Impakan Sturka 25:40 - DAWAN BÎLA AISKA

⁴⁰ bara aman pali damra wali wark ba dauks, il ra yang pat mai wîri baha yarika yahpika diara wala nani ba sin sut nahki daukaia sma ba.

Impakan Sturka 25:40 ပူးပေါင်းရင်းမြစ်များ

1 Kronikas 28:11

Bamna Debit ai luhpia Salaman ra prias watla dimaia durka playa nani nahki bapaia ba bara tempel daukaia kan ba sin sut yan, ai lalahka watla nani, pura rumka nani ba, rum kutbanka nani aiska, angki daukaia watla ba sin.

1 Kronikas 28:19

Naha diara nani sut na ulbanka kumi ra Dawan bui Debit ra marikan ulban kata, bahara sika wark nani bani daukaia kan ba, pat ulbi daukan kan.

2 Kronikas 4:7

Kiandil bapi angkaika matawalsip paskan walpa klauhira ni, baha ba tempel ra mangkan, mihta aihkika ba ra matsip bara smihka ra sin matsip swin.

Impakan Sturka 25:39

Gul 75 paun bris, baha kiandil bapaika ba bara pîska nani ba sut paskaia,

Impakan Sturka 25:9

Sakuna baha watla yang bal takaski kaia sna ba, baha bilara iwaika nani sut ba sin nahki daukaia ba yang bui man ra mamrikamna bara baku daukaia sma, sât wala lika apia.

Impakan Sturka 26:30

Bamna utla ba nahki mâkaia patrangka, il purara mamrikatna ba baku mâkma.

Impakan Sturka 27:8

Altar ba tat ni paskma, unta sin lilara swima, dîa il ra mai marikan ba natka kat daukma.

Impakan Sturka 31:11

Lal ra laiki sunu daukaia batanka pliska ba, dus mâka kîa pain angkaia pliska, baha sut witin nani paskan kabia dîa yang mai wîri ba kat.”

Impakan Sturka 36:2

Bamna Moses, Besalel, Oholiab wal ra paiwan, bara waitna wala nani diara papaskra nani ba sin Dawan mita sins lâka lukanka ra mangkan nani kata ba, upla nani sut sin kupia bukan baha warkka daukaia aidrubi balaia.

Kulki Kaikanka 8:4

Lamp sunaika watla ba gul ba amar ni pruki tisbi paskan. Dawan bui Moses ra nahki daukaia smalki win ba, baha lilka kat lamp watla ba paskan.

Apastil Nani Sturka 7:44

“Upla iwras tasbaya ra wan damika nani, Gâd upla wal lâ daukan tintka watla ba bri kan. Baha ba baku mâkan, Gâd mita Moses ra win baha nahki mâkaia patrangka dauki marikan baku.

Hibru Nani 8:5

Witin nani prîs warkka dauki nani ba lika, kasbrika purara ba lilka, patrangka bara natka ra baman daukisa. Yawan kaiki nani ba lilka nani, kan Moses ba tint watla paski kan ba ra, Gâd wisata: “Pain kaiki, il ra lilka mai marikatna ba natka kat dauks.”

Jasua 22:28

Yawan luki kaikisa upla kum wan wibia kaka, baha ba yang nani ra, apia kaka wan kiamka ra, yawan wibia: ‘Man nani kaiks, wan almukka nani ba naha Dawan altarka na paskan daiwan aiska angkaia sakripaiska daukaia baman apia, sakuna witnis yamni man nani tilamra kaia bara yang nani tilira sin.’