Impakan Sturka 25:20 - DAWAN BÎLA AISKA

²⁰ bara insalka nani ba ai mawan kat kaia sa, sakuna ai nakra nani ba naha pura bikaika ba kat kaiki kaia. Ai tnawa nani ba ni, baha pura bikaika aiska ba pura biki kabia.

Impakan Sturka 25:20 ပူးပေါင်းရင်းမြစ်များ

Blasi Sturka 28:12

Bahara witin yaprisauhkan kum kaikan, bara bahara kaikan ladar tara kum buki bapan kan, tasba wina kasbrika pura kat tâ ba alki kan, bara Gâd insalka nani ba bâk uli bal iwi kan.

1 King Nani 6:23

Baku sin rayaka bri ba lilka wâl oliv dusa ni daukan, holi pliska pali bâra swiaia, bara kumi bani yarika ba lika 15 pît bri kan.

1 King Nani 6:27

Bara Salaman bui holikira Pliska ba kat swin. Bara rayaka bri nani ba, ai tnawa nani ba ilingki bri kan, bara tnawa kumi ba utla tnaya kumi ra kangbi kata, bara tnawa wala ba lika utla un tnaya wala ra kangbi kata; bara tnawa wala wâl ba, pana pana kangbi kan Plis holikira lilapas ba kat.

1 King Nani 8:7

Baha nani ba bui ai tnawa mununhtara bri kan lâ auhbaia watla ba, ai dusa yari kan ba sin.

1 Kronikas 28:18

Baha purkara kîa yamni angkaia watlika ba dukiara gul aihwa aitani kat yan, baku sin gul yan truk ba dukiara. Baha sika insal nani, Gâd lâka auhbaia watla ba purara ai tnawa ilingki bri ba dukiara sin lalawbia wisi yan.

2 Kronikas 3:10

Bara bilara holikira Pliska ba ra upla wâl lilka paskan kirubin dusa nani wâl daukan, baha nani sin gul wal lalauban kan.

Impakan Sturka 25:18

Bara gul ba, amar ni pruki pain dauki, baha ni insal lilka wâl paski bara baha pura bikaika daukram ba purara kahbi swis, tâ wâl.

Impakan Sturka 25:19

Pura bikaika ba bara insal nani ba sut pîs kumi daukan kaia sa, bara insal kum ba pura bika tâ kum ra swiaia sa, bara wala ba pura bila tâ wala ra,

Isikiel 1:20

Baha nani walhwal ba anira waia Gâd karnika mita brih auya bara wilwaika nani ba sin aikuki buki kata, kan baha wilwaika ba sin witin nani rayaka pîska kum sa bamna.

Isikiel 28:14

Kirubin kum mita main mai kaiki kaia mai swiri, Dawan ilka holikira ra katma, bara slilma nani tilara wapi tauki katma.

Matiu 24:31

Bara ai insalka nani blîkbia trumpit binka tara ni ai uplika bâk sakan nani ba pâsa mapa walhwal ba wina asla daukaia, tasba tâ kum wina tâ wala kat.

Jan 1:51

Bara Jisas naha sin win: —Kasak mai wisni, man nani kasbrika pura ba kwawan kaikma, bara Gâd insalka nani bal iwi uli kabia, Upla Luhpia Waitna purara.

1 Korint 11:10

Naha pali dukiara sika, mairin ba insal nani tâwan, ai lal purara ai maya karnika sainka kum bri kaia sa.

1 Korint 4:9

Bamna yang lukisni, yang nani apastil nani sna na, Gâd mita ningka pali ra ai swin baku sa. Yang nani na prura pâtka ra tawan uplika nani baku sna; tasba aiska ba, insal nani wihki upla nani wal sin, wan kaikbia wisi wan mangkan sa.

Epesus 3:10

Bamna baku takan, baha mita nanara serts bâk Gâd ai sinska lâka sât sât ba yaka param kaikbia, baha nani kasbrika purara tâ aimaki nani ba bara karnika alki nani ba sut.

Kolosi 2:10

bara man nani lika Gâd ni mai banhkan sa, kan Kraist wal asla sma ba mita. Spirit bri nani sut lalka sa, karnika bara pura aimakaia karnika brisa.

Hibru Nani 1:14

Ban kaka, ¿insal nani ba dîa sa? Witin nani sut ba lika spirit sa, bara Gâd warkka daukisa, bara witin mita baha nani ba ani uplika nani swaki sakan lâka briaia ba ra, hilp munaia blikisa.

Hibru Nani 9:5

Lâ auhbaia watla ba purara kirubin nani ba bahara kan, baha nani ba lika Gâd pali bahara iwi kan watlika ra bri kan, bara ai tnawa nani wal lâ auhbaia watla ba praki bri kan. Sakuna nanara lika baha dukia nani tânka bani ba, aisaia piua apia sa.

1 Pita 1:12

Sakuna Gâd mita baha prapitka nani ra latan marikan ai warkka ba; witin nani ai dukia lika apia kan, sakuna yawan wan dukia kan ba. Bamna nanara, naha sim dukia sika man nani ra maisam pakan ba. Sturi yamni bîla twatwilkra nani, witinka nani Spirit Holikira kasbrika pura wina blikan ba karnika ni aisan ba mita, naha kasakka sturka nani mai win sa. Naha dukia nani lika insal nani pali sin tânka ba kaikan daukisa.

1 Pita 3:22

Bara witinka sika kasbrika purara uli Gâd lama pali ra iwi ba, bara insal nani, kasbrika purara karnika bri nani ba, bara karnika wala bri nani ba sut purara sin, witin wihta aimakisa.