Impakan Sturka 25:30 - DAWAN BÎLA AISKA

³⁰ Baha britka yang ra aikisma ba, piu bani baha tibil purara kahbi bas, yang kaikaia.

Impakan Sturka 25:30 ပူးပေါင်းရင်းမြစ်များ

1 King Nani 7:48

Bamna Salaman Dawan watla aiska paskan wina, diara nani kau bâra kan ba ni daukan gul altarka kum, Dawan yamni munan britka kahbaika tibilka kum sin gul ni daukan.

1 Kronikas 23:29

Baku sin brit nani ai lainka ra kahbi kan ba, kîa yamni angkaia dukia nani, plawar tangnika nani, saika mangkras brit angkan nani ba, brit angkaia pânka ra mangki kuk takan pata nani, plawar akban aiska paun ra mangki kaikan nani ba sut mihta ra mangkan.

1 Kronikas 9:32

Ai taya nani tilara Quehat luhpia nani ba bâk sakan kan, brit holikira ba daukaia, baha ba ris yua nani ra ai lainka ra kahbi swi kan.

2 Kronikas 13:11

Witin nani ba titan bara tutni ra sin Gâd ra sakripais yabisa, bara sîka mâka kîa painkira nani sin tibil kum ra suni mayunanka tara daukisa, kasak lâka ra brit holikira ba wal; bara sin tutni bani, lamp nani ba angkisa gul kiandilka dusa nani ra, kan yang nani Dawan Gâd lâka nani ba alki daukisna, sakuna man nani lika witin wina laihura takram sa.

2 Kronikas 2:3

Baha ningkara Salaman bui Hiram Tiro kingka ra ai bîla blikan wiaia: “Yang aisiki Debit wal aisi lâ daukram ba baku yang ra dauks. Man yalam dusa nani klaki witin ra blikram, king watla mâki bahara iwaia.

2 Kronikas 2:4

Man kaiks, yang Dawan Gâdki tempelka mâkaisna, bahara witin ra mayunra yabaia, kîa yamni nani angki brit nani painka ra tibil ra kahbaia bara ai piua kat Dawan ra tingki wiaia, titan ra bara tutni ra, daiwanka aiska angkaia ris yua nani ra, kati raya bara yua wala nani ra sin wan Dawan ra mayuni kulkaia, Israel luhpia nani tilara dauki ba baku.

Impakan Sturka 35:13

tibil bara ai dusa nani ba, wark daukaia dukia nani ba bara Dawan dukia brit kahbi swin ba,

Impakan Sturka 39:36

tibil ba bara diara laikaia watlika nani ba sin, bâk sakan britka Dawan ra yabi ba,

Impakan Sturka 40:23

Baha purara brit nani kahban, ai watlika kat. Dawan mawanra, Dawan mita Moses ra dîa daukaia win ba kat daukan.

Impakan Sturka 40:4

Tibil ba sin bahara bri si swibia bara kiandil bapi angkaika ba sin, diara nani sut baha purara kahbia bara lampka nani ba sin kahbi swibia.

Isikiel 41:22

dus ni paskan bara talia kan. Tnaya kir ba, praki saban dusa nani ba sut dus ni paskan kan, mâya wina pura kat ba 5 pît bri kan, bîla yahpika ba 4 pît. Bara waitnika ai bri tauki ba ai win: “Naha tibilka sika, Dawan mawanra ba.”

Malaquía 1:12

Sakuna man nani lika kupi baikisma, lukisma altarki, yang tibilki ba bahki kulkaia sip sa, plun nani baha purara kahban ba sin bahki kulki kaia.

Malaquía 1:7

Angki aikaia pata nani saura kulkan ba, man nani ban altarki ra bri sal aikisma, bara kau maikabi walisma: ‘¿Yang nani dîa daukri kupiam sauhkaia?’ Man nani bahki ai kulkisma, kan lukisma diara apia sa altarki ba bahki kulkaia;

Kulki Kaikanka 4:7

Brit tibil ra kahban ba, Dawan lamara ba sin, kwala blu ni purara palkbia; bara baha purara plit nani ba swibia, ispan tara nani ba, kapka nani ba, kâp tara nani ba, wain laiki prisantka yabaia watla ba bara brit nani ba sin bâra ban kabia.

Matiu 12:4

Witin lika Gâd watla ra dimi, brit yamni munan nani ba brih pin; baha lika witin bara ai uplika nani kumi sin piaia adar âpu kan, prîs nani baman lika.

Hibru Nani 9:2

Tintka watla ba naku daukan kan: Pas kutbanka ba nina ba Plis Holikira mâki kan, bahara kiandil bapaika ba, tibil ba bara yamni munan britka nani sin bâra kan.

1 Samuil 21:4

Prîs ba pana win: —Brit nani mihti ra brisna ba ya ya piaia britka apia sa, baha Dawan mawanra kahban britka yamni munan ba. Baha ban maikamna, sakuna uplikam nani ba mairin lamara waras sa kaka.

1 Samuil 21:5

Debit sibrin âpu kira pana win: —Yang nani yabal ra taukisna piua ra, mairin nani wal prawras. Naha impakanka nani sin piua wala nani tauki ba natka kat sa, bara nanara kau klin sa.

1 Samuil 21:6

Bara Dawan mawanra kahban britka ba, prîs ba witin ra yan, kan brit wala âpu, pat yamni munan Dawan dukia kahban ba baman, baha yua ba brit almuk ba altar wina sakan bara brit raya lapta nani watlika ra kahban kan.