Impakan Sturka 28:36 - DAWAN BÎLA AISKA

³⁶ “Gul ba pruki tanta dauki bara sîl ra ulbi ba baku naha bîla na bahara uls: ‘Dawan ra yaban’.

Impakan Sturka 28:36 ပူးပေါင်းရင်းမြစ်များ

1 Kronikas 23:13

Amram luhpia nani ba Eran bara Moses kata. Gâd bui Eran ba bâk saki mangkan mana luha dukia kau sunukira yabi kaia dukiara, Dawan ra kîa yamni angki yaia, warkka daukaia bara yu bani yamni munanka nani dauki kaia, baha warkka nani dauki ban kaia kan Eran bara ai lupia nani ba aikuki.

Lawana Nani 93:5

Dawan, man adarkam nani ba sip kitras pali sa; ¡Holikira lâka tempelkam prana daukan ba ban kaia ra ban kabia!

Impakan Sturka 19:6

Man nani ba yang prîski nani, king tasbaya kum kama, upla holikira nani yang upliki nani.’ Man bui Israel luhpia nani ra baku wis.

Impakan Sturka 28:11

Nina nani walpa ra ulbaia ba, gul ni ulbaia sa. Bara diara papaskra kum ra yas, sîl ra ulbi ba baku ulbia. Baha ningkara, pahpaya ra kahbi swiaia kwalka paskma; baha sin gul ni daukma, ningkara lama prakaika awa ba ra wilkma.

Impakan Sturka 28:35

Naha munhtara dimaia pîska na sin, Eran prîs baku, witin wark daukaia auya ba ra dimi kaia sa, Dawan mawanra. Holi pliska ra dimbia ba ra, kli bal takbia ra sin, baha bilkka nani lingbi ba wali kabia, bara baku witin prubia apia.

Impakan Sturka 28:37

Bara baha ulbanka wilkaika mapla ba blu daukma, bara ulbanka ba lal ra wilkaika pîska ba ra wilki swis.

Impakan Sturka 28:9

“Bara walpa sangni ba wâl bris, bara bahara Israel luhpia 12 nani nina ba uls.

Impakan Sturka 29:6

Lal ra wilkaika ba lal ra wilkma, bara gul pali pruki tanta dauki bahara ulban ba pîska ba sin, lal ra wilkma, baha mita prîs sunu saki ba.

Impakan Sturka 39:27

Sasipra kum mita linin kwalka ni Eran luhpia nani prâka sin sipan,

Impakan Sturka 39:30

Bamna witin nani sin gul aihwa ba amar ni pruki tanta dauki, prîs kum aihka sunu sakan, sîl baku daukan bara bahara naku ulban: “Dawan yaban.”

Impakan Sturka 39:31

Baha ningkara, kwala paura kumi brin prîs lal pura prakaika ra baha wilkan, Dawan nahki daukaia Moses ra win ba baku daukan.

Aiseya 23:18

Sakuna ai bisniska nani wina diara pura praki saki ba Dawan ra yabia; witin nani swibia apia, kuki sin bribia apia, sakuna Dawan mawanra dukia dauki nani bâra yan kabia, baha wina pi aibanhbia ba kat, bara kwala pranakira nani sin atki dimbia.

Isikiel 43:12

Naha sa tempel lâka ba: tempel lama kir tasba bara ilka purara ba holikira pali kulkan kabia.”

Libait Lâka 10:3

Baha ningkara Moses naku win Eran ra: —Naha sika Gâd mai wiaia ai win kan ba, naku win ba ra: ‘Yang laimara aula ba uplika nani ra marikamni holiki lâka ba, bara Israel luhpia nani sut ra yang praina ba marikamni.’ Bara Eran diara aisaras sâp kan.

Libait Lâka 19:2

“Israel luhpia nani ra naku wis: “Man nani holi kama, kan yang, Dawan Gâdkam, holi sna baku.

Libait Lâka 8:9

Baha wina kli lal purara kiaputka ba sin bapan, baha kiaputka ba purara, mawan tani ra gul ni prana daukan ba ni prakan, Dawan ai yamnika yabi prîs tara lâka ra mangkan ba tukinka, Dawan win ba baku daukan.

Sakaraya 14:20

Baha yua ra, aras nani nana ra bil lupia nani wilki ba taya ra sin naha bîla na ulban kaia sa: “Dawan mihta ra mangkan sa”. Bara tempel bilara dikwa tara nani ba, kâp tara nani altar ra ba sin aihka sakan kabia Dawan dukia.

Hibru Nani 12:14

Man nani upla sut wal kupia kumi lâka bri kaia trai kaiki bas, bara rayakam ba sin holikira bri kaia trai muns; kan holi lâka âpu kaka, upla kumi sin Dawan ba kaikbia apia.

Hibru Nani 7:26

Baku bamna, Jisas sika prîs tara yawan want kan ba. Witin ba holikira sa, pât kumi sin âpu, saurka kumi sin daukras; witin ba upla saurakira nani wina tnaya ra sakan sa, bara kasbrika purara nani purkara bukan sa.

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.

Param Marikanka 21:27

Sakuna tâski dukia kumi sin, upla diara saura pali bara kunin sin aisi ba, bahara sip dimbia apia. Baha nani ai nina ba raya kaia wauhkataya Sîp Luhpia bri ba ra ulbi mangkan ba baman, tawanka ba ra dimbia.