Impakan Sturka 27:21 - DAWAN BÎLA AISKA

²¹ Eran ai luhpia nani wal, lamp angkaia warkka ba bribia; baku mika Dawan wal aisaia tintka watla ba ingni ban kabia tihmia aiska, Lâ auhbaia watla kutban ra bara baku sin lata tani ra kabia. Naha na lâ kum Israel luhpia nani, kiamka sut lâka ban kaia ra kabia.

Impakan Sturka 27:21 ပူးပေါင်းရင်းမြစ်များ

Blasi Sturka 1:5

bara witin mita ingni ba “kakna” mâkan, bara tihmu tara ba “tihmia” mâkan. Bara naku natka ra yu pas ba tnata alkan.

Blasi Sturka 1:8

Bara Gâd bui pura ba nina “kasbrika pura” mâkan. Bara naku natka ra yu wâlka ba tnata alkan.

2 Kronikas 13:11

Witin nani ba titan bara tutni ra sin Gâd ra sakripais yabisa, bara sîka mâka kîa painkira nani sin tibil kum ra suni mayunanka tara daukisa, kasak lâka ra brit holikira ba wal; bara sin tutni bani, lamp nani ba angkisa gul kiandilka dusa nani ra, kan yang nani Dawan Gâd lâka nani ba alki daukisna, sakuna man nani lika witin wina laihura takram sa.

Lawana Nani 134:1

¡Kaisa yawan, Dawan napakanka nani sut! ¡Man nani sut Dawan ba yamni sa wis, tihmia ra ai tempelka ra sma nani ba!

Impakan Sturka 12:14

Baha yua ba man nani kupiam kraukaia yua kum kabia, ban kaia ra. Naha yua, piu aula bani, man nani bui yang ra lilia tara dauki aiki kama, bara lâ kum luhpiam nani ra sin smalki kama ban kaia ra.

Impakan Sturka 16:34

Dawan bui Moses ra daukaia win yaba adarka kat, Eran manâ baulka ba brin ba ra, Dawan lâka auhbaika watla lama ba kat swin, bâra main kaiki kaia dukiara.

Impakan Sturka 25:16

bara lâ auhbaika watla yang maikamna ba baha bilara mangks.

Impakan Sturka 28:43

Eran bara ai luhpia nani ba sin dras dimi tint watla kutbanka ra, apia kaka Holi Pliska ra sin dimbia, altar lamara waia kaka sin baha dimi wabia, witin nani prîs warkka dauki ba piua ra, ai swira ba yukukras dimi pruaia apia ba tâwan. Naha lâka na witin kulki ban kaia, ai kiamka nani sin kulki ban kabia, naha lâka na ban kabia ai kiamka nani kat.

Impakan Sturka 29:28

Bamna baha ba Eran ai luhpia nani wal dukia kabia. Baha ba lâ kumi ban kabia Israel luhpia nani tilara. Baha ba Israel luhpia nani sut mita, Dawan prisantka yabia baha ba kupia kumi lâka daukaia dukiara, Dawan ra dauki yabisa, Israel luhpia nani mita.

Impakan Sturka 29:42

Yang ra pain ai kulkaia naha prisantka nani angki na, piu bani aisika nani bara luhpia nani ba ban dauki kabia yang maiwanra, tint watla dimaika ra yang wal prawaia aula ba ra, bahara man wal prawi yang aisi kamna.

Impakan Sturka 29:44

Tint watla ba aihka saki sunu daukamna, altar nani ba sin, Eran bara luhpia nani ba sin aihka saki sunu daukamna. Baku yang prîski nani baku kabia.

Impakan Sturka 30:21

Bahamna ai mihta bara ai mina nani sin sikban kabia, baku lika prubia apia. Naha na lâ kumi daukan sa, baku dauki ban kaia, Eran luhpia nani bara ai kiamka nani sut dauki kaia sa.”

Impakan Sturka 30:36

Baha wina wirâ bris, bara akbi sitni pali daukma, ningkara lâ nani auhbaika watla ba tani ra swima. Tint watla ra, yang maiwanra, upla nani yang prawaia ulaika lamara, naha kîa pain angkaia dukia na kanra sunu kulkan kabia.

Impakan Sturka 30:8

Tutni ra sin kîa yamni angki kabia lamp angkaia aula ba ra. Piu sut ban baku dauki kabia Dawan mawanra, takaskras kira.

Impakan Sturka 40:3

Bahara lâ auhbaia watla ba bri si swibia bara pura prakaia kwalka ni pura prakma.

Libait Lâka 10:9

“Man, apia kaka luhpiam nani, Dawan wal aisaia tintka watla ra dimbia ba ra damra walma, kli wain dih dimbia apia. Wain bara bahmuna sâtka wala sut sin dima apia, pruma ra sîa. Naha lâka baku kulki ban kabia, bara aisa nani ai luhpia nani sut ra wibia naha lâka na.

Libait Lâka 16:34

“Naha lâka na man nani piu bani naku ban dauki kaia lâka sa: mani bani aima kum, naha daukanka na dauki kaia sma, pâtkam nani ban swih tikaia mata, Israel luhpia nani saura dauki ba pura sunra.” Bamna Moses baha warkka daukan, Dawan mita witin ra dîa daukaia win ba baku.

Libait Lâka 17:7

Naiwa wina Israel luhpia nani ba kli ai daiwra nani ba, lasa nani ra yabi sakripais daukbia apia, baha nani ra witin nani mayuni ba saura takan uplika nani sa mita. Naha lâka man nani baku dauki ban kama, aisika nani mita luhpiam nani ra sin smalki ban kama.

Libait Lâka 23:14

Disang mâ nani brisma ba wina, diara kumi sin pima apia, Dawan ra pas prisantkam ba brih wama ba kat, brit, plawar kâkan nani ba sin. Lâka na baku dauki kaia, bamna aisikam nani wina luhpiam nani ra smalki kama, ani anira iwi kama sin.

Libait Lâka 23:21

“Man nani baha yua ba lilia daukma, aidrubanka ba sunu, wark sâtka wala sin daukma apia. Naha lâka na baku dauki ban kama, aisa nani luhpiam nani ra smalki kama, baku ani anira iwi kama ba ra naku dauki kama.

Libait Lâka 24:2

“Israel luhpia nani ra wis, witin nani oliv batana laya kau pain ba bri balaia, lamp nani ba angki ingni ban bri kaia.

Libait Lâka 24:3

Eran baha lampka nani ba ridi dauki kabia, Dawan kaiki ba ra swibia tihmia aiska daskras ingni ba bâra ban kabia, tint watla ba bilara lâ nani auhbi swin ba watla lamara, kwala paman ba lamara upla nani ra ingni yabi kaia; naha lâka na man nani kulki ban kama yuam nani sut, luhpiam nani ra sin smalki kama.

Libait Lâka 24:9

Prisantka ba yaban ningkara britka ba Eran bribia, kiamka nani ba sin, bara holi daukan pliska kum ra wabia, bara baha witin nani pibia. Baha sika Dawan ra yaban pata kau sunu pali daukan ba.”

Libait Lâka 3:17

“Naha lâka daukan na, aisika nani ba tawi ai luhpia nani ra smalki ban kabia, ai piua sut ra. Ani anira man nani wih iwma ba ra, man nani daiwan tâlia bara batanka ba pipara.”

Libait Lâka 3:8

daiwan ba lal ra witin ai mihta kahbaia sa; baha ningkara Dawan wal aisaia tintka watla ba durka lamara, sîpka ba skiru ni sabi ikaia. Bamna prîs nani bal tâlia ba brih, altar pura ba tnaya kir ba srikbia.

Libait Lâka 6:15

Plawar bri balan uplika kum ba, plawar ba ai mihta banhki bribia, batana laya ba wina sin wirâ bribia, bara kîa pain angkaia dukia nani ba sin bribia; bara pata nani ba sut, altar purara angkan baku, kli ai kupia kraukbia. Dîa brin ba angki kîa yamni daukbia, Dawan pain kaiki ba dauki yabia.

Libait Lâka 7:36

Dawan mita win Israel ra wiaia witin nani prîs luhpia nani ra sin plun yabi kabia. Prîs mangkan ba yua wina, baha lâka ba upla nani purara kahban kan ba, piu bani baku dauki kaia, aisika nani ba naha lâka ai luhpia nani ra smalki ban kaia.

Malaquía 2:7

Baha sika prîs nani warkka, upla nani ra smalkaia yang wal kakaira takaia, upla sut witin nani ra wih smalkanka ba briaia, kan witin nani sika Dawan karnika sut bri ba bîla smasmalkra nani sa.

Kulki Kaikanka 18:23

Libait nani baman sip sa tint watla ra wark daukaia, dîa saura kum daukbia kaka, baha lika witin yakan pâtkira sa. Naha na lika lâ kum baku ban kaia sa, aisika ba wina ban luhpia nani kat. Libait nani ba tasba kum ai dukia pali briaia apia sa, Israel luhpia nani tilara.

Kulki Kaikanka 18:5

Man nani baman mihtam ra sa, holi pliska ba ra, kîa pain angkaia ba, altar ba sin. Baku daukma ba ra, Israel luhpia nani mapara kli kupi baikamna apia.

Kulki Kaikanka 19:21

Naha lâka na man nani kulki ban kama. Upla mita upla wala ra sunu saki laya ni srikbi ba, witin ai kwalka ba tuskaia sa. Ya ya sunu sakaia laya ba ra kangbia kaka, witin ba tutni kat tâski kulkan kabia.

Kulki Kaikanka 35:29

“Naha lâka maikisna na, man nani mampa ra lâ kumi kabia, aisika nani wina luhpia nani kat, ani anira man nani raya kama yua sut ra kulki dauki ban kaia.

Kulki Kaikanka 8:9

Bara Libait nani ba, man paiwma witin nani sut asla takaia tintka watla lamara balbia, bara Israel luhpia nani daknika aiska ba yarka asla takbia.

Matiu 4:16

Tihmu tara ra iwi uplika nani ba ingni tara kum kaikan; bara prura tihmuka tasbaya ra iwi nani ra ingni tara kum ingwan.”

Luk 12:35

“Man nani ridi bas, lampkam nani sin klauhi kabia.

Jan 5:35

Jan lika lamp kumi baku klauhi ai ingnika saki kata, bara man nani mita wilin banhwi katma piua prahni kum ai ingnika ra lilia kaia.

2 Korint 4:6

Tihmia ra ingbia dukiara ingni blikan Gâdka ba mita sika, ai ingnika wan kupia ra yan ingwan, bara baku mika baha ingnika wal Gâd prana Jisas Kraist mawanra ingwi ba, yawan kaikaia.

2 Pita 1:19

Naha sika prapit nani mita smalkanka ba kau karna dauki ba. Man nani baha smalkanka ba uya pain walisma. Lamp kumi tihmu pliska kumi ra ingwi ba baku sa smalkanka ba, yu baiwka, titan slilmika ba kupiam nani ra dimi ingbia kat.

Param Marikanka 2:1

“Bamna Epesus sertska insalka ra naku ulbi wis: ‘Witinka ai mihta aihkika ra slilma 7 bri ba bara kiandil mina silbar ni paskan 7 tilara tauki ba mita naku wisa:

1 Samuil 3:3

Samuil lika Dawan watla ra aitniki kan Dawan lâka auhban ba lamara, lamp ba sin kau daskras kan.

1 Samuil 30:25

(Debit baha lâka daukan ba wina, naha yua kat Israel ra lâka ba ban sa.)