Impakan Sturka 25:9 - DAWAN BÎLA AISKA

⁹ Sakuna baha watla yang bal takaski kaia sna ba, baha bilara iwaika nani sut ba sin nahki daukaia ba yang bui man ra mamrikamna bara baku daukaia sma, sât wala lika apia.

Impakan Sturka 25:9 ပူးပေါင်းရင်းမြစ်များ

Impakan Sturka 25:40

bara aman pali damra wali wark ba dauks, il ra yang pat mai wîri baha yarika yahpika diara wala nani ba sin sut nahki daukaia sma ba.

Impakan Sturka 26:30

Bamna utla ba nahki mâkaia patrangka, il purara mamrikatna ba baku mâkma.

Impakan Sturka 39:32

Bara baku tint watla, Dawan wal aisaia tintka watla ba aiska paskan. Dawan mita nahki daukaia Moses ra win ba kat, Israel luhpia nani ba daukan.

Impakan Sturka 39:42

Dawan mita Moses ra dîa daukaia win tânka kat daukan, Israel luhpia nani baku daukan,

Impakan Sturka 39:43

bara Moses mita kaikan warkka nani sut ba. Bara kaiks, Dawan dîa daukbia wisi win ba baku daukan kata. Bara witin nani ra yamni munan.

Kulki Kaikanka 4:12

Bamna ningkara holi pliska ra wark daukaia dukia nani ba sut pali asla bribia, bara sut ba kwala blu kum ra mangkbia, bara daiwan taya ni daukan kwalka maman ba ni pura prakbia, ningkara twilki brih waia dusa purara swibia.

Kulki Kaikanka 8:4

Lamp sunaika watla ba gul ba amar ni pruki tisbi paskan. Dawan bui Moses ra nahki daukaia smalki win ba, baha lilka kat lamp watla ba paskan.

Apastil Nani Sturka 7:44

“Upla iwras tasbaya ra wan damika nani, Gâd upla wal lâ daukan tintka watla ba bri kan. Baha ba baku mâkan, Gâd mita Moses ra win baha nahki mâkaia patrangka dauki marikan baku.

Hibru Nani 8:2

Witin ba kau plis holikira ba kat prîs warkka daukisa, bara baha sika Dawan mita paskan ba, upla nani mita lika apia.

Hibru Nani 8:5

Witin nani prîs warkka dauki nani ba lika, kasbrika purara ba lilka, patrangka bara natka ra baman daukisa. Yawan kaiki nani ba lilka nani, kan Moses ba tint watla paski kan ba ra, Gâd wisata: “Pain kaiki, il ra lilka mai marikatna ba natka kat dauks.”

Hibru Nani 9:2

Tintka watla ba naku daukan kan: Pas kutbanka ba nina ba Plis Holikira mâki kan, bahara kiandil bapaika ba, tibil ba bara yamni munan britka nani sin bâra kan.

Hibru Nani 9:9

Naha dukia sut na lika naha piua nani dukiara lilka kum baku sa. Tânka ba lika wisa, bahara prisant nani bara sakripais nani sin Gâd ra yabi ba, baha nani ai pura suni mayuni kupia nani ba sip kasak aihwa daukras sa.