Impakan Sturka 28:29 - DAWAN BÎLA AISKA

²⁹ Bamna baku, Eran Dawan watla holi pliska ra wih dimbia. Bara ai lama prakan ba purara, lâ dauki dukia nani ba ra, Israel luhpia nani nina ba sin bri kabia Dawan mawanra, baku Dawan bui witin nani ra luki ba ban kabia.

Impakan Sturka 28:29 ပူးပေါင်းရင်းမြစ်များ

Impakan Sturka 28:12

Baha walpaya wâl ba, Eran lama prakaika pahpaya purara kabia, Israel luhpia nani nina ba. Baku Eran, Dawan mawanra baha nani nina ba brih wabia, bara Dawan baha nani ra ai kupia krauki kabia.

Impakan Sturka 28:15

“Lama prakaia, lâ daukan dukia nani ra prakan pîska ba sin, lama prakaika aiska, nahki paskan ba baku natka ra paskma, gul ni, mapla blu, balianta, pauni pali, sut ba linin ni pitban kabia.

Impakan Sturka 28:28

Baha pîska wâl ba, unta nani daukan bâk wilkaia kiwka ba mapla blu kabia, bara wal praki wilkan kabia ba kauhbia apia dukiara.

Impakan Sturka 28:30

Bara ai lama purara, lâ dauki dukia Urim bara Tumim wi ba, baha sin bri kabia; baha nani ba Eran ai kupia purara bri kabia, witin Dawan mawanra wih bubia ba ra. Bara sin Eran piua bani ra ai kupia purara, baha Dawan lâ daukaika dukia nani ba ban bri kabia.

Yamni Kulki Lawana 8:6

¡Man kupiam bilara ulbanka baku ai mangki bri bas! ¡Klamhkla kat sin ulbi mangki ai bri bas! Latwan lâka lika, karna pali sa, prura ba baku, brinka lâka ba, pruan nani tasbaya baku karna sa; latwan lâka pautika klauhan ba lika, pauta klauhanka laknika kum, Dawan wina sika.

Jirimaya 30:21

Witin nani ai tila wina wihta sâkbia: wihta tara kum witin nani tila wina bal takbia. Yang laima kat balaia daukamni, bamna, ¿ya kupias taki laimara balaia sip sa? Witin nani ba yang upliki nani kabia, yang sin witin nani ai Gâdka kamna. Yang, Dawan, kasak aisisna.”

Roman 10:1

Muihki nani, yang pali kupi brinki ba, bara Gâd ra puri sunisna ba sika Israel luhpia nani dukiara witin nani sut ba swaki sakan lâka ba alkaia.