Impakan Sturka 25:22 - DAWAN BÎLA AISKA

²² Baha wina man nani wal yang aisamni, pura bikaika purara, insal nani wâl ba lilapaska ba wina, lâ nani auhbi watla ba wina, yang bui man nani ra mai wi kamni, yang dîa Israel luhpia nani ra wiaia brisna ba.

Impakan Sturka 25:22 ပူးပေါင်းရင်းမြစ်များ

Blasi Sturka 18:33

Dawan Ebraham wal aisi swin ba ra, witin baha wina mahka wan; bara Ebraham sin ai tintka watla ra kli tawi wan.

2 Samuil 6:2

Juda tasbaya Baalá wina, witin nani ai daknika aiska buan, Gâd lâka auhbaia watla ba saki brih waia, Dawan karnika sut pali bri ba nina ra ai pura suni ba, kirubin nani purara ai kingka lâka bri ba.

2 King Nani 19:15

bara naku ai pura suni, win: “Dawan, Israel Gâdka, kirubin nani tilara man iwisma ba, man baman sika king tasbaika nani bani tasba ra ba Gâd sma; man sika tasba bara kasbrika purara pali ba sin daukram.

1 Kronikas 13:6

Ningkara Israel luhpia nani sut witin wal aikuki Quiriat-jearim ra uli wan, nina wala sin bri kan baha lika Baalá, baha ba Juda ra sa, baha ba wina Gâd lâka auhbaia watla ba saki brih waia kan. Baha ninara sika Dawan ra wini kan ba, ai king iwaika ba kirubin nani purara bri ba.

Lawana Nani 80:1

Israel sepadka, Josep ra, sîpkam daknika baku tâ brih was, man kirubin purara iwaikam brisma ba, ¡wan wals! Man namkra yamni wal Efraín ra kaiks,

Lawana Nani 80:2

¡Efraín, Benjamín bara Manasés, namkra yamni nani wal kaiks! ¡Bus bara bal wan swaki wan sâks karnikam ba ni!

Lawana Nani 90:1

Dawan, kan wina man wan yukuwaika watla ban sma, piua nani sut tilara.

Lawana Nani 99:1

¡Dawan ba king sa! ¡Witin ai iwaika ba kirubin nani purara brisa! Nisan nani ba tatatwi kabia, tasba aiska ba sin.

Impakan Sturka 20:24

Tasba ni altar kum paski aik, yang duki, bara baha purara daiwram nani daknika ba tila wina, sîp sapa, bîp sapa aiska angki aikaia brih bal, naha sakripaiska na yang wal man nani kli kupia kumi takaia prisantka kabia. Bara yang balamna, yamni sin mai munamna baha pliska bani ra puram sunaia maikri ba ra, yang baku brin ai dauki kan ba man nani piu bani ra nini ba âmya ra bri kama dukiara.

Impakan Sturka 27:21

Eran ai luhpia nani wal, lamp angkaia warkka ba bribia; baku mika Dawan wal aisaia tintka watla ba ingni ban kabia tihmia aiska, Lâ auhbaia watla kutban ra bara baku sin lata tani ra kabia. Naha na lâ kum Israel luhpia nani, kiamka sut lâka ban kaia ra kabia.

Impakan Sturka 30:36

Baha wina wirâ bris, bara akbi sitni pali daukma, ningkara lâ nani auhbaika watla ba tani ra swima. Tint watla ra, yang maiwanra, upla nani yang prawaia ulaika lamara, naha kîa pain angkaia dukia na kanra sunu kulkan kabia.

Impakan Sturka 30:6

Bara altarka ba bri si, lâ nani auhbaika watla ba mawanra kwala paman ba kat bri si swibia, man nani yawan wal prawaia pliska ba kat.

Impakan Sturka 31:18

Dawan ba Sainai ilka ra Moses wal aisi swin ba ra, Dawan bui witin ai mihta tâ ni baha lâka nani ulban walpaya tanhta wâl ba, Moses ra yan.

Impakan Sturka 31:6

Oholiab, Ahisamac luhpia, Dan kiamka wina ba bâk sakri sa, witin ra hilp munaia. Wala nani sin sins tânka bri nani ba ra sin yâri sa, dîa daukaia mai wîri ba sut witin nani daukbia:

Aiseya 37:16

“Dawan karnika sut brisma ba, Israel Gâdka, kirubin nani tilara man iwisma ba, man baman sika king tasbaika nani tasba ra ba, Laih Purara Gâd pali sma; man sika tasba bara kasbrika purara pali ba sin daukram.

Isikiel 43:6

Waitnika laimara buan, bara walri Dawan tempel wina ai aisi kan,

Libait Lâka 1:1

Dawan wal aisaia tintka watla ba wina, Dawan bui Moses ra aisin, bara naha bîla nani na witin ra win:

Libait Lâka 16:2

Gâd bui Moses ra win: “Muihkam Eran ra wis, holi pliska ra ani taim dimbia ba ra, kwala paman ba ninara, lâ auhbaika watla pura prakaika ba lamara wabia apia, bara witin lika prubia apia; kan baha kat yang kasbrika kum ra param takamna bamna.

Kulki Kaikanka 17:4

Baha nani Dawan wal aisaia tintka watla ra bri si swima, lâ auhban bakska ba lamara, baha sika yang bâra man nani wal aisi kaia sna ba.

Kulki Kaikanka 7:89

Moses ba Dawan wal aisaia tint watla ra wih diman ba ra, witin walan Dawan bui witin ra aisi kan lâ watla auhban pura prakaika ba wina, insal lilka wâl ba lilapas wina.

Wihta Nani 20:27

Baha yua nani ra, Dawan lâka nani auhbaia watla ba Betel ra kan, bara prîs aimaki kan ba Finees, Eleazar luhpia bara Eran mulika. Bara Israel luhpia nani ba kli Dawan ra ai pura suni makabi walan: “¿Yang nani na kli wan muihni nani Benjamín kiamka nani ba wal aiklabaia waia sna ki, apia kaka puri luan ba ra wisi ba kat swiaia sna ki?” Bara Dawan bui witin nani ra win: “Man nani kli wih aiklas, yauhka yang bui man nani ra pura luaia karnika na maikamna.”

1 Samuil 4:4

Baku aisi aiklaklabra daknika kum saki Siló ra blikan, bara Dawan karnika sut bri ba lâka auhban watla ba bri balan, witinka kirubin nani purara ai iwaika bri ba. Elí luhpia nani wâl ba, Hofní bara Finees Dawan lâka auhbaika watla aikuki brih wan.