Dawan ba, yawan nani sut wan saurka ba, witin ai purara sunan.

Aiseya 56:7

yang bui witin nani ba ilki holikira ra brih wamni, yang ra ai pura sunaia watla ra witin nani ba bri balamna lilia kaia daukamni. Altarki ra daiwan aiska angki sakripaiska nani dauki ba sin yang brimna. Kan waitla ba wan pura sunaia watla mâkan kabia upla nani sut ba dukiara.

Aiseya 60:7

Quedar ra daiwan daknika nani ba sut man daiwram daknika nani kabia; Nebaiot sîpka nani ba sin man sîpkam kabia; baha nani ba Dawan altarka ra, witin yamni kaiki prisantka nani dauki yabaia, bara witin ai tempelka prana ba kau pranakira daukbia.

Libait Lâka 1:4

witin ai mihta ba, daiwan lal purara kahbia. Baku daukbia ba ra, Dawan baha prisantka ba yamni kulki bribia, ai saurka nani ban swih tikan kabia.

Libait Lâka 10:17

—¿Dîa kan man nani saura daukan sakripaiska ba, holi daukan pliska kum ra dimi iwi pih banhras kapram? Baha ba holi pali daukan sa, bara Dawan bui baha man nani ra maikan, baku dauki upla nani saurka daukan ba, man nani twilkaia, bara Dawan wina witin nani ai saurka swin tikan lâka ba bribia.

Libait Lâka 22:16

Baha pata piaia uplika nani ba swika ban pibia, bara pâtka ba witin nani twilkaia. Yang sika ai Dawanka, witin nani sunu daukri sa.”

Libait Lâka 22:27

“Bîp luhpia kum kra, sîp luhpia kum, apia kra guts luhpia kum kra aisubia bara yu 7 alkbia ba ra yu 8 alkbia ra sip sa iki sakripais daukan kaia, Dawan ra yabaia.

Libait Lâka 22:9

“Wis yang aisari ba prîs nani sut baku daukbia. Bîli walras diara dauki ai purara saurka wirhika kahbiara, bara witin nani prubia apia. Yang sika ai Dawanka, witin nani sunu daukri sa.

Libait Lâka 23:11

Ris yua wina yapra wala ba, prîs baha ba brih Dawan ra prisant pain ba yabia, man nani ra pain mai kulkaia mata kulkan kabia.

Kulki Kaikanka 18:1

Dawan mita Eran ra win: “Man bara luhpiam nani aikuki, Libai kiamka daknika uplika wala nani ba sin, holi pliska ba mapara saura daukbia kaka, baha pâtka ba man nani puramra kabia. Sakuna man bara luhpiam wal, prîs warkka dauki si saura daukma kaka, saurka pâtka ba man nani baman lamla purara kabia.

Jan 1:29

Yaprika wala, Jan kaikan Jisas witin ra aula kan, bamna upla nani ra naku win: “Kaiks man nani, naha waitnika aula na sika Gâd Sîpka Luhpia, naha tasba saurka bri saki ba.

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

Epesus 1:6

Baha mita yawan piua bani Gâd ra mayunisa ai latwanka tara ba dukiara, baha sim latwanka ni yamni wan munan sa, yawan ai Luhpia latwan pali wal asla sa bamna.

Hibru Nani 9:28

Baku sin, Kraist ba aima kumi baman sakripais dauki yan kata, upla ailal saurka nani brih sakaia dukiara. Bara witin kli aima wala bal latan takbia, saurka nani brih sakaia dukiara lika apia, sakuna ai bîla kaiki uplika nani ra swaki sakaia.

1 Pita 2:24

Kraist mita ai wîna tara ra wan saurka nani twilkan dus prihni purara, bara baku yawan sip kabia wan saurka nani mapara pruaia bara kasakka lâka ra iwi kaia. Witin ai wîna ra insauhkan ba mita, man nani sut mai rakan sa.

1 Pita 2:5

Naha natka ra, Gâd bui man nani ra, walpa rayakira nani baku, spirit tempelka kum mai daukbia, prîs holikira nani, Jisas Kraist bâk spirit sakripaiska nani dauki yaia, Gâd ra yamni kabia.

1 Pita 3:18

Kan Kraist pali, aima kumi baman wan saurka nani dukiara prura pâtka wahwan. Witin lika yamni kan, sakuna yawan saurakira nani na tâwan pruan, Gâd ra wan brih waia dukiara. Witin ba ai wîna tara mapa ra baman pruan, sakuna ai spiritka mapa ra lika kli raya takan.