Impakan Sturka 26:31 - DAWAN BÎLA AISKA

³¹ “Pamaia kwalka sin kum daukma, mapla blu, balianta talia, pauni bara linin kwalka painkira ni pitbi daukaia. Baha ba wan mihta ni mamaia bara insal wâl lilka ni sin sakahki painkira dauks.

Impakan Sturka 26:31 ပူးပေါင်းရင်းမြစ်များ

2 Kronikas 3:14

Pamaia kwalka ba pauni, balianta talia bara linin ni paskan; baha ni kirubin nani tnawa ba sin bukan kata.

Lawana Nani 137:5

¡Jerusalem, yang âiya mai tikamna kaka, mihti aihkika na sin ban lâwbia!

Impakan Sturka 25:18

Bara gul ba, amar ni pruki pain dauki, baha ni insal lilka wâl paski bara baha pura bikaika daukram ba purara kahbi swis, tâ wâl.

Impakan Sturka 25:4

kwala nani mapla blu, balianta, pauni, linin kiwka, guts taya,

Impakan Sturka 26:1

“Utla ba mâkma bara durka kwalka ba, linin kwalka matawalsip pitban kabia, mapla blu, balianta bara pauni, baku sin insal wâl lilka ba bahara pain maman kabia.

Impakan Sturka 26:32

Baha ningkara gul ni paskan pînka nani ba brih, akasia dusa ni playa tara walhwal daukan ba playka ra pami swis. Playka nani taya ba gul ni lalauban kaia sa, silbar playka tara walhwal ba purara kabia.

Impakan Sturka 27:16

Utla kutbanka ra dimaia durka kwalka ba, yar matawalsip bri kabia, mapla ba blu, balianta, kwala pauni pali, linin ai mihta ni pitban. Playa ba walhwal kabia, mununhta karnika playka sin.

Impakan Sturka 27:21

Eran ai luhpia nani wal, lamp angkaia warkka ba bribia; baku mika Dawan wal aisaia tintka watla ba ingni ban kabia tihmia aiska, Lâ auhbaia watla kutban ra bara baku sin lata tani ra kabia. Naha na lâ kum Israel luhpia nani, kiamka sut lâka ban kaia ra kabia.

Impakan Sturka 28:15

“Lama prakaia, lâ daukan dukia nani ra prakan pîska ba sin, lama prakaika aiska, nahki paskan ba baku natka ra paskma, gul ni, mapla blu, balianta, pauni pali, sut ba linin ni pitban kabia.

Impakan Sturka 35:12

Lâ auhbaia watla ba dusa nani ba sin, pura prakaika nani ba, kwala nani pura prakaika ba,

Impakan Sturka 35:25

Mairin nani sin ai mihta ni diara nani mamaia bara pitbaia sip kan ba kwalka blu, balianta, kwala paura, linin pain ba bri balan;

Impakan Sturka 35:35

witin nani ra diara karbi lilka nani daukaia sinska lâka ba yan kata, bara kwala mamaia sinska sin, kwala paura kwala balianta, kwala pauni pali, bara linin kwalka sin, bara diara wala nani ai mihta ni mamaia warkka sâtka nani daukaia sinska sin yaban.

Impakan Sturka 35:6

kwala blu, paura, pauni pali, linin kwalka, guts tâwa nani,

Impakan Sturka 36:35

Baha purkara pamaia kwalka mapla blu, paura, pauni pali, linin pitban sâtka, baha sut ba ai mihta ni paski dauki paman kata, insal nani lilka wâl ba sin.

Impakan Sturka 36:36

Baha ningkara, gul ni pamaia kiwka nani paskan ba brin, bara kwala nani ba paman, baha playa walhwal silbar playka pura bapi gul ni lalauban.

Impakan Sturka 36:8

Wark dauki nani ba tilara, kau âuya mâira nani kan ba witin nani mita Dawan watla ba paskan. Pamaia kwalka matawalsip daukan, linin maman, kwala blu, kwala paura, bras kwala pauni pali sâtka ni, kwalka nani maman ba tilara insal nani lilka sin wâl daukan.

Impakan Sturka 38:23

Dan kiamka wina Ahisamac luhpia Oholiab wal wark ba daukan, witin sika, ayan ni diara papaskra, baku sin diara mamaia bara pitbaia tânka bri kan kwala blu, paura, balianta, kwala pauni bara linin kwalka nani ra.

Impakan Sturka 40:21

Bara holi pliska, tint watla lila ba kat bri si swin. Bara pamaia kwalka ba paman bara lâ auhban watla ba yukukan, Dawan mita Moses ra nahki daukaia win ba baku daukan.

Impakan Sturka 40:3

Bahara lâ auhbaia watla ba bri si swibia bara pura prakaia kwalka ni pura prakma.

Yamni Kulki Lawana 7:1

¡Minam nani ba kaiki painkira sa, sûs dimisma piua ra, kwin mairin! Maisam daukra painkira ba gul wina diara papaskra sakahki daukan ba baku sa.

Libait Lâka 16:15

Baha ningkara, sîp ba ikbia upla nani saura daukan ba mana, bara tâlia ba kwala kutban ba bilara brih wabia, bahara lâ watla pura prakaika ba bilara bara lata tani ra srikbia, bîp wainhka tâlia ni daukan ba baku daukbia.

Libait Lâka 16:2

Gâd bui Moses ra win: “Muihkam Eran ra wis, holi pliska ra ani taim dimbia ba ra, kwala paman ba ninara, lâ auhbaika watla pura prakaika ba lamara wabia apia, bara witin lika prubia apia; kan baha kat yang kasbrika kum ra param takamna bamna.

Kulki Kaikanka 4:5

Upla nani ba mahka yabal ra impakaia bûi banhbia ba ra, Eran ai luhpia nani wal bal, tint watla durka ra kwalka paman ba lanhki sâkbia, bara baha kwalka bani lâ nani auhban watla ba pura prakbia.

Matiu 27:51

Baha sim piua ra, tempel kwalka paman kan ba lilak kalwan, pura wina munhta kat. Bara tasba ba nikban, walpa nani ba tar baiwan,

Mark 15:38

Tempel kwalka paman kan ba, wâl lilak kalwan, pura wina mâya kat.

Luk 23:45

Lapta ba ai ingnika ba sakras, bara tempel ra kwala paman kan ba lilak kalwan.

Epesus 2:14

Kraist sika wan kupia kumi lâka. Ju nani bara Ju apia nani ba wal upla daknika kumi daukan, waihla lâka kutbanka ba mita dakbi wan saki kan ba slingban bara Kraist ai wîna ra.