Impakan Sturka 25:37 - DAWAN BÎLA AISKA

³⁷ Lamp nani sin 7 paski baha dusa ba purara kahbi swis, ingnika ba ai kaina tani ra ingwi kaia,

Impakan Sturka 25:37 ပူးပေါင်းရင်းမြစ်များ

2 Kronikas 13:11

Witin nani ba titan bara tutni ra sin Gâd ra sakripais yabisa, bara sîka mâka kîa painkira nani sin tibil kum ra suni mayunanka tara daukisa, kasak lâka ra brit holikira ba wal; bara sin tutni bani, lamp nani ba angkisa gul kiandilka dusa nani ra, kan yang nani Dawan Gâd lâka nani ba alki daukisna, sakuna man nani lika witin wina laihura takram sa.

2 Kronikas 4:20

baku sin kiandil bapaia mina nani ba, lampka nani ba sin gul aihwa ni paskan, holikira pali pliska ba ra angki kaia, baha nahki daukaia win ba baku daukan.

Lawana Nani 119:105

Man bîlam ba, yang mini nani lampka kum sa, bara ingni kum sa yabalki ra.

Impakan Sturka 25:38

bamna lamp amaika ba bara laya banhki ba sin, gul aihwa pali ba ni paskan kaia sa.

Impakan Sturka 27:21

Eran ai luhpia nani wal, lamp angkaia warkka ba bribia; baku mika Dawan wal aisaia tintka watla ba ingni ban kabia tihmia aiska, Lâ auhbaia watla kutban ra bara baku sin lata tani ra kabia. Naha na lâ kum Israel luhpia nani, kiamka sut lâka ban kaia ra kabia.

Impakan Sturka 30:8

Tutni ra sin kîa yamni angki kabia lamp angkaia aula ba ra. Piu sut ban baku dauki kabia Dawan mawanra, takaskras kira.

Impakan Sturka 37:23

Lamp nani kahbaika 7 ba, pauta turbaika nani ba, yamhpus auhbaika ba sut, gul ni daukan.

Impakan Sturka 40:24

Kiandil angkaia dusa ba sin tint watla ra brih wan tibil ba lama kat, kwala paman ba waupasa tani ra.

Impakan Sturka 40:25

Bara lamp nani ba angki, Dawan lamara swin. Dawan mita Moses ra nahki daukbia win ba baku daukan.

Sins Lâka 6:23

Kasak lâ bîla bara smalkanka ba, lamp kum ingni klauhi ba sika; wapni takaia lâka bara kupia kraukaia ba sika, rayaka yabalka ba.

Aiseya 8:20

dîa daukaia bara dîa aisaia bîla kum wan wibia ba walaia?” Âu, witin nani baku aisabia sika, sakuna tanis lâka kabia.

Sakaraya 4:2

“¿Man dîa kaikisma?” Bara yang pana witin ra wîri: “Batana laya watlika gul ni paskan kum kaikisni, batana laikaika kum pura tani ra brisa. Purara lamp 7 bâra sa, batana laya nani ba baha kat wisa, untika 7 bâk.

Kulki Kaikanka 4:9

Baha ningkara kwala blu ba, kiandil bapi angkaia dusa ba, lamp nani ba, diara alkaika nani ba, plit nani, glas nani ba, batana laya laikaia watlika nani ba sut pura prakbia.

Kulki Kaikanka 8:2

“Eran ra wis, lamp nani ba angkbia ba ra, ingnika ba param ra kabia lampka mina ba mawanra.”

Matiu 5:14

“Man nani sika naha tasbaya ingnika sma. Tawan kum il purara ba yukuwaia sip apia sa.

Luk 1:79

baha nani tihmia bara prura mununhtara iwi nani ra ingni yaia, bara wan mina nani ba kupia kumi yabalka ra yaka wapaia.”

Jan 1:9

Ingnika kasak pali upla sut ra ingwi ba, naha tasba ra aula sa.

Jan 12:5

—¿Dîa kan naha batanka kîa painkira na, lalah mâ handat yumhpa mana wauhi atki muni, lalahka ba umpira nani ra yaras kan?

Jan 8:12

Jisas kli upla nani ra aisi, win: —Yang sika upla nani ingnika; ya yang nini bliki ba, raya kaia yabi ingnika ba bri kabia, bara kli sin tihmia ra tauki kabia apia.

Apastil Nani Sturka 26:18

Man baha uplika nani nakra nani ba ilingkma, bara witin nani tihmia ra kau wapbia apia, sakuna ingni ra yarka wapbia. Bara sin Sitan mihta ra ban kabia apia, sakuna Gâd nina blîkbia; yang ra sin kasak lukbia, bara ai saurka nani sut ba swih tikan kabia, bara naika piua ra ai pliska bri kabia Gâd mita holikira sakan nani ba aikuki.’

Param Marikanka 1:12

Bara ninira ai warbi tawi kaikri, bîla baikra aisi ba ya aisi kan sapa kaikaia wisi; bamna baku daukri ba ra, kiandil mina gul ni paskan 7 kaikri.

Param Marikanka 1:20

Bara naha sika slilma 7 mihti aihkika ra kaikram ba bara kiandil mina sin 7 gul ni paskan kaikram dahra yukukan ba: slilma 7 ba lika serts 7 ba insalka nani sa, bara kiandil mina 7 ba lika sertska 7 ba.

Param Marikanka 1:4

Yang Jan, Asia tasbaya ra serts 7 ba ra ulbisna. Gâd wina yamnika nani bara kupia kumi lâka ba man nani bris, witinka bâra ban ba, ban kan ba, bara naika balaia ba; spirit 7 ai king iwaika mawan kat ba wina sin,

Param Marikanka 22:5

Bahara tihmia âpu kabia, bara bahara iwi nani ba lamp ingnika, yu lapta ingnika sin luha kabia apia, kan Dawan Gâd mita witin nani ra ingni yabia, bara witin nani king aimaki kabia ban kaia ra ban.

Param Marikanka 4:5

King iwaika ba wina imyula nani, bin nani bara alwani nani sin taki kan; bara king iwaika mawanra pauta lakni lampka 7 klauhi kan, baha nani lika Gâd spiritka 7 ba.